Felupenni og Skóflustingur

Okkur sem viljum ekki sjá náttúrunni misþyrmt enn frekar hefur borist liðsauki úr ekki svo óvæntri átt.

Ungir jafnaðarmenn hafa sent út tilkynningu þar sem kemur fram hörð gagnrýni á ráðherra Samfylkingarinnar, þá Össur Felupenna Skarphéðinsson og Björgvin Skóflusting Sigurðsson, fyrir að ganga gegn stefnu flokksins í umhverfismálum.

Fagra Ísland er orðin eins og lélegur brandari eftir að þessir stjörnuráðherrar fóru að praktisera stefnuna, eða svoleiðis.

Í tilkynningu UJ stendur eftirfarandi:

"Nú hefur Björgvin G. Sigurðsson viðskiptaráðherra tekið skóflustungu að álveri í Helguvík og Össur Skarphéðinsson iðnaðarráðherra endurnýjað viljayfirlýsingu um byggingu álvers á Bakka. Ungir jafnaðarmenn telja að ráðherrarnir hafi með þessu farið gróflega gegn stefnu flokksins. Ekki þýðir að skýla sér bak við að ríkisstjórnin hafi ekki tæki til að stöðva það sem þegar hafi verið í farvatninu þegar Samfylkingin tók við ríkisstjórnartaumunum fyrir rúmu ári. Lágmark væri þá að slá sig ekki til riddara með því sem er andstætt stefnu flokksins."

Ég hefði ekki getað sagt þetta betur sjálf.

Og svo er beinlínis sorglegt að lesa yfirklórið og réttlætingarnar hjá þeim ágæta manni honum Dofra, sem ég að öðru leyti hef töluvert álit á.

Stundum er best að horfa á hlutina eins og þeir eru.  Ekki eins og maður vildi að þeir væru.

En jólsveinaráðherrarnir í Samfylkingunni eru hreinlega ekki að slá í gegn hjá mínu fólki í umhverfismálunum.  Mér þykir það leitt, ekki svo mikið Samfylkingarinnar vegna, af skiljanlegum ástæðum heldur einfaldlega vegna þess  að fórnarkostnaðurinn  á eftir að verða skelfilegur.

Ójá.

Ungir jafnaðarmenn gagnrýna Samfylkinguna

Athugasemdir

[Gísli Baldvinsson (IP-tala skráð) 27.6.2008 kl. 13:27]

Græna heilahvelið mitt er huxi

[Sigrún Jónsdóttir, 27.6.2008 kl. 13:30]

Ætli ríkisstjórnin lifi þetta af?  Kosningar framundan?

[Jóhanna Magnúsar- og Völudóttir , 27.6.2008 kl. 15:48]

Ætli Ragnar Reykás sé ekki í Samfylkingunni ?

[MAGNUS FINNUR HAUKSSON (IP-tala skráð) 27.6.2008 kl. 18:27]

Innlitskvitt og kveðja.

[María Guðmundsdóttir, 27.6.2008 kl. 20:50]

gódur Jóhanna  thad getur verid erfitt ad fylgja thvi hvert vindurinn blæs sko...mann veit ekki alltaf nákvæmlega hvadan hann blæs thann daginn ekkert nýtt i thessu... er ekki bara alltaf seim óld seim óld...

[Hulla Dan, 27.6.2008 kl. 21:43]

En gaman.
Bara álver út um allt...

Djöfulsins klikkun.

Eigðu samt rest gott kvöld og nótt.