Ófarir spikfeitrar býflugu - eða hvað?

 

Ég stend frammi fyrir vandamáli.

Það hefur með reykingar að gera.

Ég þyrfti að hætta þessum (ó)sið en ég nenni því ekki. 

Það er vandamálið sko.  Letin á eftir að verða minn bani.

Annars verð ég að segja ykkur frá því að í gær var ég nærri búin að yfirgefa.

Jájá og það var nokkuð dramatískt bara.

Sú kakófónía innihélt eftirfarandi: Svalahurð, stóra býflugu, stökk tvo metra í loft upp, flugnaspaða, fall á gólf og hönd sem festist á milli stafs og hurðar ásamt aumum raddböndum.

Persónur og leikendur: Undirrituð og  eitt býflugukvikindi, spikfeitt.

Ég minni á að býflugur hafa ekki hendur.

Nú getið þið raðað saman brotunum.

Ég nenni ekki að fara nánar út í atburðarrás.

Er að reykja sko.

Athugasemdir

[Marta B Helgadóttir, 27.6.2008 kl. 12:11]

Frábær að vanda

Góðan daginn Jenný mín

...ein nokkuð sein á fætur, enn í fríi og ennnn að klóra sér í flugubitin frá Tenerife.

[Jónína Dúadóttir, 27.6.2008 kl. 12:40]

Reyktu meira og svældu þær í burtu

[Kristín Katla Árnadóttir, 27.6.2008 kl. 12:44]

 Ég hef notað hárlakk á þessi kvikindi. ég er svo hrædd við þær.

[Jenný Anna Baldursdóttir, 27.6.2008 kl. 12:49]

Hvað mynduð þið segja ef ég segði að það væri orðið of seint af því að ég væri með hönd í fatla, brotið barkakýli (eða væri ef ég væri með eitt), ökklabrot og annað smálegt og gott.

Fluguskrattinn slapp, svo einfalt er nú það.

[Hulla Dan, 27.6.2008 kl. 13:11]

Ef þér er alvara með reykingarstoppi og hefur ekki lesið bókina "létta leiðin til að hætta að reykja" bendi ég hér með á hana.
Hef heyrt að hún geri eitthvað stórkostlegt við hugsunina hjá manni.
Ætla að kaupa hana á mánudaginn sjálf

Vona að þú sért ekki brotin eða í fatla... Ef hún kemur aftur skaltu... æpa... það er alltaf besta útrásin.

Knús to you

[Einar Indriðason, 27.6.2008 kl. 13:28]

Sko... ég hefði skilið þessi viðbrögð, ef flugan hefði verið geitungur.  En... hungangsfluga?  Þær gera engum mein, nema í algjörri nauðvörn.  Eins og ef þú hefðir tekið hana í lófann, og farið að kreista.

Og, það er pínu skrítið að segja... "letin, ég nenni ekki að hætta" .... Þetta hljómar eins og ansi mikið verkefni í mínum eyrum.  Það þarf að fara út í búð (jafnvel sérferð), kaupa kartonið.  Opna kartonið.  Veiða pakkann upp úr.  Opna pakkann.  Hella einni og bara einni rettu út.  Það þarf að fiska upp kveikjarann, eða eldspýturnar.  Það þarf að standa upp og fara út, í mismunandi veðri.  Það þarf að slá öskuna af, helst í öskubakkann.  Það þarf að tæma öskubakkann við og við.

......

Þetta hljómar allt í mínum eyrum, eins og þú sért bara ofvirk í reyknum.   (Ég get ekki flokkað svona aðgerðir sem leti :-)

En... góða (flugna-lausa) helgi, þrátt fyrir þetta.

[Hrafnhildur Ýr Vilbertsdóttir, 27.6.2008 kl. 13:29]

Segi eins og Hulla þessi bók er málið, hún er að vísu hræðilega amerísk það spratt út á mér hrollurinn hvað eftir annað við lesturinn EN.....ég er enn reyklaus og hefði þó nánast gert hvað sem er fyrir sígó fyrir nokkrum vikum síðan.....Komasho Jenný..

[Jenný Anna Baldursdóttir, 27.6.2008 kl. 15:15]

Krumma: Það er að bresta á, bara anyday núna.

Einar: Þetta er sko öðruvísi leti.  En takk samt.

Hulla: Ég get ekki lesið mér til um breytta lifnaðarhætti held ég en ég skal prufa.