Leita í fréttum mbl.is

Færsluflokkur: danskar kjötbollur með sósu

ÉG ER...

.. eitt egg

..ein ristuð brauðsneið með osti

..kornflex

..hállf melóna

..einn bolli sítrónute

..tvö vatsglös

Þetta er ég það sem af er dags.  

Var að lesa að maður væri það sem maður borðar.

Súmítúmímímí.


ÉG VERÐ AÐ HEIMAN Í NÓTT..

1

..af því ég er orðin uppiskroppa með sparifé og ætla að gista með mínu fólki í IKEA-búðinni.  Þeir munu lesa fyrir mig sögu fyrir svefninn og í fyrramálið fáum við kjötbollur í morgunmat í boði hússins.

Þetta gerði IKEA-verslunin í Olsó í síðustu viku.  150 manns sváfu í versluninni.  M.a. ein brúðhjón sem voru orðin uppiskroppa með sparifé.  Það var þarna sem ég hætti að skilja.  Þýðir það að maður geti ekki verið heima hjá sér þegar búið er að tæma baukinn? 

Annars er þetta ekki neitt til að vera hissa á, þ.e að þeir hjá IKEA hafi látið sér detta þetta í hug.  Húsbandið hefur sagt við mig oftar en einu sinni, þegar honum finnst það taka eilífðartíma hjá mér að fara í IKEA, hvort ég vilji ekki bara taka tannburstan með mér, dvelja nokkra daga og hann muni svo ná í mig þegar ég er búin.

Veikmíöppbíforjúgógó!

 


mbl.is Ókeypis gisting í verslun IKEA
Tilkynna um óviðeigandi tengingu við frétt

FYRIR JÓNU ÁGÚSTU

1

..Gísladóttur, eðalbloggvinkonu mína (www.jonaa.blog.is) en mér finnst ég þurfa að útskýra hillusvipinn margfræga betur fyrir henni.

Húsbandið kýs frekar að fara með skrifaðan lista í matvörubúðir heldur en með undirritaðri.

Ástæða:  Hann heldur því fram að það komi óræður hillusvipur á frómu mig og að ég sé til alls líkleg.

Útskýring fyrir Jónu:  Bretinn þinn virðist líka telja það fjárhagslega hagstæðara að dingla um allt með miðanum fremur en þér. Alla vega, Jóna mín, þá vissirðu strax hvað hillusvipurinn þýddi.

Niðurstaða: Ég er kúl, Jóna er kúl.  Mér finnst gott að hafa húsbandið í innkaupunum en ég fer alltaf nokkrum sinnum í mánuði og lif mýtuna  "konur eru kaupóðar", ekki fer maður að eyðileggja svo útbreitt kjaftæði um konur, og svo finnst mér best að gera hlutina þannig að ég standi ærlega undir nafni.

Muhahahahahaha

Súmígæs.


FORBOÐIÐ

1

Rosalega finnst mér gleðilegt að Starbucks kaffihúsið hafi neyðst til að loka í Peking, eftir kröftug mótmæli. Sjá:

"Kaffihúsið Starbucks neyddist til þess að loka í Peking eftir kröftug mótmæli. Bandaríska kaffihúsakeðjan opnaði fyrst í Forboðnu borg Peking fyrir sjö árum síðan, en hefur löngum verið talin móðgun við kínverska menningu."

Að hafa þessa keðju, sem eflaust er ágæt fyrir sinn hatt, í hinni forboðnu borg finnst mér svo mikið stílbrot og nákvæmlega jafnmikið út úr kortinu og stilla MacDonalds upp í fordyri Þjóðleikhússins.  Eitthvað verður að vera heilagt gagnvart kapítalismanum sem öllu tröllríður.  Reyndar bauðst kaffihúsakeðjunni að starfa áfram ef þeir kölluðu starfsemina öðru nafni en það tóku þeir ekki í mál

Mér finnst einhvernvegin að í forboðnu borginni eigi að vera kínversk tehús og matsölustaðir.  Ekkert annað takk fyrir.  Það er hægt að gúffa í sig hamborgurum og kaffi annarsstaðar "for crying out loud".

Úje


mbl.is Starbucks lokar í Forboðnu borginni
Tilkynna um óviðeigandi tengingu við frétt

SUMARSTARFSMAÐURINN LEIKUR ENN LAUSUM HALA

2

 ..eða hvað finnst ykkur um þessa fyrirsögn?  "BARA MATRÉTTIR FRÁ EES-RÍKJUM Á BOÐSTÓLNUM?"  Nýyrða smíðin heldur áfram.  Halló, hvað varð um máltíðir?

Mogginn hefur alltaf verið ofarlega á vinsældarlistanum hjá mér, alveg frá því ég var stelpa, t.d. vegna þess að Mogginn var útvörður vandaðs málfars og svo auðvitað vegna minningargreinanna (okokok er að fíflast með minningargreinarnar).  Það var hægt að nota blaðið eins og stafsetningarorðabók.

Setjið Sumarliða á námskeið og ég meina það.

Ekki seinna en núna.


mbl.is Bara matréttir frá EES-ríkjum á boðstólum?
Tilkynna um óviðeigandi tengingu við frétt

ÉG UM MIG FRÁ ÞÉR TIL ÞÍN

1

Þið trúið því ekki hvað ég er æðisleg.  Ok ég byrja aftur.  Þið trúið því ekki hvað ég var ótrúlega dugleg og framkvæmdasöm í gær.  Enda var þessi lukkudagur, 13. júlí á föstudegi alveg yndislegur.  Ég verð að deila með ykkur afrekunum.

