Helvítis frekjan í múgnum

Stundum tek ég upplýsta ákvörðun um að hlægja í staðinn fyrir að grenja.  Fer betur með húðina sko, saltvatn er eitur á andlit.

Geir Haarde var í toppsætinu hjá mér eftir að hann skammaði Sindra hjá Markaðsfréttum um daginn fyrir dónaskap og hroka.

En núna er kominn nýr vinningshafi, þ.e. Össur og aðstoðarmaður hans deila með sér efsta sætinu.

Sjá hér.

Fyrirgef oss Hr. iðnaðarráðherra að við skulum vera að blanda okkur inn í þín einkamál á skrifstofunni.  Helvítis frekjan í almenningi og einkum og sér í lagi þessum blaðaljósmyndara sem ætlaði að mynda undirskriftarathöfnina vegna Álversins á Bakka og leyfa okkur sótsvörtum að fylgjast með.

Ekki það að ég skilji ekki fullkomlega að Össur skammist sín fyrir að halda á pennanum í þessum gjörningi, það myndi ég líka gera.

En af því það er svo hipp og kúl, svo eðlilegt og sjálfsagt að bæta einu eldspúandi álskrímsli við hina dásamlegu málmframleiðslu á þessu landi þá hefði ég haldið að hann myndi breiða úr sér iðnaðarráðherrann.

Kannski er hann bara svona feiminn!

Svo svakalega feimin og lítillátur.

Það er þá af sem áður var.

Hm?

Athugasemdir

[Signý, 26.6.2008 kl. 23:59]

Ég skil nú alveg þennan pirring í ráðherrunum... þeir eiga alla mína samúð. Eiga þeir ekki að vera í sumarfríi? Það er náttúrulega algjörlega óþolandi þegar það verið að draga mann á lappir í tíma og ótíma til þess að fara og sinna vinnunni sinni í korter í miðju sumarfríi sem er nú ekki nema rétt rúmir 4 mánuðir!...

haaa... mér finnst það allavega 

Ekki nei?...

Kannski ekki... 

[Lára Hanna Einarsdóttir, 27.6.2008 kl. 00:40]

Össur hlýtur að skammast sín niður í tær - eða það ætla ég rétt að vona!

[Svanur Gísli Þorkelsson, 27.6.2008 kl. 01:24]

Hver hefur einhvern tíman séð stjórnmálamann/konu skammast sín?

[Hulla Dan, 27.6.2008 kl. 07:36]

[Jónína Dúadóttir, 27.6.2008 kl. 07:40]

Kunna þeir að skammast sín ? Það vissi ég ekki....

Góðan daginn mín kæra

[Tína, 27.6.2008 kl. 07:48]

Góðan daginn mín elskuleg. Eigðu nú ljúfa helgi

[Emma Agneta Björgvinsdóttir, 27.6.2008 kl. 08:52]

innlitskvitt.

[Brynja skordal, 27.6.2008 kl. 09:40]

innlitskvitt eftir langt gott frí hafðu ljúfa helgi Elskuleg

[Laufey Ólafsdóttir, 27.6.2008 kl. 10:18]

Kannski var slæmur hárdagur. Glætan að maður vilji myndir á slíkum dögum.

Kannski undirritaði hann alls ekki samninginn, bara stakk honum í ruslið... Það má alltaf vona.

[Snúlli (IP-tala skráð) 27.6.2008 kl. 15:47]

Gott hjá þér að reyna að halda þessu vakandi. Það mætti halda að verið væri að fela eitthvað fyrir almenningi, eða einhverjar blekkingar væru í gangi. En nú er ástandið að verða þannig, að ef ríkjandi er virkt og ábyrgt lýðræði og sjálfsögð virðing stjórnmálamanna fyrir kjósendum hér á Íslandi, þá er ég og heiti sjálfur John Lennon.

[Magnús Geir Guðmundsson, 27.6.2008 kl. 19:14]

SEgi nú ekki orð um Össur, nema hvað Jenný, sjáðu til, það er EM núna sem er í gangi og gildir, EKKI HM!

HM ekki á dagskrá næst fyrr en eftir tvö ár.

VArð nú bara að koma þessu á framfæri, enda fátt "mikilvægara" þessa dagana en einmitt EM!

[Jenný Anna Baldursdóttir, 27.6.2008 kl. 21:46]

Magnús Geir: Sjitt, skrifaði ég HM?  Ég er alltaf svo grand á því.

Snúlli: Sammála og ég heiti þá Yoko.

Lára Hanna: Dream on.

Svanur: Það er orðið allt of langt síðan.

Signý: Góð.

Laufey: Ég held líka að það hafi verið hárið sko.