Misdýr mannslíf

Í annað skiptið á stuttum tíma, svona tiltölulega, fer minn heittelskaði á vídeóleiguna til að leigja eitthvað sem vert er á að horfa.  Ég er hrifnust af lögfræðimyndum eða kjaftamyndum eins og sumir vilja kalla þær..  Í fyrra skiptið kom hann með leikna heimildarmynd (kólumbíska) sem fjallar um hvernig unglingar eru nörruð til að gleypa hylki af eiturlyfjum (fleiri tugi) og smygla þeim til Bandaríkjanna.  Ég var ekkert sérstaklega upprifin, langaði ekki í raunveruleikatékk en var öllu fróðari um ljótan heiminn eftir að hafa horft á myndina.

Og í kvöld rauk minn af stað.  Ég beið vongóð.  Vonaði bara að hann kæmi ekki með stríðsmynd eða Sound of Music.  Lengra náðu mínar kröfur ekki.

Spennumynd sagði maðurinn.  Ók.  hljómaði vel og við byrjuðum að horfa.

"Shaking hands with the devil" heitir þessi heimildarmynd sem fjallar um mann sem endurlifir þjóðarmorðin í Rúanda, en hann er Kanadamaður og var í  SÞ.

Beisiklí þá stungu vesturlandabúar af og maðurinn horfði upp á fól friðargæslu drepið í hundruðum þúsunda, brytjað niður, konur, börn, menn, allir, án þess að hann fengi rönd við reist.

Ég er þakklát manninum mínum fyrir að hafa óvart leigt þessa mynd.

Það eru ekki svo mörg ár síðan þetta gerðist, eða 1994, heimurinn hafði ekki áhuga, var að horfa á réttarhöldin yfir OJ Simpson.

Það er eins og mig minni að ég hafi heyrt að það sama sé að gerast í Darfúr.

 Fáir taka eftir,ekkert hefur breyst.

Afríka má eitthvað svo missa sig.

Og svo fer maður á Moggann og sér að Brad Pitt er alveg bálillur yfir að einhver hafi náð myndum af hans dýrmætu familíu.  Það rýrir sölugildi myndanna sem hann ætlar að láta að taka sjálfur.

Að vísu til að gefa til góðgerðarstarfsemi og það er gott og ég er ekki að gera lítið úr því.

En það verður svo hjákátlegt í samanburði.

Ég hvet ykkur til að gefa ykkur stund til að horfa á þessa mynd.

Annars allt í sómanum á Leifsgötunni.

Kötturinn Núll biður að heilsa.

Brad Pitt hótar lögsókn

Athugasemdir

[Kristín Katla Árnadóttir, 24.7.2008 kl. 23:41]

Þetta er góð grein hjá þér Jenný mín ég mun sjá þessa mynd. Knús á þig ljósið mitt.

[alva (IP-tala skráð) 24.7.2008 kl. 23:43]

Já, ég ætla að skoða þessa mynd.

Takk.

[Ragnheiður , 25.7.2008 kl. 00:40]

Ég er sem betur fer nægilega upplýst til að tárast yfir örlögum fólks í afríku. Ég er hins vegar ekki til í að horfa á mynd um efnið, á bara vont með að horfa á slíkar myndir.

Fylgist samt vel með þessum heimshluta og hef alltaf gert það. Vildi geta gert svo miklu meira en að styðja bara þennan eina gutta í Uganda.

[Magnús Geir Guðmundsson, 25.7.2008 kl. 02:04]

Já, þetta er nú allt gott og blessað, en hvað hefur þú á móti Sound Of Music?

[Hrafnhildur Ýr Vilbertsdóttir, 25.7.2008 kl. 04:48]

Ég segi eins og Ragga er nægilega upplýst til að finna til sterkrar samkenndar, stundum svo sterkrar að ég má hafa mig alla við svo ég missi ekki trúna á mannkynið og gangi um grátandi alla daga og ég meina það, ég er hræðilega viðkvæm fyrir þjáningum annarra og því óréttlæti sem meiri hluti jarðarbúa býr  við. Ég veit ekki hvort ég meika að horfa á myndina en ég geri þó það sem ég get sem einstaklingur til að bæta heiminn.....

[Sigurður Þorsteinsson, 25.7.2008 kl. 07:38]

Tek áskoruninni. Horfi á þessa mynd.

[Hulla Dan, 25.7.2008 kl. 08:33]

Þetta er mynd sem ég er að hugsa um að sjá við tækjifæri.

Knús á þig mín kæra.

[Elísabet Sigurðardóttir, 25.7.2008 kl. 09:10]

Góð grein Jenný, ég ætla að sjá þessa mynd.  Held að allir hefðu gott af því.  Vonandi að Pittinn sjái hana fljótlega.

[Birna Dis Vilbertsdóttir (IP-tala skráð) 25.7.2008 kl. 11:00]

Ég ætla ekki að horfa á þessa mynd.Ég horfi á mannlega eymd á Íslandi daglega.Það dugar vel.Góð færsla.Gangi þér vel í "pössunarstarfinu"

[Signý, 25.7.2008 kl. 15:25]

Þessi mynd er rosaleg! Hún ætti eiginlega að vera bara skylduáhorf.