Riðið á vaðið í rannsóknum

 

Ég er fjandinn hafi það forspá.

Um daginn varpaði ég þeirri spurningu fram á snjáldurskinnu, í algjöru bríaríi auðvitað, hvort það væri í lagi með fólk sem gerði það í bílum.

Ég var þá að hugsa um skort á hugmyndaflugi.

Hver þarf bíla þegar það eru þvottabretti, straubretti, snagar og hefilbekkur á hverju heimili.

Þarna hef ég beinlínis orðið fyrir andlegri reynslu og séð fram í tímann.

Fólk í Danmörku var að ríða í bílnum og hann fór út af.

Lögreglan segist hafa rökstuddan grun um að þetta ósiðlega athæfi hafi verið í gangi þegar bílinn keyrði á.

Það sem ég er að velta fyrir mér og vantar í fréttina er pönslænið.

Hvað liggur að baka rökstuddum grun lögreglunnar?

Fann hún eitthvað sem benti til samfara í bílnum?

Fann hún þvottabretti í framsætinu?

Eða hefilbekk?

Kannski las þetta fólk mínar heimspekilegu vangaveltur á snjáldrinu.

Og ákvað að "leggjast" í rannsóknir.

Ég sjálfmiðuð?

Ónei, bara raunsæ.

Súmítúðebón.

 

Kynlífið endaði með ósköpum

Athugasemdir

[Freyr Bergsteinsson, 22.6.2009 kl. 11:32]

 Hvað liggur að baka rökstuddum grun lögreglunnar?

Úr fréttinni:

Lögreglan byggir grun sinn á því að hálftíma fyrir slysið var parið beðið um að yfirgefa einkabílastæði þar sem það var að stunda ástarleik.

[Einar Björn Bjarnason, 22.6.2009 kl. 13:08]

Ég vek athygl á þessari frétt Telegraph:

http://www.telegraph.co.uk/finance/economics/

Það virðist vera, að matsstofnanri, séu við það að fella lánsmat Íslands aftur niður um flokk. Eftir því sem ég man best, þíðir C flokkur, að talið sé að viðkomandi aðili sé í mikilli hættu á að verða gjaldþrota.

Lægsti flokkurinn, er D. Í D, eru skuldbindingar, sem álitnar eru tapað fé.

Ef af Ísland verður lækkað niður í C, þá þíðir það að lánshæfisstofnanirnar meta það svo, að líkur á gjaldþroti Íslands, séu verulegar og fari vaxandi.

Kv.

[zappa (IP-tala skráð) 22.6.2009 kl. 13:40]

mér virðist kynlífið bara hafa endað með ósköpum fyrir sjónvarpsáhorfendur...

[Hildur Helga Sigurðardóttir, 22.6.2009 kl. 17:05]

Síðan hvenær töldust hefilbekkir og þvottabretti til hjálpartækja ástalífsins ?

Er ég að misskilja svona herfilega, eða hef ég barasta misst af einhverju gasalega spennó öll þessi ár ?

Deila Plís!

[Jenný Anna Baldursdóttir, 22.6.2009 kl. 17:56]

HH: Ég get ekki farið út í smáatriði að sinni, en þú hefur sko misst af lestinni vúman.

[Jenný Anna Baldursdóttir, 22.6.2009 kl. 23:17]

[Hildur Helga Sigurðardóttir, 23.6.2009 kl. 00:45]

Las einu sinni "erótíska" smásögu eftir Sússu Svavars, þar sem fólk var í því að setja þvottaklemmur á ólíklegustu staði hvert á öðru. Gerði lítið fyrir mig, sá fyrir mér svona gamaldags tauklemmur og þótti ekki sexí.

Hefilbekkirnir og þvottabrettin vekja þó vissan mannfræðilegan áhuga. Var þetta stundað í uppsveitum Borgarfjarðar á ofanverðri átjándu öld ? Og þá í hvaða formi ?

Held að við Anna verðum að fá að komast á trúnó með þér Jenný -þó ekki væri nema á lokaðri rás...