Í sleik á opinberum vettvangi

Hvað er í gangi, hugsaði ég þegar ég sá þessa frétt sem er mest lesna fréttin í Mogganum í dag.

Hafandi ofurtrú á samlöndum mínum sem hafa varpað öllum hégóma fyrir róða í kreppunni taldi ég víst að nú hefði hvorki meira né minna sést til einhverra í ríkisstjórninni í sleik á opinberum vettvangi og þess vegna væri viðtengd frétt lesin upp til agna.

Hélt að hrjáðar sálir í ofannefndum hópi hefðu dottið ærlega í það og lent í heví hankí pankí á einhverjum bar.

Ónei, ekkert tilfinningarugl í íslenskum ráðamönnum, hvað hafði gerst?

Einhver nóboddí úti í heimi hafði verið að kyssa og knúsa annan nóboddí inni á samkomustað í Ameríku.

Halló, halda sig við efnið hérna.

Þessar hugleiðingar mínar um atlot á almannafæri eru í rauninni bara kjaftæði og fíflaskapur.

Mér gæti ekki staðið meira á sama.

Ég minni ykkur á að klukkan 14,40 verður bein útsending frá Leikhúsi fáránleikans við Austurvöll og í kvöld er skyldumæting fyrir allar hugsandi manneskjur í Háskólabíó á borgarafund klukkan átta.

Og hættið svo að pæla í hver er að hreinsa kokið á hverjum.

Lalalala

Súmí.

Sáust kyssast og knúsast

Athugasemdir

[Greta Björg Úlfsdóttir, 24.11.2008 kl. 12:36]

Ha, ha, ha, fréttavalið er oft dálítið undarlegt - það mætti halda að gúrkutíð væri runnin upp

[Jóna Á. Gísladóttir, 24.11.2008 kl. 12:39]

Ég ætla að gefa þér opinberlega leyfi til að halda í ofurtrúnna á þeim forsendum að ALLIR sem hafa lesið þessa frétt héldu einmitt það sama og þú: að ríkisstjórnar-meðlimir hefðu gerst ástleitnir á almannafæri. Það afsakar áhuga landans á hver hreinsar kok hvers (æl-æl) hehe

[María Guðmundsdóttir, 24.11.2008 kl. 12:43]

  

hafdu gódan mánudag  

[M, 24.11.2008 kl. 12:45]

Var ein af þeim sem hrökk í kút og opnaði þetta með meðfylgjandi vonbrigðum. Enda er þetta nr.1 mest lesna fréttin     Þoli ekki smáborgaraháttinn í mér en er sterkari að viðurkenna það 

[Linda litla, 24.11.2008 kl. 13:11]

Kossar og knús....... það finnst mér yndislegt fréttaefni, enda orðin þreytt á öllu þessum andskota í þjófélaginu. Mig langar mest að flytja úr landi.

[Sunna Dóra Möller, 24.11.2008 kl. 13:25]

Það er merkilegt hvað ratar í fréttirnar....annars finnst mér pínu hvíld í að lesa innihaldslaust ammerísk efni um ekki neitt....það er svo mikið álag að vera í fullu starfi við að lesa kreppufréttir, þá er gott að eiga Se oh hör fréttir til að ná jafnvægi á ný !

Var að jólablogga ..... jamm kominn tími á að jólast smá !  

[Greta Björg Úlfsdóttir, 24.11.2008 kl. 13:28]

Sunna, mér finnst reyndar það sama og þér um þessar fréttir, - þær eru ákveðin hvíld frá krepputalinu - ætli það sé ekki fleirum en okkur sem finnst það?

[Greta Björg Úlfsdóttir, 24.11.2008 kl. 13:34]

Veit ekkert hvaða fólk þetta er, fann myndina á netinu og fannst hún bara svo jólaleg og krúttleg.

[Guðríður Haraldsdóttir, 24.11.2008 kl. 13:39]

Hvað er annað hægt en að knúsast og svona á aðventunni ... sem hefst innan tíðar.

Annars var ég að senda þér fokkings innanhúsmeil, ekki til að benda á enn eina tímamótafærsluna á www.dv.is/blogg/gurri, heldur annað. Svara strax eða ég ... uuuuuuu eitthvað.

[Sigrún Jónsdóttir, 24.11.2008 kl. 13:51]

Takk fyrir að upplýsa mig um innihaldið.....hefði annars örugglega kíkt

[Birna Dis Vilbertsdóttir (IP-tala skráð) 24.11.2008 kl. 14:27]

[Ásdís Sigurðardóttir, 24.11.2008 kl. 15:36]

[Lilja Guðrún Þorvaldsdóttir, 24.11.2008 kl. 16:46]

Ég sem hélt að nú hefði Ríkisstjórnin í svefngalsa sleppt fram af sér beislinu og og misst sig í faðmast, knúsast og kyssast ´þjóðinni að gera, og ákveðið í ofanálag að færa þjóðinni kosningar á aðventunni í jólagjöf. -

Því það er jafn fráleit óskhyggja hjá mér, eins og þessi frétt er í Mbl. sem ég vissi ekki að hefði sameinast Séð og heyrt. 

[Lilja Guðrún Þorvaldsdóttir, 24.11.2008 kl. 16:55]

Æ,æ, þarna á að standa að ég hélt að ríkisstjórnin hefði dottið í það og misst sig í því að faðmast, knúsast og kyssast eins og ráðgjafar þeirra ráðlögðu þjóðinni að gera nú í kreppunni.