Of margir? - Jesús minn á pallinum!

Er heimurinn eins og við þekkjum hann að verða minni eitt?

Hvað varð um eðlilega kröfu atvinnurekanda svona almennt um að launþegarnir séu edrú í vinnunni?

Sorrí, ég á ekki að vera svona fljót á mér, það var lengi til siðs að drekka í vinnunni.  Var ritari hjá Aðalvertökum uppi á velli hérna í denn, og þar voru margir fullir í vinnunni, þó þeim væri stranglega bannað það.  Reyndar veit ég ekki til þess að neinn úr þeim hópi væri atvinnuflugmaður í hjáverkunum.  Sjúhúkkit.

En þegar frétt um að það sé hópur af flugmönnum að fljúga fullir þá missi ég trúna á sans nútímans fyrir því hvað skuli  vera rétt og hvað ekki, þegar fyrirsögnin er "Of margir fljúga fullir".  Halló!  Hemjið ykkur á afslappelsinu kæru blaðamenn.

Sko þetta eru 50 flugmenn á Indlandi sem eru kyrrsettir árlega eftir að hafa  flogið farþegaflugvélum undir áhrifum..  Skelfileg tilhugsun.  Algjörlega martraðarkennd fyrir flughræðslumanneskju eins og mig.

Samkvæmt fyrirsögninni þá eru 50 of margir.  Eru þá 10 of fáir?  Hvað er ásættanleg tala á flugmönnum sem fljúga í glasi?

Og það leiðir mig að því sem ég kæri mig ekkert um að hugsa um.  Hversu margir fljúga fullir í þeim vélum sem ég flýg með?  Mér dettur ekki í hug að þetta sé eitthvað sérindverskt vandamál.

Ég legg til að það verði ráðinn flugumferðarlögga sem verður með testkitt í flugstjórnarklefanum þannig að maður eygi möguleika á að drepast úr einhverju öðru en flugslysi.

En áður en einhver fer á límingunum þá eru okkar flugmenn reyndar flottastir í heimi.

Eiginlega OF flottir ef það er hægt.

Og örugglega allir bláedrú.

Það er ekki grín að þessu gerandi.

Góða ferð þið sem eruð á leiðinni út í lönd.

Athugasemdir

[Hrönn Sigurðardóttir, 25.6.2008 kl. 20:27]

Fljúga í glasi........

Sorrý - mér fannst þetta bara svo fyndið!!

[Hrafnhildur Ýr Vilbertsdóttir, 25.6.2008 kl. 20:52]

það á að vera sjálfsagt mál að taka flugmenn í test áður en flogið er...þekkti einu sinni íslenskan flugmann sem flaug oft á milli landa augadrukkinn og í blackouti....þeir eru sjálfsagt fleiri...

[Jóhanna Magnúsar- og Völudóttir , 25.6.2008 kl. 21:09]

Flogið með trukki og dýfu .. fjör!

[Sunna Dóra Möller, 25.6.2008 kl. 21:32]

Miðjan mín var að taka á loft fyrir korteri síðan frá Alicante á Spáni. Er í ömmuferð og er á leið heim! Fékk smá í magann.....vil bara fá hana heila heim með ódrukknum flugstjórum við stýrið  ...og allt kringum hana á meðan hún er ellefu kílómetra uppi í lofti....!

[Ylfa Lind Gylfadóttir, 25.6.2008 kl. 22:39]

Úff nógu flughrædd var ég fyrir maður, þetta á laglega eftir að poppa upp í hausinn á mér næst þegar ég flýg, þetta og það að mér finnst ég alltaf vera að lesa um flugslys upp á síðkastið......

[Þuríður Björg Þorgrímsdóttir, 25.6.2008 kl. 23:53]

Það eru ekki mörg ár síðan frönskum flugmönnum var bannað að drekka rauðvín með matnum. Í flugi sko.

[Ragnheiður , 26.6.2008 kl. 00:10]

fljúga í glasi gladdi mig líka ósegjanlega, ég get hlakkað yfir þessu að vild.(fer alls ekki uppí flugvél).ne...HEYRÐU ! Ég gæti fengið vélina í hausinn ?!

Þá dettur mér í hug ; ók ferjuflugmönnum um daginn og þeir sáu eina litla koma inn til lendingar. Hún er með skrúfunni aftaná og þeir fengu tilfelli af hlátri og hikstuðu svo upp úr sér milli hláturskastanna...Einhver hefur nú verið fullur að setja þetta saman...

Ég asninn skellihló ...(bilaðir broskallar en hér átti að vera einn reiður )

[Beturvitringur, 26.6.2008 kl. 01:16]

Ég get heldur ekki hugsað mér að fljúga í glasi,  með eða án flugmanns/a

Verðum við ekki að hugsa sem svo að lélegir flugmenn séu e.t.v. skárri, í glasi.

[Laufey Ólafsdóttir, 26.6.2008 kl. 03:07]

Almáttugur! Mér finnst einn alltof margir! Þetta eru frekar truflandi upplýsingar fyrir fljúgandi fólk!

Annars er orðið svo dýrt að fljúga að það geri ég ekki í bráð... fólk verður bara að koma til mín.

[María Guðmundsdóttir, 26.6.2008 kl. 04:30]

hef aldrei sjálf flogid i glasi en thad hljómar litt spennandi held thad verdi doldid thrøngt um mann,tala nú ekki um ef margir fljúga i glasinu....nei suss..má ekki gera grin ad thessu,audvitad er thetta háalvarlegt vandamál og eins og thú segir, vart bundid vid Indland. Sammála med thvagprufur á øllum flugvøllum..fyrir flugtak takk

eigdu gódan dag.

[Tína, 26.6.2008 kl. 07:24]