Ég er fífl

 

Gott á Darling.  Úje og snæddu innmat með darlínskum kveðjum frá íslenskri þjóð.

Rosalega er eitthvað háhallærislegt við að heita Darling og vilja láta taka sig alvarlega.

Ég myndi getað lifað með Smith, Jones, Montgomery eða Rafferty, en Darling við skulum ekki ræða það.

Eins vonlaust að láta taka sig alvarlega með svona nafn eins og að ætlast til að fólk hlýði á mann af áhuga þegar maður er með stóra sultuklessu á nefinu.

Þú getur reynt að vera ábúðarfullur, ábyrgur og jafnvel alvitur, en klessan gerir það að engu.

Þú ert einfaldlega fífl sem mætir og talar við fólk með jarðaberjasultuna hennar ömmu á nebbanum.

Fólk hættir að hlusta eða fær raðköst af hlátri.

Niðurstaða: Líttu í spegil bjáni áður en þú ferð út úr húsi.

Reyndar kippa Bretar sér ekki upp við svona nöfn og ekki Kanar heldur.

Amy Winehouse sem er núna stödd í Karabíska, hagar lífi sínu þannig að nafn hennar gefur henni á kjaftinn í hvert skipti sem hún opnar munninn.  Kommon er alltaf undir áhrifum og heitir brugghús. 

Amy Winehouse don´t come near me woman, you smell like a Winehouse.

Meira ruglið í mér.  Hef ekkert betra að gera.

Segi svona.....

En..

Ég byrjaði daginn svo dásamlega.  Gleymdi að loka sturtuhenginu almennilega og stóð við langt fram eftir morgni við að ausa upp af baðherbergisgólfinu.

Rétt nafn á mér væri Jenný Anna Absent Minded.

Flott!

Ég veit ekki með ykkur, en ég persónulega er rakinn hálfviti.

Skýrslan þungur dómur yfir Darling

Athugasemdir

[Finnur Bárðarson, 6.4.2009 kl. 16:05]

"raðköst af hlátri" snilld

[Ragna Birgisdóttir (IP-tala skráð) 6.4.2009 kl. 16:12]

Ég hressist eftir ástandsþunglyndið við þennan lestur.

[Ía Jóhannsdóttir, 6.4.2009 kl. 16:34]

Tek nú ekki undir það síðasta hér að þú sért rakinn hálfviti en þessi færsla er skemmtilega rugluð hehehe.. og svo ég haldi áfram ruglinu þá vil ég upplýsa þig um það að hér í Tékkó ber fólk alveg fáráðleg fjölskylduheiti sbr. Nautakjöt, Flutningur, Smjör, þá er Darling skárra er það ekki hehehhe... 

[Guðríður Haraldsdóttir, 6.4.2009 kl. 16:37]

Hahahaha, frábær nöfn, ekki að við Íslendingar eigum nokkur slík ... onei. 

Kennarinn hennar Jórunnar minnar sem ég passaði í London hér á árum áður hét Mrs Careless. Leikkonan sem lék dýralæknisfrúna í Dýrin mín stór og smá hét Helen Drinkwater ... Ég snarhætti við að deita ameríkana nokkurn þegar ég komst að því að eftirnafn hans var Mattrass!

[Gunnar (IP-tala skráð) 6.4.2009 kl. 16:53]

Minnir óneitanlega á þennan herramann sem einnig bar nafnið Darling:

http://www.youtube.com/watch?v=3C5zb195n84

[Sigurður Þór Guðjónsson, 6.4.2009 kl. 17:18]

Hvílíkir fordómar! Enginn velur sér nafn. Er það ekki manneskjan sem máli skiptir?

[Jenný Anna Baldursdóttir, 6.4.2009 kl. 17:34]

Sigurður: Hvaða, hvaða, ertu í vondu skapi?  Engir fordómar, bara krimtandi ánægja með lífið og ástina.

Gunnar: Góður.

Og þið öll sem enn haldið húmornum í kreppunni.

[Sigrún Jónsdóttir, 6.4.2009 kl. 17:40]

.....er að missa húmorinn, en þessi færsla kom mér til að hlægja upphátt.  Takk fyrir

[Hrönn Sigurðardóttir, 6.4.2009 kl. 18:27]

hahahahahhaha ferlega hló ég!

[Jóna Á. Gísladóttir, 6.4.2009 kl. 18:40]

Þú ert rugludallur

[Ingibjörg Hinriksdóttir, 6.4.2009 kl. 19:08]

Þú ert nú meiri dreifhuginn - gleyma að loka sturtuhenginu hmmm!

[Sigurður Þór Guðjónsson, 6.4.2009 kl. 19:10]

En ekki skulum við gleyma íslensku konunni sem nefnd var Almannagjá og var alræmd fyrir almennt gjálífi!

[María Guðmundsdóttir, 6.4.2009 kl. 19:20]

og ég sem átti svona lika drullufúlan dag,erfidan med afbrigdum..svo bara nóg ad koma hingad og skella uppúr framaní tølvuskjáinn  helviti gott bara. takk fyrir thetta.

[Guðrún Emilía Guðnadóttir, 6.4.2009 kl. 20:15]

Neita að viðurkenna að þú sért rakinn hálfviti, Hvaða hvaða er ég það þá einnig?

[Auður Proppé, 6.4.2009 kl. 20:38]

 I love you darling Mr Darling...............hehe aumingja ritarinn hans.  Gott að koma hér inn í alvöru skemmtun, léttir lundina miðað við lætin sem eru í gangi annars staðar.

[Óskar Helgi Helgason (IP-tala skráð) 6.4.2009 kl. 22:51]

Komið þið sæl; gott fólk !

Jenný Anna ! Líkast til; er það eina fíflska þín, hér á jarðríki, að binda þína bagga, við Kommúnistaflokkinn (VG; svo kallaða), hverjir eru jú; sömu svikararnir, við okkur, sem Sjálfstæðisflokkur - Framsóknarflokkur og Samfylking.

Vona; að sá dagur renni ei upp, að ég þurfi að minna þig á þessi orð mín - þegar Steingríms liðið, líka sem þau hin, afsala okkur öll, í kámugar lúkur AGS - ESB og annarra, af því taginu, sem hyggjast gleypa allt hér - þegar vonarvölin er alger orðin, eða,.. fóru þeir Hudson og Perkins, nokkuð fram hjá þér ?

Minni á; F - O og P lista, sem valkosti, gott fólk !

Með; hinum beztu kveðjum, sem fyrr, úr Árnesþingi /

Óskar Helgi helgason