Inn og út (um gluggann)

Hústökufólkið er alveg inn og út á Vatnsstígnum.

Gott hjá þeim, ég vil frekar að einhver búi í þessu húsi en að láta það standa þarna og grotna niður í eina allsherjar slysagildru.

En ég var að pæla í einu, það er ekkert hlaupið að því að fá lögregluna í snatt fyrir sig, þó manni finnst stundum ærin ástæða til, en nó gó, löggan er bissí og ég er í sjálfu sér með djúpan skilning á því.

En af hverju geta eigendur þessa húskofa á Vatnsstígnum fengið lögregluna til að ganga fram af slíkri hörku sem hún gerði í fyrsta skiptið, æi þið munið þegar lögreglan notaði líka tækifærið og reif nánast húsið fyrir eigandann, tók út heilu gluggakarmana og svona?

Hvað er svona merkilegt við að fólk setjist að í hálfónýtu húsi?

Er það merkilegra en heimilisofbeldi t.d.?

Er hægt að fá sérsveitina pantaða ef manni finnst gengið á eignaréttinn?

Ég botna ekkert í þessu, svei mér þá.

Segjast hafa tekið yfir húsið á ný

Athugasemdir

[Finnur Bárðarson, 7.5.2009 kl. 18:06]

Sniðug taktík koma og fara. Gangi þeim vel við að svekkja þennan gaur sem kallar sig eiganda

[Hlédís, 7.5.2009 kl. 18:11]

Eigandinn er húsbrask-félag!  Skjaldsveinar virðast alltaf reiðubúnir til þjónustu við Brask-félag þetta á okkar kostnað. Eru þó hættir í byggingavinnu til varnar eignarréttinum.

[Finnur Bárðarson, 7.5.2009 kl. 18:12]

Gaman væri að sjá lögguna með vélsagir við hans eigið heimili

[, 7.5.2009 kl. 19:13]

Sneddí hugmynd - segja löggunni að óviðkomandi aðilar séu sestir upp hjá Jóni í næsta húsi og þá kemur kannski löggan þegar hann er í miðju kafi að berja hana Gunnu

[Guðrún Emilía Guðnadóttir, 7.5.2009 kl. 19:19]

Mér datt líka annað í hug, hvað verður langt þangað til að húsið verði rifið og byggt annað,? það er sko langt í það því allir vilja friða þetta hús og af hverju í fjandanum má ekki láta hústökufólkið fá smá hluta af húsinu á meðan, það verður held ég aldrei nein KRISTJANÍA þarna, ef þeir eru hræddir við það.

[Hrönn Sigurðardóttir, 7.5.2009 kl. 19:38]

Jiiii er Jón farinn að lemja Gunnu?

[S. Lúther Gestsson, 7.5.2009 kl. 19:40]

Kannski er bara hústökufólkið í fullri vinnu hjá eigandanum, markmiðið er að fá sérsveitina aftur og klára að rífa kofann.

Veit samt ekki hvort þeir finni svo leið til að láta sérsveitina byggja nýjan kofa. En þessir krakkar finna einhverja lausn á því með eigandanum.

[Jenný Anna Baldursdóttir, 7.5.2009 kl. 20:00]

Lúther: Þú ert með þetta.  Örugglega í vinnu við að fá húsið rifið á kostnað skattborgaranna.  Ónei, ekki.  Ertu byrjaður að grilla annars?

Hrönn: Þetta er svo "hrönnskt" að það drepur mig.

Milla: Þeir eru svo hrifnir af eignaréttinum, líka þegar hann er í formi dúfnakofa.

Dagný: Arg, ég er í kasti.  Flott hugmynd.

Finnur: Ég vona að þau pirri hann inn að beini.

Hlédís: Góð.

[Sigurbjörg Jónsdóttir (IP-tala skráð) 7.5.2009 kl. 21:32]

Væri ekki frábært ef kviknaði í  með allt þetta lið innan dyra og þessir  skjaldsveinar gerðu ekkert hvað finnst ykkur Finnur og Hlédís  og Jenný er ekki í lagi með ykkur. Vonandi þurfið þið aldrei á skjaldsveinum að halda.