Fyrir hádegi var ég búin að þrífa íbúðina hátt og lágt, blogga, lesa blogg, hringja nokkur símtöl og skrifa meil.

Jenny Una Errriksdóttirrrr kom í pössun til okkar og við drifum okkur með hana í Rúmfatalagerinn (já ég veit að það er klisjukennd hegðun en hafið þið prófað dönsku borðtuskurnar sem fást þar?)  og síðan í Hagkaup í Kringlunni.  Jenny lék við hvern sinn fingur og söng hástöfum, kastaði kveðju á hvern mann og í Hagkaupum fékk hún að reiða fram Visakortið þegar við greiddum fyrir matinn.  Sú stutta sagði alvarleg um leið og hún rétti fram kortið "þetta errr korrrt ég ekki borrrrga peninga".  Ég ásamt húsbandi og öðrum nærstöddum horfðum á undrabarnið stórum augum og svo hélt hún áfram "Jenny gleymdi peninginn".  Stúlkan sú er komin inn í íslenska hagfræði rúmlega tveggja ára gömul og geri aðrir betur.

Jæja.  Í gærkvöldi toppaði ég svo sjálfa mig með því að baka bæði banana- og kryddbrauð sem Edda mín (www.eddaagn.blog.is) á heiðurinn af en konan er snillikokkur og kennir hússtjórnarfræði sem útleggst á íslensku matreiðsla.  Þeir sem þekkja mig vita að ég er þekkt fyrir margt annað en tertu-, brauð- og kökuframleiðslu.  Það splundraðist einhver uppsafnaður hormónaköggull þegar ég varð edrú og nú legg ég nótt við dag til að bæta fyrir áralanga vanrækslu í bökunardeildinni.

Nú er kominn nýr og fallegur dagur.  Ég og húsbandið vældum í foreldrum Jennyar Unu um að fá hana til gistingar og það gengur eftir.  Nú þarf ég að baka eitthvað í tilefni dagsins, bara ekki vandræði.

Skellti inn mynd af mér við baksturinn í gærkvöldi og þið sjáið að mér fellur aldrei verk úr hönd eða fót.  Á meðan ég bakaði kryddbrauðið gerði ég mínar hefðbundnu dansæfingar.

Súmí ef þið öfundið mig.

Hehe


NAUMHYGGJAN Í BLÓMA

1

Einu sinni hélt Ibba Sig. vinkona mín því fram að hámark naumhyggjunnar, sem nú tröllríður innréttingatískunni á Íslandi, væri komin út í öfgar þegar það vantaði ausu og það þyrfti að ná í hana niður í geymslu.  Hehe ég hló að þessu eins og brjáluð kona, fannst það lýsa svo vel þessari tískugeggjun í einu og öllu.

Í kvöld vantaði mig ausu...............  og ég þurfti að sækja hana í geymsluna.

Ég er í vondum málum svona innréttingawise og öðruwise!

ARG


ÉG ER ÁHUGMAÐUR UM MATREIÐSLU..

1

og norræn í þokkabót þannig að ég ætti kannski að taka þátt í keppni um norræna matargerðarlist  sem er verkefni sem stuðla eiga að því að gera hana sýnilegri.  Markmiðið er að vekja athygli á gæðum hráefnis á Norðurlöndum og hvetja til þess að  þau verði meira notuð í eldhúsinu.

Annars er nú mín reynsla af norrænni matargerð ekki til að hrópa húrra fyrir.  Danirnir brillera auðvitað í sínum hefðbundna mat, sem er frekar fitandi og óhollur en ótrúlega girnilegur.  Reynsla mín af norskum og sænskum mat er að hann er frekar "dull", fyrirsjáanlegur og óspennandi. 

Það mætti alveg borga Norðmönnum fyrir að hætta með eða endurnýja innihald "matarpakkanna" sem þeir taka með sér í vinnuna, sama hvað á gengur.  Eða þá Svíunum fyrir "blóðbúðinginn" steikta með sultusmurningunni. 

Æi ég held að ég láti vera að fara í þessa keppni fyrir áhugamenn, ég myndi rústa liðinu.

Er eins og venjulega að þjást af mikilli hógværð.´

Góðan daginn annars.


mbl.is Norræn keppni fyrir áhugamenn um matreiðslu
Tilkynna um óviðeigandi tengingu við frétt

ARG, HREFNUVEIÐAR AÐ HEFJAST AFTUR

Rosaleg tregða er þetta.  Af hverju er þessum fáránlegu veiðum ekki hætt?  Það stendur í fréttinni að eftirspurn eftir kjötinu sé mikil, að mér skilst hér innanlands.  Góðan daginn, sé Íslendinga í anda úða í sig 34 stykkjum af Hrefnu.  Það eru einhverjir örfáir sérvitringar og svo Japanir sem borða þetta kjöt.

OMG við verðum að hugsa um "immidsið".


mbl.is Hrefnuveiðar hefjast aftur í dag
Tilkynna um óviðeigandi tengingu við frétt

SKÚBB

1

Ég var í kvöldbíltúr áðan með húsbandinu og keyrði þá fram á Jodie Foster í Aðalstrætinu, ásamt tveimur börnum sínum og eldri konu.  Ég vissi ekki að hún væri hér.  Hví hefur engin sagt mér?  Ég fékk áfall, átti ekki beint von á að sjá eina af mínum uppáhaldsleikonum augliti til auglitis.

Hm... merkileg reynsla.


Næsta síða »

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 13
  • Frá upphafi: 0

Annað

  • Innlit í dag: 0
  • Innlit sl. viku: 13
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband