Gluggaperrar

Ég er alfarið á móti álverum og það er ekkert nýtt.

Ég sé enga ástæðu til að selja erlendum auðhringjum rafmagnið okkar á útsöluverði og láta þá menga og eyðileggja náttúruna í kaupbæti.

Hvað er að, af hverju geta Íslenskir ráðamenn (flestir) ekki hugsað aðeins út fyrir kassann.

Af hverju kviknar ljós í augunum á þessu fólki þegar minnst er á álver?

Hefur einhver reiknað út fórnarkostnaðinn við þessi tiltöulega fáu störf sem skapast og af hverju ekki er hægt að nýta auðlindirnar okkar á mann- og náttúruvænni hátt?

Eftir Silfrið í gær þar sem John Perkins útskýrði "the evil empire" er ég vissari en áður.

Ég vona að það renni upp sá dagur, áður en Össur og hinir strákarnir ná að gera landið mitt að stærsta álveri í heimi, að það eru aðrir möguleikar og við eigum sjaldgæfan fjársjóð sem sem er orkan okkar og önnur landgæði.

Samt virðast margir stjórnmálamenn ekki getað beðið eftir að setja Ísland í hendurnar á erlendum álrisum sem er skít sama um íslenska náttúru og fólkið sem byggir landið.

Það er svo hryllilega 2007 eitthvað að hanga með slefuna í munnvikunum eins og gluggaperri á gluggunum hjá Alcoa og hvað þeir heita allir saman og hreinlega grenja í þeim að fá að vera með.

Djöfuls bilun.

Skamm.

Alfarið á móti álverssamningi

Athugasemdir

[Ben.Ax. (Benedikt Jóhannes Axelsson), 6.4.2009 kl. 12:53]

Þessi maður hlýtur að hafa verið viðstaddur þegar Jesús Kristur frelsaði heiminn.

[Jenný Anna Baldursdóttir, 6.4.2009 kl. 13:01]

Jesú???

[Heidi Strand, 6.4.2009 kl. 13:13]

Þeir hugsa líka um olíuhreinsunarstöð sem er enn verra.
Ég segi frá svona starfsemi á Karíbahafseyju í mál og myndum á blogginu mínu í dag.

[ómj (IP-tala skráð) 6.4.2009 kl. 13:29]

Mér list betur á störfin sem VG ætla að skapa með því að fjölga listamönnum á launum og með því að efla minjagripavernd. Slíkar aðgerðir munu vafalítið leysa atvinnuvandann??

[Jenný Anna Baldursdóttir, 6.4.2009 kl. 14:04]

ómj: Þetta er ekkert þreytt hjá þér, nei, nei.

En þú gleymdir að minnast á hundasúru- og fíflarækt.

Rosalega eru þessir brandarar um annars konar atvinnusköpun en álframleiðslu orðnir helvíti þreyttir.

Heidi: Kíki á það.

[Finnur Bárðarson, 6.4.2009 kl. 17:54]

ÓMJ, Guð hjálpi þér ef enginn annar gerir það

[Einar Björn Bjarnason, 7.4.2009 kl. 01:17]

"Hefur einhver reiknað út fórnarkostnaðinn við þessi tiltöulega fáu störf sem skapast og af hverju ekki er hægt að nýta auðlindirnar okkar á mann- og náttúruvænni hátt?"

Það virðist vera í gangi, á vinstri væng stjórnmálanna, gríðarlegt vanmat á því, hvað áunnist hefur með virkjanavæðingu, síðustu 40 ár, eða svo.

Áður, en Sigalda var byggð, voru hér einungis Sogsvirkjanirnar og nokkrar smáar virkanir, hingað og þangað um landið. 

Það var ekki búið að hringtengja orkunetið. Mjög, algengt var að það þyrfti að keyra stórar díselknúnar rafstöðvar, hérlendis...yfir veturinn, þegar minna vatn var í ánum.

Menn, byðja um að litið sé á heildarmyndina. Það væri gaman, ef þeir sem leggja fram þá kröfu, væru ekki að henda steinum úr glerhúsi.

Kær kveðja.