Strengjabrúður?

Eva Joly hefur sagt oftar en einu sinni að þegar rannsókn hefjist á alvarlegum efnahagsglæpum, stígi fram það sem hún kallar "puppies" eða strengjabrúður.

Strengjabrúðurnar setja þá í gang ófrægingarherferðir gegn rannsakendum, þá væntanlega fyrir hönd þeirra sem telja sér ógnað af þeim möguleika að mál upplýsist.

Nú veit ég ekkert hvort þeir sem hafa reynt að gera lítið úr Joly eða hafa gagnrýnt hana harðlega fyrir einarðar skoðanir hennar á hvernig framkvæma skuli svona rannsóknir undanfarna daga, séu "strengjabrúður", en óneitanlega flökrar það að manni.

Þó ég hafi ekki blanka hugmynd um það.

Later!

Málflutningur Joly gagnrýndur

Athugasemdir

[Jenný Stefanía Jensdóttir, 13.6.2009 kl. 17:02]

Blessuð og sæl,

velti því fyrir mér nú í lok þessarar viku, hversu mikið heilinn getur tekið af gusum af "reiði-adrenalíni".  Er orðin 100 sinnum reiðari en Soffía frænka, og þá er nú mikið sagt.

Góða helgi

[Guðrún Emilía Guðnadóttir, 13.6.2009 kl. 17:27]

Sko það má ekki vera að láta þetta ná svona tökum, þá verðum við allar dauðar úr hjartaáfalli áður en líkur, verðum að sjá endalokin.

[Einar Steinsson, 13.6.2009 kl. 17:28]

Ég er allavega ekki í neinum vafa og ég held að þú sért það ekki heldur.

[Finnur Bárðarson, 13.6.2009 kl. 17:34]

Ég óttast að hún eigi eftir að fá nafnlausar hótanir þegar fram líður. Það er vaninn. Eðli bófa er það sama alls staðar.

[ASE (IP-tala skráð) 13.6.2009 kl. 18:00]

Eins og Einar ekki í einum einasta vafa heldur.  Eins og Jenný var ég líka svaðalega reið þegar las þetta fyrst, en núna finnst mér þetta eiginlega bara stórskemmtileg grein.  Því það er svo augljóst að menn eru loksins orðnir hræddir, eru að átta sig á að íslenska þjóðin ætlar ekki í þetta sinn að samþykkja að málið "gleymist".

Við eigum eftir að heyra mikið í þessum mönnum og þeirra leppum á komandi vikum og mánuðum.  Og er það vel, því það þýðir að hringurinn er að þrengjast um þá. 

[Lilja Guðrún Þorvaldsdóttir, 13.6.2009 kl. 19:31]

Tek undir með ASE hér fyrir ofan.

[Magnús Geir Guðmundsson, 13.6.2009 kl. 21:14]

Hm, Sigurður G. verður nú ekki svo glatt kallaður strengjabrúða og það þótt hann vinni lögfræðistörf fyrir fv. Landsbankastjóran m.a.Og gleymum því ekki,að engin er hafin yfir gagnrýni, frú Joly ekki heldur!

[sandkassi (IP-tala skráð) 13.6.2009 kl. 21:47]

Sigurður G. Guðjónsson og Ólafur Arnarsson eru bara ómerkilegir leigupennar. Við eigum eftir að sjá Evu Joly verða fyrir fleiri árásum sem þessum þar sem að reynt verður með dylgjum og áróðri að grafa undan trúverðugleika hennar.

Eva Joly er hafin yfir gagnrýni þangað til annað kemur í ljós, hún hefur nú varla hafið störf ennþá. Það sama verður ekki sagt um þá sem að þessum skrifum standa. 

[Jenný Anna Baldursdóttir, 13.6.2009 kl. 22:16]

Gunnar: Só trú og ég algjörlega sammála þér.  Við skulum enda fylgjast vel með þegar strengjabrúðurnar streyma fram á ritvöllinn.

Magnús Geir: Gagnrýna hvað?  Konan hefur ekki fengið aðstöðu til að vinna vinnuna sína svo gagn sé að.  Ég læt mér duga ferilskrá hennar þangað til annað kemur í ljós. 

Ég þreysti Sigurði þessum ekki út með ruslið mitt.

Takk öll fyrir frábær innlegg.

Og nafna mín Stefanía: Ég skil þig nákvæmlega.

[Magnús Geir Guðmundsson, 14.6.2009 kl. 23:03]

Það er ekkert spurning um hvað, heldur þá staðreynd, að hvaða nöfnum sem fólk nefnist og hvaða ferilskrá það kann að geta flaggað, þá er það einfaldlega ekki hafið yfir gagnrýni!Svona palladómar og tortryggni um hvern sem opnar munnin og er ekki með í hallelújakórnum, er ekki traustvekjandi. Svo er nú rétt að minna á, að þeir sem strax gagnrýndu ráðningu Joly og töldu hana svo hafa dæmt sjálfa sig vanhæfa með stórum yfirlýsingum, voru nú einmitt "hægridallar" á borð við GW.