Leita í fréttum mbl.is

Bloggfærslur mánaðarins, ágúst 2009

Ást og friður

Svei mér þá ef fyrrverandi Frjálslyndi er ekki jafn órólegur og sumir nýir flokkar á Alþingi.

Við nefnum engin nöfn.

Allt verður þeim að meini.

Hvenær hætti fólk að geta talað saman og leyst úr málum?

Ég bara skil etteggi.

Er ekki hægt að finna sér stað í friði á jörðu, ást og gleði?

Okei, ekki sannfærandi en mikið rosalega er ég þreytt á skemmileggjandi stjórnmálaöflum.

Munur en ég - kem með friði og elska alla.

Ég lýg því auðvitað eins og ég er löng til (162 cm í réttstöðu og á hælum - djók).

En ég er í góðu skapi.

Ætla mér stóra hluti.

En fyrst ætla ég að færa mitt alkunna og fagra menningarheimili úr 105 í 101, þar sem ég mun ástunda fagurt mannlíf og heilbrigt líferni í framtíðinni.

Og farið með friði börnin góð.

Pís lof and happíness.

Úje.


mbl.is Saka Ólaf F. um fjárdrátt
Tilkynna um óviðeigandi tengingu við frétt

Hvaða foss eretta?

bjarki_mr_magnsson_jpg_550x400_q95

Ég hef mikinn áhuga á fossum.

Sá þessa mynd á DV og er búin að velta þessu mikið fyrir mér.

Eru þetta Hraunfossar?

Sé ekki alveg myndina vegna Bjarka Más Magnússonar sem var dæmdur fyrir skelfjalaust ofbeldi á fyrrverandi sambýliskonu sinni um daginn.

Mál án hliðstæðu segir fólk.

En ég myndi ekkert vera að dreifa myndum af honum til að sem flestir sjái hvernig hann lítur út, eða þannig.

Það er sko fossinn sem ég hef áhuga á.

Pjúra fossaðdáandi.

Eru þetta Hraunfossar eða hvað?

Einhver?

Látið spurninguna berast.


Leikhús fáránleikans

leikhús

Það er svo ótrúlega kaldhæðnislegt og er gleðivekjandi fyrir kvikindi eins og mig að lesa um þetta!

Þessu liði hlýtur að svíða óheyrilega undan því að neyðast til að binda vonir sínar við ÓRG.

Ómægodd.

Það mætti skrifa um þetta harmleik með kvikindislegu ívafi.

Einhver ætti að taka það að sér.

Nei, annars það er óþarfi.  Raunveruleikinn er stundum mun bitastæðari en dramatískustu ritverk.

Instant karma hérna ef einhverntímann.

I love it.

 


Aumingja Erill krúttfrömuður talar tveimur tungum

Erill Ónæðisson 

Elsku Erill, ætlar seint að sjá ljósið.

Þá er ég ekkert að tala um að þessi síglaði djammari þurfi að fara í meðferð, ónei, enda er ég viss um að karlinn á nokkrar að baki.

Nei, ég er að tala um hversu dýrt þetta er fyrir hann að búa úti í bæ en eiga sér fast aðsetur hjá löggunni um helgar.

Ég man ekki eftir einni einustu helgi síðan netmogginn varð staðreynd að Erill væri ekki í helgardvöl hjá löggunni.

Mogginn segir alltaf frá því samviskusamlega.

Kannski eru þeir að senda Erli félaganum óbein skilaboð.

Erill minn vertu bara heimilisfastur á Hverfisgötunni.

Þá getum við hætt að láta mömmu þína vita í gegnum Moggann að þú sért heill á húfi.

Svo gæti Mogginn kallað skóflu skóflu í staðinn fyrir að klína öllu á Eril einan.

Segja hlutina eins og er:

Það var allt vaðandi í ógeðslegu fylleríi eins og vanlega um helgina.

Migið utan í hús, ælt á gangstéttina og fjöldi manns reyndi að fyrirkoma hvert öðru.

Það er íslenska sem lýsir ástandinu vel.

Aumingja Erill.

Vegna allra minna fjölþóðlegu lesenda víða um heim þá kemur færslan beint úr þýðingarvélinni, svona líka glæsileg.

Elsku Erill,'re late to see the light.

Then I am not talking about that síglaði party needs to go into treatment, Oh, as I am sure that man of few behind.


No, I'm talking about how expensive it is for him to live out in town but have a fixed place of cops on the weekends.

I remember not by one individual weekend since netmogginn became fact that Erill would not helgardvöl the police.

Mogginn's conscience ever since.

Perhaps they send indirect messages Erli partner.

Erill my be just a resident of the Hverfisgötunni.

Then we stopped to let your mom know through the Posts that you complete at stake.

So could Mogginn called shovel shovel instead of Klint all the Eril alone.

Say things like is:

It was all in vaðandi disgusting fylleríi as vanlega weekend.

Migið outside the house, ælt gangstéttinni and the number of people tried to come to each other.

It is Icelandic, which describes the situation well.

Poor Erill.


mbl.is Erill hjá lögreglu í nótt
Tilkynna um óviðeigandi tengingu við frétt

Af uppskafningum og útlensku bjargráði

Vá, nú renna upp góðir tímar.

Íslenska komin í gúggúl þýðingarvélina.

Ég ætla að láta þýða ýmsar þingræður sem ég hef átt erfitt með að skilja yfir á ensku eða sænsku og athuga hvort ég fæ ekki botn í þær á erlendu tungumáli.

Getur ekki orðið þvælnara en á frummálinu, kannski leynist þar glóra ef ég er heppin.

Finnska gæti komið betur út en íslenskan hjá sumum mætum þingmönnum.

Rakastastinúa.

Svo langar mig í tilefni sunnudagsins að fá smá útrás yfir orðanotkun ákveðinnar starfsstéttar við Austurvöll.

Málið er að það er allt fullt af málfarsfasistum sem troða sér inn í athugasemdakerfi fólks á blogginu og leiðrétta það stöðugt.

Málfarsbloggin eru hins vegar fróðleg og skemmtileg og ég les þau með mikilli ánægju.

Ég get þolað bæði sjálfri mér og öðrum að verða á í messunni málfarslega en ég þoli ekki uppskrúfað málfar og yfirborðsmennsku í tali og þegar ég rekst á það - nú þá hætti ég að hlusta.

Sumir þingmenn eru alltaf að "koma fram fyrir þjóð sína" og þeir eru með svo miklar áhyggjur af "þjóðinni sinni".

Gússí-gússí.

Þjóðin mín; ég gæti gubbað.

Djöfuls hroki.

Hvernig væri að tala um "þjóðina" og vera meðlimur hennar heldur en að tala um hana eins og fóstra talar um börnin sín.

Birgitta í Borgarahreyfingunni notar t.d. mikið "þjóðin mín".

Getur verið að þingkonan noti þennan stíl svona almennt?

Að henni sé "illt í augunum sínum" af þreytu?

Svöng í "maganum sínum"eftir langar fundasetur yfir Icesave?

Óánægð með "sjónvarpsdagskránna sína" þegar á að slappa af yfir RÚV á síðkvöldum.

Birgitta er ekki ein um þetta uppskrúfaða og væmna málfar sem setur mig tafarlaust í öflugt pirringskast.  Það eru þó nokkrir sem fara á kostum í uppskafningadeildinni.  Sigmundur Ernir er annað dæmi sem ég man eftir í augnablikinu.

Í staðinn fyrir að fara hamförum yfir þágufallssýki og einstaka enskuslettum í bloggi (blogg er talmál gott fólk) þá mætti biðja þetta fólk sem lufsast hefur inn á þing, margir fyrir hrein mistök, að tala mannamál og að það hætti að standa í pontu með sínar prívat sjálfshátíðir, talandi niður til "þjóðar sinnar".

Plís "Birgittan mín" og þið hinir "þingmennirnir mínir".

Komið endilega út úr sjálfshátíðartjandinu og takið ykkur sæti með oss hinum.

Afsakið meðan ég teygi mig í ostaskerarann minn og sneiði af mér aulahrollinn minn.

Lalalalala.

Og hefjast nú leikar.


mbl.is Íslenska í þýðingarvél Google
Tilkynna um óviðeigandi tengingu við frétt

Svo 2007

Þessi frétt er svo dásamelga 2007 að það er ekki fyndið!

500 ankeri notuð til að halda niðri bílakjallarahúsi við hlið Tónlistar- og ráðsefnuhússins!

Gróðærisminnismerkinu sem ég hef fullkomna andstyggð á.

En varðandi ankerin 500 heldur einhver að þorri lesenda fréttarinnar skynji stærðina í ankerafjölda?

Það hefði getað staðið að bílakjallarahúsinu væri haldið uppi af hvorki meira né minna en 7 ankerum og ég hefði samstundis trúað því að það væri svaka ankeraurmull.

Fréttin hefur sem sagt engan tilgang nema hún sé skrifuð fyrir ankerisáhugamenn og fólk sem hannar svona hús.

Vá hvað ég er áhugalaus um ankerin.

Svo er þetta montfrétt í þokkabót.

Alveg: Við erum með 500 ankera bílakjallara - ekki fleiri ankeri í svoleiðis byggingu í heiminum fyrir utan eitt í Dubai. Nananabúbú.  Aular.

Annars er ég með hugmynd.

Byggjum bílakjallarann og látum tónlistarhúsið eiga sig.

Ekki af því ég vilji ekki tónlistarhús það er skömm að því að við skulum ekki eiga eitt slíkt en mig langar ekkert að tengja músíkina í landinu við Björgólf og þá kumpána.

Listin á einfalaldlega betra skilið.

500 ankeri já.  Ég er svo helvíti mikið nær.

Frusss

Jabb og ég flokka þessa færslu að sjálfsögðu undir "Landsbankadeildina".

Merkilegt hvað maður hefur haft mikið notagildi af þeim aukaflokki.

Og við erum ekki að tala um fótbolta hérna börnin mín á vatninu.


mbl.is Bílakjallarinn við 500 ankeri
Tilkynna um óviðeigandi tengingu við frétt

Hrunaflokkurinn berst um á hæl og hnakka

Leynt og ljóst hafa Bjarni Ben og Sigmundur Davíð unnið að því að koma því þannig fyrir að stjórnin falli.

Það er auðvitað eðlilegt að stjórnarandstaða sækist eftir að komast á bekkinn en það er til háborinnar skammar að hegða sér svona á þessum erfiðu tímum í sögu þjóðarinnar.

Málefni og hagur þjóðarinnar hafa verið sett til hliðar en klækjastjórnmál hafa ráðið allri framgöngu þessa fólks, allt gert til að komast að kjötkötlunum.

Ég á orðið í erfiðleikum með að fylgjast með í þinginu vegna framíkalla frá stjórnandstöðunni sem hagar sér eins og götustrákar af báðum kynjum (fyrirgefið götustrákar).

Nú þarf ég ekki að velkjast í vafa lengur um hver áform BB og félaga eru.

"Verði fyrirvörunum við ríkisábyrgð á Icesave-samning ríkisstjórnarinnar hafnað, verði ekki fallist á skilaboðin frá Alþingi, er ég jafnframt þeirrar skoðunar að ríkisstjórnin eigi að segja af sér,“ sagði Bjarni Benediktsson, formaður Sjálfstæðisflokksins á opnum fundi í Valhöll í morgun."

Hrunaflokkurinn ætlar ekki að gera það endasleppt.

Bjarni Ben ætar að troða sér í stjórn.

Ég veit að Framsókn og Sjálfstæðisflokkurinn leggja mikið á sig núna.

Það þarf að verja gamla valdabatteríið, koma í veg fyrir breytingar og pólitísk uppgjör.  Sannleikurinn má ekki verða ljós.

Þeim má ekki verða kápan úr því klæðinu.


mbl.is Víki verði fyrirvörum hafnað
Tilkynna um óviðeigandi tengingu við frétt

Hvað næst?

Ég hef alltaf haft illan bifur á Alþjóða gjaldeyrissjóðnum.

Eftir að hann var kallaður til "hjálpar" hefur sú skoðun mín styrkst ef eitthvað er.

Þeir hafa hér töglin og haldir, það er nokkuð ljóst, þessi ógæfustofnun sem farið hefur með djöfulgangi um lönd í efnahagskrísu og ekki í eitt einasta skipti svo mér sé kunnugt um, hafa þeir lagað ástandið í viðkomandi löndum.  Þvert á móti hafa þeir skilið eftir sig sviðna jörð.

Að halda að þeir séu með göfugri markmið og betri vinnubrögð hér á landi er barnaskapur svo ekki sé meira sagt.

Án tillits til þess álits sem fólk hefur á afrgreiðslu Icesave þá er það frá í bili skyldi maður ætla.

En er það svo?

Ég held að stjórnvöld hafi ekki haft annan kost í stöðunni en að samþykkja málið vegna þess að AGS heldur allri lánafyrirgreiðslu í gíslingu.

Nú segja þeir að seinni hluti lánsins verði að "líkindum" afgreiddur í september.

Ætli það séu ekki fleiri skilyrði sem þeir eiga eftir að draga úr pússi sínu?

Hvað með Magmamanninn, sem hefur verið með starfsemi sína í löndum þar sem AGS hefur farið með "aðstoð" sína?

Þessi sem lætur eins og Ésú endurborinn fullur kærleika og umhyggju fyrir náttúrunni og afkomu Íslands?

Getur verið að eignarhald þess félags á auðlindunum sé annað skilyrði?

Kannski fleiri?

AGS ræður nú þegar vaxtastefnunni og stjórna Seðlabankanum.

Nei, AGS er ólán sem aldrei hefði átt að kalla til.

Nú sitjum við hreinlega í súpunni og hér ráða þeir öllu.

 


mbl.is Icesave losi lánastíflu
Tilkynna um óviðeigandi tengingu við frétt

Essa sú?

Essa sú Sigurjón sem heldur því fram að hafa á sínum tíma ekki talið að ríkisábyrgð væri á Icesavereikningunum?

Essa sú Sigurjón sem mætir í fréttirnar með attitjút lítið hrifinn af samningnum við Icesave en ert glaður með fyrirvarana alveg eins og þú sért einhver utanaðkomandi, blásaklaus borgari sem hefur ekkert með málið að gera?

Essa sú aulinn þinn sem ert enn að rífa kjaft?

Arg.

Tímdi varla að nota krúttlega "essasúið" á þig plebbinn þinn.


mbl.is Taldi ekki ríkisábyrgð á Icesave-reikningum
Tilkynna um óviðeigandi tengingu við frétt

Ég hlusta, ég meðtek

Ég vil bara leggja á það áherslu sjálfri mér til áminningar ef minni mínu hrakar á næstunni eða ég fer að bulla til uppbökkunar á atkvæði mínu í kosningunum s.l. vor...

að þegar Eva Joly talar þá hlusta ég og tek fullt mark á því sem hún segir.

Ég trúi henni einfaldlega betur en flestum öðrum.

Mundu það Jenný Anna Baldursdóttir.


mbl.is Telur nýjan starfshóp pólitískt útspil
Tilkynna um óviðeigandi tengingu við frétt

Næsta síða »

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 13
  • Frá upphafi: 0

Annað

  • Innlit í dag: 0
  • Innlit sl. viku: 13
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband