Leita í fréttum mbl.is

Færsluflokkur: Spaugilegt

Leikhús fáránleikans

leikhús

Það er svo ótrúlega kaldhæðnislegt og er gleðivekjandi fyrir kvikindi eins og mig að lesa um þetta!

Þessu liði hlýtur að svíða óheyrilega undan því að neyðast til að binda vonir sínar við ÓRG.

Ómægodd.

Það mætti skrifa um þetta harmleik með kvikindislegu ívafi.

Einhver ætti að taka það að sér.

Nei, annars það er óþarfi.  Raunveruleikinn er stundum mun bitastæðari en dramatískustu ritverk.

Instant karma hérna ef einhverntímann.

I love it.

 


Söknuður, sorg, blíða, ást, gredda (nú eða þrá), svefnleysi, hungur eftir hlátri og samræðum, hahahahahaha, búhúhúhúhú og komdu heim - núna!

 love-letter

Kúbanski rithöfundurinn Ludmilla hefur séð fyrir sér í 15 ár með því að skrifa ástarbréf fyrir fólk.

Af hverju datt mér þetta ekki í hug, hugsaði ég og boraði í nefið á mér gröm á svip.

Svo kviknaði á perunni.  Auðvitað datt mér þetta ekki í hug þar sem ég hef aldrei skrifað eitt einasta ástarbréf á minni löngu ævi.

Er of krumpuð og lokuð til að hafa skrifað ástarviðföngum mínum í gegnum lífið enda eru til símar og engin ástæða til að skella samböndum til baka í tíma allt aftur til fjaðurpennamenningarinnar.

Hvernig myndi ég skrifa ástarbréf ef ég ætlaði í einlægni að setja hlýjar og heitar kveðjur á blað til míns heittelskaða?

Hm.... látum okkur nú sjá, hafið þolinmæði ég kann þetta ekki. 

Hvar á hann að vera staddur?  Jú hann getur verið að spila blús, segjum á Kúbu.  Nei það gengur ekki, hefði aldrei samþykkt að fá ekki að fljóta með.  Ókei, setjum hann niður með gítarinn í Félagsheimili Harðangursfjarðar í Norge. Mig langar ekkert þangað.

Jibbedydonk.

Elsku ástin mín (hérna heldur hann að ég sé að gera eitthvað stórkostlegt af mér en ókei, allt fyrir ástina).

Ég elska þig jafn mikið og ég gerði þegar þú fórst.  Ég get ekki borðað, ekki lesið og ekki bloggað.  Það er nefnilega búið að loka fyrir rafmagnið.

Gengur ekki, kaldhæðni í ástarbréfum er nónó.

Ég gæti ekki verið væmin á blaði þó líf mitt væri undir.

Ég gæti hins vegar alveg átt það til að gerast smá klúr til að fá ástina mína til að brosa.

Elsku draumaprinsinn minn, ég sakna þín mest í við gúrkurekkann í Hagkaupum og þangað fer ég þegar þrá mín eftir þér verður hvað öflugust, ég styn af frygð innan um grænmetið, allt frá kúrbítum að ætiþislahrúgunni.

Ég gefst upp, ég er í alvörunni smáborgaraleg í ástarmálum, sko hvað varðar svona ástarjátningar.  Svo er ég hrædd um að einhver kæmist í bréfið og myndi setja það á netið og hringja á væmnilögguna nú eða klámlögguna ef ég fer í klúru deildina.

Af hverju á maður að búa til sönnunargögn gegn sjálfum sér?

Hvað hefur maður ekki oft orðið ástfanginn í bríari í svo sem eins og vikutíma nú eða sólarhring þegar best (verst) lét? 

Haldið þið að það væri gaman að hafa skriflegar heimildir um tilraunastarfsemi með eigin hormóna?

Arg.

Þá er best að lyfta tóli og tala í gegnum sæstrenginn.

Ég gæti sagt:

Söknuður, sorg, blíða, ást, gredda (nú eða þrá), svefnleysi, hungur eftir hlátri og samræðum, hahahahahaha, búhúhúhúhú og komdu heim - núna.

Love you darling.

Nei, ég þarf örugglega að leita á önnur mið eftir tekjulind.

Ástarbréfahöfundur verð ég ekki úr þessu.

P.s. Ég öfunda samt smá vinkonur mínar sem eiga ástarbréf í skókössum upp á háalofti.

Það er einhvers konar "Notebook" og "Bridges in Whatevercounty" yfir því.


mbl.is Ástarbréf í akkorði
Tilkynna um óviðeigandi tengingu við frétt

Þarf bílpróf á Doddabíla?

 

Pabbi vinkonu minnar átti Trabant.

Við fórum út úr bænum í berjamó og svona á krúttmolanum.

Vitið þið að það var sagt um Trabantinn að ef hann beyglaðist þá þyrfti bara að setja heitt straujárn á viðkomandi beyglu og vola, allt komið í lag aftur.

Ég hef svona nostalgíuást á Trabbanum.

Samt þótti lúðalegt að eiga Trabant í æsku minni þó það væri alls ekki algengt að fólk ætti heimilisbíl.

Strákarnir í Verkó görguðu úr hlátri yfir plastbílnum. Alveg: Hí á Trabantinn.  Drusla, drusla!  Helvítin á þeim, ég vona að þeir hafi allir misst bílprófið.

Afi minn átti sko alvöru bíl, rauðan Skoda Oktavíu.

Hann (afi) var stórhættulegur í umferðinni var alveg: Lalalala ég er einn í heiminum, frá, frá, Fúsa (Guðmundi) liggur á.

Við hlið hans sat frú Jenný Andrea amma mín og gargaði úr hræðslu.

Ómæ, það voru ljúfir tímar.

Ég er eiginlega dedd á því að fá mér rafknúinn Trabba.

Ætli maður þurfi nokkuð að hafa bílpróf á svona Doddabíl?

Umferðarlögregla: Here I come.


mbl.is Næsti Trabbi verður rafbíll
Tilkynna um óviðeigandi tengingu við frétt

Hér er komin mynd ársins

Jájá, þrjúþúsund kvikindi á Austurvelli.

Gott mál.

En þetta er mynd ársins.

Ef einhver toppar þetta veiti ég verðlaun.

Skafmiða á þúsara.

stoliðn

Spot on!


mbl.is 3000 á samstöðufundi InDefence
Tilkynna um óviðeigandi tengingu við frétt

Sárt en svona er lífið

Snorri Ásmundsson hefur aldrei hitt Karl Berndsen.

Ekki ég heldur.

Ég veit það Snorri, það er sárt en svona er lífið.

Líf án náinna samskipta við Karl Berndsen er gleðisnautt og vart þess virði að lifa.

Döh..

Mér fannst þessi fyrirsögn svo skáldleg að ég varð að grípa hana á lofti.

En segið mér..

"who the fuck" is Karl Berndsen?

Hmprf....


mbl.is „Aldrei hitt Karl Berndsen“
Tilkynna um óviðeigandi tengingu við frétt

Bláa höndin og allur sá pakki

Stundum eru fréttir svo krúttlegar.

Lögreglan á Sri Lanka hefur handtekið stjörnuspeking fyrir að spá bömmerum fyrir ríkisstjórn forseta landsins.

Þetta skil ég.

Ég meina hvað hef ég ekki oft gripið til kviðristukittsins hérna á blogginu þegar sumarstarfsmenn blaðsins hafa staðið í þýðingum á stjörnuspám?

Ha?

Kannski hefði ég átt að senda lögguna á stjörnuspekinginn.

Nú eða spákonurnar sem ég lét ljúga að mér í æsku minni.

Alveg: Fjögur börn og eitt hamingjusamt hjónaband þar til dauðinn skilur ykkur að.

Ég trúði þeim alveg. (Átti mín ljóskumóment).

Og botnaði ekkert í af hverju þetta gekk ekki eftir.

Núna, fjölmörgum eiginmönnum síðar með þrjár mannvænlegar dætur, sé ég að spádómar þessarra spákvenna voru ekkert annað en lögreglumál.

Þær lugu að mér eins og sprúttsalar á sterum.

Þetta stönt hjá löggunni á Sri Lanka. að handataka stjörnuspekinginn hefði alveg geta gerst þegar t.d. Davíð Oddsson var forsætisráðherra.

Ég get alveg séð hann fyrir mér láta ná í Gulla Stjörnu og hundskamma hann fyrir neikvæða spádóma.

Ég meina, kallaði hann ekki Hallgrím Helga á teppið og lagði honum lífsreglurnar ha?

Bláa höndin og allur sá pakki.

Ég sverða.


mbl.is Handtóku stjörnuspeking fyrir slæma spádóma
Tilkynna um óviðeigandi tengingu við frétt

Riðið á vaðið í rannsóknum

 Hefilbekkur2

Ég er fjandinn hafi það forspá.

Um daginn varpaði ég þeirri spurningu fram á snjáldurskinnu, í algjöru bríaríi auðvitað, hvort það væri í lagi með fólk sem gerði það í bílum.

Ég var þá að hugsa um skort á hugmyndaflugi.

Hver þarf bíla þegar það eru þvottabretti, straubretti, snagar og hefilbekkur á hverju heimili.

snagi

Þarna hef ég beinlínis orðið fyrir andlegri reynslu og séð fram í tímann.

Fólk í Danmörku var að ríða í bílnum og hann fór út af.

Lögreglan segist hafa rökstuddan grun um að þetta ósiðlega athæfi hafi verið í gangi þegar bílinn keyrði á.

Það sem ég er að velta fyrir mér og vantar í fréttina er pönslænið.

Hvað liggur að baka rökstuddum grun lögreglunnar?

Fann hún eitthvað sem benti til samfara í bílnum?

Fann hún þvottabretti í framsætinu?

Eða hefilbekk?

Kannski las þetta fólk mínar heimspekilegu vangaveltur á snjáldrinu.

Og ákvað að "leggjast" í rannsóknir.

Ég sjálfmiðuð?

Ónei, bara raunsæ.

Súmítúðebón.

 


mbl.is Kynlífið endaði með ósköpum
Tilkynna um óviðeigandi tengingu við frétt

Prótótýpan

Óásættanleg framkoma forseta Alþingis, segir formaðurinn með hegðunarvandamálin, SDG.

Ég fylgist með þinginu eins og ég get.

Eins og fleiri.

Ég held að ég sé ekki ein um þá skoðun að þetta komi úr hörðustu átt.

SDG er prótótýpa óásættanlegrar hegðunar.


mbl.is Óásættanleg framkoma forsetans
Tilkynna um óviðeigandi tengingu við frétt

Ég er í góðum hópi óvina Framsóknarflokksins

Mér líður eins og stoltri móður.

Nú eða stoltum og glaðbeittum skemmileggi.

Framsóknarflokkurinn telur mig óvin flokksins.

Mikið skelfing er ég upp með mér, þó þetta komi mér í opna skjöldu, hef verið að mæra konurnar í flokknum en það telst greinilega ekki með.

-----

Leyniskjöl: Óvinir Framsóknar í bloggheimum

Þetta eru þeir sem teljast "andstæðingar" Framsóknarflokksins í bloggheimum.

Miðvikudagur 22. apríl 2009 kl 13:36

Höfundur: Ritstjórn DV (ritstjorn@dv.is)

DV hefur undir höndum Excel skjal frá Framsóknarflokknum yfir óvini flokksins í bloggheimum. Á listanum er meðal annars Bjarni Harðarson, fyrrverandi þingmaður Framsóknarflokksins, Samfylkingarfólkið Dofri Hermannsson, Bryndís Ísfold Hlöðversdóttir og Helga Vala Helgadóttir. Auk þeirra er Jónas Kristjánsson, fyrrverandi ritstjóri, á listanum.

DV barst skjalið frá heimildarmanni innan flokksins. Nöfn ofantaldra eru birt í skjalinu undir fyrirsögninni Bloggarar – Andstæðingar. Nöfn allra sem eru á listanum eru eftirfarandi:

(Nafn, stjórnmálaskoðun, slóð á blogg)

Andrés Jónsson, XS, www.andres.eyjan.is
Árni B. Steinarsson Norðfjörð, ??, www.taoistinn.blog.is
Baldur McQuees, ??, www.baldurmcqueen.com
Bjarni Harðarson, L, www.bjarnihardar.blog.is
Björgvin Valur Gíslason, XS, www.bjorgvin.eyjan.is
Bryndís Ísafold Hlöðversdóttir, XS, www.bryndisisafold.eyjan.is
Dofri Hermannsson, XS, www.dofri.blog.is
Dögg Pálsdóttir, XD, www.doggpals.blog.is
Gunnar Axel Gunnarsson, XS, www.gunnaraxel.blog.is
Helga Vala Helgadóttir, XS, www.eyjan.is/helgavala
Jakobína Ingunn Ólafsdóttir, ??, www.kreppan.blog.is
Jenný Anna Baldursdóttir, ??, www.jenfo.blog.is
Jón Ingi Cæsarsson, XS, www.joningic.blog.is
Jónas Kristjánsson, ?? , www.jonas.is
Lára Hanna Einarsdóttir, ??, www.larahanna.blog.is
Ómar Ragnarsson, ??, www.omarragnarsson.blog.is
Róbert Marshall, XS, www.marshall.hexia.net
Sigurjón Þórðarson, XF, www.sigurjonth.blog.is
Þór Jóhannsson, ??, www.thj41.blog.is

Í skjalinu er einnig að finna upplýsingar um herráð flokksins sem hittist klukkan hálf níu á hverjum morgni. Auk þess er að finna upplýsingar um bloggara sem eru hliðhollir flokknum. DV mun á næstu klukkustundum birta þessar upplýsingar á dv.is.

-----

Nú þakka ég fyrir að vesælli persónu minni sé sýndur þvílíkur heiður að ég geti talist skipta máli svona yfir höfuð.

Svo get ég ekki verið að gera Framsóknarmenn að meiri ómerkingum en þeir þegar eru og mun því leggja mig alla fram til að gera þá ekki að ósannindamönnum og hamast í þeim eins og brjálæðingur fram að kosningum - og eftir kosningar ef þurfa þykir.

Reyndar mætti listinn vera betur unninn.  Þeir setja spurningamerki við stjórnmálaflokk þann sem ég tilheyri.

Reyndar tilheyri ég engum en fyrir þessar kosningar er ég merkt í bak og fyrir - ég er vinstri græn.

Hvað er að þessu liði?

Ég legg til að þeir fari að dæmi Jóhönnu Sigurðardóttur og steinþegi (og skrifi) fram yfir kosningar.

Skjóta sig í lappirnar hvað?


mbl.is Þögn Jóhönnu til umræðu í Færeyjum
Tilkynna um óviðeigandi tengingu við frétt

Ekki sama á hvaða fíl er ráðist

 477329A

Þessi fíll tengist ekki fréttinni.

Rosalegir fordómar eru gagnvart samkynhneigðum fílum í Póllandi.

Ég sverða.

En það er eins gott að Mogginn slær varnagla í þessari frétt og tekur fram að fíllinn á myndinni tengist ekki fréttinni.

Annars hefði blaðið getað lent í meiðyrðamáli.

Fíllinn á myndinni hefði hreinlega getað stefnt þeim.

Hvaða brandarakall setti þetta í blaðið?

En svona í förbifarten:

Ætli það sé enn verið að leita að páskaeggjum í Elliðaárdalnum?

Nei, nei, segi svona, datt það í hug bara.

P.s. Ég verð að segja ykkur að mér finnst þessi fíll á myndinni smá hommalegur og ég vona svo sannarlega að hann sjái ekki þessa bloggfærslu.

Hehemm.


mbl.is Skammast yfir samkynhneigðum fíl
Tilkynna um óviðeigandi tengingu við frétt

Næsta síða »

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 13
  • Frá upphafi: 0

Annað

  • Innlit í dag: 0
  • Innlit sl. viku: 13
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband