Leita í fréttum mbl.is

Færsluflokkur: kvikindiskapur og illt umtal

EINELTI SUMARLIÐA...

..og tilraunir hans til að brjóta mig niður ætla engan enda að taka.  Á mánudaginn hringi ég í Styrmi ritstjóra og kvarta.  Kvarta sáran yfir að ég, einn af Moggabloggurum, skuli ekki fá að lifa dag öðruvísi en asninn hann Sumarliði leggi mig í einelti.  Dúa dásó, er hreinn jólasveinn við hliðina á fíbblinu.

Steingeit: Það er ógeðslegt að borða fulla skeið af salti. En hnífsoddur hér og þar gerir allan mat betri. Það sama á við um ábyrgð. Hún er fín í smáskömmtum.

Sko ég hellti ríflega fullri skeið af Maldúnsalti yfir flottu kartöflurnar sem ég sauð í kvöld.  Það er of mikið ég veit það, ég játa og tek ÁBYRGÐ á mínu viðbjóðslega athæfi.

Ég er hætt að blogga (ekki láta ykkur dreyma um það).

Síjúgæs.


..OG ALLIR HATA FEMINISTA

 

Stöð 2 er að toppa sig þessa dagana.  Fyrr má nú vera gúrkan.  Þeir sem horfðu áðan,  hafa væntalega séð "fréttina", þ.e. viðtalið við Íslensk-Kanadiska klámmanninn sem lét hvað hæst þegar klámráðstefnan var blásin af á dögunum.  Einhvern veginn sló sá maður mig ekki sem mjög áreiðanlegur heimildarmaður, en Stöð 2 étur vitleysuna hráa upp úr honum í símaviðtali. Hann og nokkri aðrir ferðuðust hingað hvort sem var, af því þeir voru búnir að kaupa miðann til Íslands og fá fríð í vinnunni.

Enhvernveginn svona hljómað frásögn Hr. Hjörleifssonar (held ég muni nafnið rétt):

Allir þekktu okkur af nöfnunum þegar við vorum að skemmta okkur í bænum.  Við rákumst ÓVART inn í lokað partý hjá feministum og þær voru mjög ókurteisar, yfirheyrðu okkur og voru ekki mjög aðlaðandi. ALLIR sem við töluðum við á djamminu sögðust hata feminista. Borgarstjórinn er örugglega geðveikur að koma með yfirlýsingu eins og þessa, þegar hann lýsti andstöðu sinn við klámráðstefnuna, nema að hann hafi eitthvað vont á samviskunni!

Svo heilsteiptur karakter eitthvað.

Stöð 2 - getalæf!


EINU SINNI LAS ÉG LJÓÐ..

1

..eftir nútíma hippaskáld, sennilega á árinu 1967.  Skáldið var íslenskt, en því miður hef ég með árunum gleymt bæði nafni skáldsins og ljóðinu, nær öllu.

Samt man ég þema ljóðsins og mér koma þessar línur sem ég man alltaf í hug, þegar ég sé myndir í blöðum og sjónvarpi af þotuliðinu.  Fólkinu sem ráfar um á markaðstorgi hégómans og virðist fátt annað gera en að hafa áhyggjur af kjólum.

Ég sá þessa "frétt" hér á Mogganum áðan og ljóðið gleymda eftir skáldið góða kom sterkt inn við lesturinn.

Línurnar koma hér:

MONA LIZA, BIG-TIME MONA LIZA

THE FRONT SIDE ONLY

Úje, ég auglýsi eftir ljóðinu öllu.

 


mbl.is Beckham-hjónin vígð inn í Hollywood með formlegum hætti
Tilkynna um óviðeigandi tengingu við frétt

NÚ VÆRI MÉR SKEMMT..

p

..ef það væri sannleikskorn í bölvaðri stjörnuspánni minni (Steinunn Ólína, ekki orðW00t).

"Steingeit:Ef þú myndir aðeins lækka í sjálfum þér, geturðu betur skilið það sem gerist í kringum þig. Og líka að einhver er alltaf að hugsa um þig."

Ég hef varla sagt orð, upphátt í allan dag.  Ég hef reyndar sagt heilmikið á blogginu í dag en það er fremur lágvært mal sem engan getur stuðað.  Ég þarf að reyna að skilja betur umhverfi mitt segir Sumarliði, ég myndi nú ekki vera að segja öðrum hvað þeir eiga að gera ef ég væri hann því eins og allir vita fær hann ekki endurráðningu næsta sumar hjá Mogganum.

Sumarliði er defenately fullur!

Hver getur verið að hugsa um mig ALLTAF?

Ég get ekki ímyndað mér það.

ÆGIFÖPP


ÞAÐ ER AÐ ÆRA ÓSTÖÐUGAN....

VÓFF..

..að vera að linka á svona fréttir, þrátt fyrir að þessi sé afskaplega gleðileg.  Á ekki að halda kertavöku í tilefni dagsins?  Segi svona.

Rosalega sem fjölskylda Lúkasar er orðin feimin eitthvað.  Ekkert viðtal í fréttunum eða neitt.

Kannski búið að segja allt sem segja þarf?

Demedifænó, demedifæker!

vóff, vóff.. bobsí-bobbs


mbl.is Lúkas kominn heim
Tilkynna um óviðeigandi tengingu við frétt

HÚN FRÆNKA MÍN....

..utan að landi, auðvitað, stendur fyrir stóru búi og er með milljón hesta og eitthvað af meme.  Hún á engan mann og á ekki heimangengt frá búskapnum til að krækja sér í einn.  Hún frétti af einkamálum.is og þar væru margir mætir menn á sveimi og vel brúklegir til undaneldis.  Hún setti in auglýsingu þar sem hún tíundaði kosti sína, eignir og útlit.  Það gekk ekki nógu vel, allir voru giftir, nýlega fráskildir eða öðruvísi uppteknir.  Frænkan úr sveitinni gafst ekki upp, hún fattaði að í einkamálum gildir öfugmæla aðferðin.  Eftirfarandi auglýsing var sett inn og nú fær hún ekki frið fyrir eðlilegum mönnum.

Kyn: Kvenkyns
Aldur: 39 ára
Landshluti: Landið og miðin
Kynhneigð: Gagnkynhneigð(ur)
Flokkur: Vinátta / Spjall
 
Hæð: 171 cm.
Þyngd: 65-70 kg.
Augnlitur: Óuppgefið
Hárlitur: Óuppgefið
 
Auglýsing skoðuð: 1534 sinnum
 
Síðast tengd: 22. júlí 2007
Klukkan: 14:47
 
 Óska eftir að kynnast ófríðum, subbulegum, giftum mönnum í verulegri yfirþyngd sem standa í forræðisdeilum (við konu nr. 2 en eru núna með konu nr. 4)) og eru óheiðarlegir, heimskir, gjaldþrota og með fullt af beinagrindum inni í skáp. Best væri svo ef þú ert líka á vondum stað í lífinu.



Til að senda þessum notanda skilaboð þarftu að skrá þig inn hér til hliðar eða nýskrá þig.

 

Þessu vildi ég deila með ykkur elskurnar mínar.

Æmsósjokkd.


SPEGILLINN TALAR

Mér hefur verið ráðlagt að brosa í spegilinn á morgnanna, jafnvel bjóða mér góðan daginn og svoleiðis, þið skiljið.  Þetta geri ég yfirleitt á hverjum morgni, þ.e. brosi flóttalega til sjálfrar mín, svona frosnu brosi en er alveg í rusli vegna þess að ég er svo full af einhverjum kjánahrolli.

Í morgun vaknaði ég fyrir allar aldir.  Ég fór beint í morgunverkin, þvoði mér í framan og burstaði tennur og dreif mig svo í brosstandið með hálfum huga, eftir að hafa tvítjékkað á svalalæsingunni, útidyrahurðinni og fjórlæst baðherberginu.

Mér brá þegar ég horfði í spegilinn.  Það var ekki af undrun og aðdáun á sjálfri mér þótt ótrúlegt megi virðast.  Spegilmyndin horfði á mig úrillum augun og sagði:

SP: Ekki flott á okkur hárið nú frekar en endranær.  Eitthvað heyrt talað um hárgreiðslustofur?

Ég: HA?

SP: Þetta ástand er nú ekki til að brosa yfir, sérðu gráu hárin hérna fremst, t.d. hér (hönd á spegilmynd beinir frekjufingri að örfínum gráum geislum við topp).  Hvernig eigum vér að brosa þegar ástandið er svona?

Ég: (Enn í áfalli) Haaa?

SP: Vér nennum ekki þessum brosleik fyrr en eftirfarandi ábendingar hafa verið lagaðar:

a) hár klippt

b) hár litað og strípað

c) augabrúnir plokkaðar

d) Lýtaaðgerð framin á augnumgjörð

Þangað til verður beitt dagsektum.

Æmstillsjeiking!

 


FREKJA OG HROKI STANGAVEIÐIFÉLAGS RVK

 

Nú get ég bara ekki orða bundist.  Aðgerðir Stangaveiðifélags Reykjavíkur hafa tekið á sig mynd öfgafullra ofsókna á hendur Pólverjum sem félagið segir í tugavís stunda veiðiþjófnað í íslenskum ám.  Félagar eru hvattir til að stöðva þá og halda þeim á meðan beðið er eftir lögreglu og taka af þeim myndir ef kostur er.  Þetta bendir Einar Skúlason, framkvæmdastjóri Alþjóðahúss á m.a. í þessari frétt.

Rosalega yrðum við Íslendingar glaðir ef einhverjir legðu okkur svona í einelti.

Pólverjar eru 2% þjóðarinnar.  Sumir Íslendingar ættu að skammast sín, það er á hreinu.


mbl.is Umræðan um veiðiþjófnað öfgafull
Tilkynna um óviðeigandi tengingu við frétt

MIKIÐ SKELFING ER ÉG FEGIN..

1

..að hér skuli fólk ekki líflátið af dómstóli götunnar.  Bara svona nærri því.

Ætli mannorðsmorð sé hin nútíma aftökuaðferð?

Ég, hugsi-


mbl.is Hundurinn Lúkas á lífi
Tilkynna um óviðeigandi tengingu við frétt

SUMARLIÐI SLÆR FAST....

2

..á lyklaborð lífsins þegar hann sýður saman stjörnuspá Steingeitarinnar fyrir nýbyrjaðan sólarhring.  Nýyrðasmíðin er þessum bjána stöðugt hugleikinn eins og sjá má hér fyrir neðan:

"Steingeit: Hví að sætta sig við að vera stöðugt hálfóánægður? Ný andleg mynd hressir upp á ástarlífið. Vertu bjartsýnn, ástvinur vill allt fyrir þig gera."

Ég segi það; hví að vera stöðugt hálfóánægður þegar maður getur allt eins verið algjörleg óáægður?  Maður á aldrei að láta bjóða sér hálfvelgjuna í lífinu.  Það er allt eða ekkert.

Sumarliði á von á heimsókn,

Ég í brynju með alvæpni.


Næsta síða »

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 13
  • Frá upphafi: 0

Annað

  • Innlit í dag: 0
  • Innlit sl. viku: 13
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.