"Coming from a fruitcake like you"

 

Jón Magnússon segir Steingrím J. eiga íslandmet í tvískinnungi og á þá við þá afstöðu hans gagnvart ESB í stjórnarsáttmálanum.

Þetta væri fyndið ef þetta væri ekki svona aumkunarert.

Jón Magnússon að tala um tvískinnung!

Maðurinn sem stekkur á milli flokka eins og enginn sé morgundagurinn.

Er margfaldur gullverðlaunahafi í flokkastökki ásamt Kristni Sleggju.

Enginn tvískinnungur í því.  Nei, nei.

Ég á gamla vinkonu sem var gift Breta til margra ára.

Þegar þau voru að skilja, í hávaða rifrildi og báðum orðið heitt í hamsi, gargaði hún á sinn fyrrverandi heittelskaða:

You are friggings crazy!

Þá sagði hann með sinni ísköldu bresku kaldhæðni;

"That´s  a compliment, coming from a fruitcake like you".

Jón er ekki að kasta steini úr glerhúsi, neinei.

Hann er inni í sínu eigin gróðurhúsi og dúndrar gangstéttarhellum í glerveggina.

Later. 

Athugasemdir

[Garún, 11.5.2009 kl. 11:16]

Ég reyni að koma þeirri staðreynd inn í öll rifrildi að ungar konur í dag kunna ekki á þvottavélar..Það gerir hinn aðilann alltaf kjaftstopp og ég get blásið toppnum til hægri og gengið dramatískt út með síðasta orðið.   Mér finnst að  Steingrímur eigi að segja "æi Jón, veistu að fjórgengisvélar eru flókið fyrirbæri" blása svo toppnum til vinstri eða blikka hann bara og fara.  Tvímælalaust rifrildasigurvegari..

[Gulli (IP-tala skráð) 11.5.2009 kl. 12:35]

Skrítið að þú skulir ekkert svara ásökunum hans í pistli þínum, heldur bara ráðast á hann.

[Jón R. (IP-tala skráð) 11.5.2009 kl. 13:39]

Sammála síðasta ræðumanni. Hvernig væri að svara spurningunni Jenný? Er Steingrímur með tvískinnung í þessu máli?

Kveðja,

Jón Ragnar.

[Katrín, 11.5.2009 kl. 13:53]

hvernig í ósköpunum getið þið ætlast til að fá svar þegar skrifin  "are coming from a fruitcake".

[Jenný Anna Baldursdóttir, 11.5.2009 kl. 13:55]

Ég skal svara því hvað mér finnst um málið.

Steingrímur er ekki með tvískinnung, hann og fleiri þingmenn VG tóku skírt fram í kosningabaráttunni að þjóðin ætti að ráða.  Það varð til þess að ég gat kosið flokkinn því ég er á þeirri skoðun að við eigum að sækja um og komast að því hvað er í boði.

Ég er ekki hlynt aðild en ég veit heldur ekkert hvort að sú skoðun mín á rétt á sér eða ekki.

Ef málið verður ekki kannað mun þetta ESB verða pólitískt æxli á þjóðarsálinni og spekúlasjónir um hvað sé mögulega í boði, hvað sé jákvætt við að ganga í ESB og hvað neikvætt verða endalausar.

Við verðum að komast að því hvernig þetta liggur og það fæst ekki öðruvísi en með umsókn.

Þess vegna sé ég engan tvískinnung í málinu.

VG telja að okkur sé betur borgið utan ESB en jafnframt viðurkenna þeir að þjóðin verður að taka ákvörðun um málið.

Þetta er nefnilega lélegt skítkast hjá Jóni og fleirum sem á alls ekki rétt á sér.

Garún: Þú bjargar deginum.

[Jenný Anna Baldursdóttir, 11.5.2009 kl. 13:56]

Katrín: Þú ert svo málefnaleg að fólk ætti að taka þig til fyrirmyndar í stríðum straumum.

[Katrín, 11.5.2009 kl. 14:17]

Þakka þér fyrir Jenný...þetta er albesta hrós sem ég hef fengið enda þú sjálf alþekkt fyrir að vera málefnaleg og ég tala nú ekki um uppbyggileg í dómum þínum um menn og málefni...heimurinn væri án efa fátækari án þín.

[Hrönn Sigurðardóttir, 11.5.2009 kl. 14:31]

Mér finnst albest að Steingrímur blási toppnum til vinstri um leið og hann gengur af sviðinu

[Lilja Guðrún Þorvaldsdóttir, 11.5.2009 kl. 16:47]

Ég er að hlusta á Steingrím núna á útvarpi Sögu. -

Jón Magnússon er komin í algjört málefnaþrot greyið,  ef hann er farinn að segja Steingrím með tvískinnung í ESB málum, en Steingrímur segir það námvæmlega sama nú, og hann sagði fyrir kosningar, og ég bloggaði um fyrir stuttu. 

[Jenný Anna Baldursdóttir, 11.5.2009 kl. 21:31]

Katrín: Þú ert bitur, ég skil það.  Sorgin þarf að fá sinn tíma til að jafna sig.

Lilja Guðrún: Jón er úti á túni.

Hrönnsla: Hún meinar að hann blási sínum andlega topp til vinstri ekki þeim fýsiska.  Sérðu þétta ekki fyrir þér?

Garg.

[Hrönn Sigurðardóttir, 11.5.2009 kl. 22:11]

haha jú... nú sé ég hann ekki öðruvísi.... Steingrímur í Volvo - blásanadi til vinstri, Steingrímur á Bessastöðum talandi um fjórgegnisvélar, hnykkjandi til vinstri.....