..og ég vissi það!

 

Hann borðaði steiktar kótelettur með raspi, grænum Ora baunum og brúnuðum kartöflum.

Hann skvetti á sig vatni úr vaskinum, mátti ekki vera að því að baða sig, skellti á sig Old Spice.

Hann klæddi sig í rauðdoppóttu skyrtuna og fór í fermingajakkafötin frá Drengjafatavinnustofunni, en þau voru farin að glansa smá af notkun og voru tveimur númerum of lítil.  Hvað, sagði hann við sjálfan sig, það er innihaldið sem telur ekki lúkkið sjálft.

Hann náði sér í Vodkann og kókið og settist út á svalir.  Drakk þar til upphitunar áður en hann fór ofan í bæ með vinunum sem áttu líka fermingarföt frá Drengjafatavinnustofunni.

Þeir þvældust um götur miðborgarinnar, klipu í rassa sem áttu leið fram hjá þeim og þeir höfðu hátt, þeir sungu til dæmis "Undir bláhimni" og "Harðgerða Hanna".

Þeir slógust smá, duttu hér og þar og gerðu háreysti á börum.

 Þetta var hið fullkomna föstudagskvöld enda allir í svaka stuði út af handboltanum.

En þetta var samt bara upphitun fyrir það sem hann kallar "Ómenningarnótt".

Eftir að hafa keypt sér kjamma á Umfó var haldið aftur ofan í bæ og nokkrir miðborgargestir voru ónáðaðir til viðbótar, bara svona til að setja punktinn yfir i-ið á þessu fullkomna kvöldi.

Löggan kom og tók hann vegna þess að hann blóðgaði einhvern nörd utan að landi.

Þetta var Erill gærdagsins.

Konan hans sagði mér þetta.

 Hvað var ég ekki búin að segja, börnin góð.

Erill hjá lögreglunni

Athugasemdir

[halkatla, 23.8.2008 kl. 11:16]

kúdós

[María Guðmundsdóttir, 23.8.2008 kl. 11:26]

ómæ... hann hefur greinilega alltaf nóg fyrir stafni hann Erill...ætli vid séum skyld..?

hafdu thad gott

[Birna Dis Vilbertsdóttir (IP-tala skráð) 23.8.2008 kl. 11:26]

Kunnugleg frásögn,.Þetta með jakkafötin er staðreynd.Ég og Krumma þekkjum svoleiðis dæmi.Fleiri en eitt.Daginn frú

[Bergljót Hreinsdóttir, 23.8.2008 kl. 11:27]

æji...krúttið þitt....

[Brynja skordal, 23.8.2008 kl. 11:28]

það þarf að fara svæfa þennan Eril... strax eftir kvöldmat vonum að Erill.. verði til friðs á menningarnótt En þessi mynd þarna no comment

[Rut Sumarliðadóttir, 23.8.2008 kl. 11:37]

örugglega verið fjör í gærkvöldi svona miðað við höfðatölu

[Ía Jóhannsdóttir, 23.8.2008 kl. 11:42]

Já hann verður að halda upp á eitthvað allar helgar aumingja kallinn.  Svo missir hann bara af leiknum í fyrramálið, gott á hann.

[M, 23.8.2008 kl. 11:50]

Svo mætir Múgur og öll hin margmennin í dag til að troðast niður í bæ

[Jóna Á. Gísladóttir, 23.8.2008 kl. 13:09]

muuhhaaaaaaaaa

[Brjánn Guðjónsson, 23.8.2008 kl. 13:17]

ekki alveg rétt. við sungum Harðsnúna Hanna.

að öðru leiti allt satt og rétt. makalaust hve vel má nýta þessu kúl jakkaföt.

[Jenný Anna Baldursdóttir, 23.8.2008 kl. 13:37]

Keli: Ég dey.  Hláturskast í gangi.

Brjánn: Sorrí en hver er munurinn Harðsnúna, harðgerða bæði flott.

[Jenný Anna Baldursdóttir, 23.8.2008 kl. 13:38]

Jóna: Ekki ert þú Erlína? Muhahahaha, nei við erum vinkonur.

Hallgerður: Erill er nægjusamur, hávær, drykkfeldur, leiðinlegur en nægjusamur.

M: Jösses satt segirðu.

Sara: Takk hehe.

[Jenný Anna Baldursdóttir, 23.8.2008 kl. 13:39]

Já við þekkjum öll Erlana, þeir eru alls staðar þar sem eitthvað er að gerast.

Takk öll fyrir komment.

[Guðríður Haraldsdóttir, 23.8.2008 kl. 14:31]

Hahhahaha, góður þessi Erill!

[Gunnar Hrafn Jónsson (IP-tala skráð) 24.8.2008 kl. 01:08]

Ekki gleyma Annríki! Hann er alltaf virkur á þessum sömu kvöldum og Erill.