Bloggið mitt er ekki klósett

 

Stundum kemur fólk inn á síðuna mína (og annarra líka ó já) sem er með andlega hægðartregðu á háu stigi.  Oftar en ekki er þetta nafnlaust fólk, og það kemur og reynir að losa um meltingartruflanirnar inni í kommentakerfinu.

Ég loka á þá.  Amk þá sem eru hvað óuppdregnastir.  Ekki málið.

Svo er einn og einn bloggari sem hægir sér á síðuna mína.  Það er ekki fallega gert. 

En þetta gerist sem betur fer afar sjaldan og er alls ekkert að trufla mig þannig lagað sé.

En það sem varð tilefni til bloggskrifa um ritsubbur, svona almennt, er að ég furða mig alltaf á því hvað fólk er að vilja inn á blogg sem fer í taugarnar á því.  Afhverju er fólk að lesa sér til pirrings og ógleði?  Ég hreinlega botna ekkert í því.

Það toppar svo allt þegar viðkomandi pirringsfólk laumar inn eitraðri athugasemd, sem hefur ekkert með innihald færslunnar að gera og þá verð ég miður mín af vorkunnsemi með viðkomandi.

Af hverju er fólk að gera sér lífið svona erfitt?

Komið til mín elsku dúlludúskarnir mínir og ég skal gefa yður laxerolíu.

Þetta langaði mig að setja fram sem fyrirbyggjandi aðgerðir.

Bloggið mitt er ekki klósett.

Ég er farin að horfa á Presley tónleika.

Hann var kjút áður en hann hætti að vera það.

Allir út að k....

Athugasemdir

[Linda litla, 6.4.2008 kl. 21:32]

"Komið til mín elsku dúlludúskarnir mínir og ég skal gefa yður laxerolíu"

Þú ert svo mikill húmoristi, ég ligg hérna í hláturskasti.

[Tiger, 6.4.2008 kl. 22:07]

Ægir: Hversu rosalega vitlaust fórst þú framúr í morgun ljúfurinn? Hvers vegna í ósköpunu er það að bögga þig þó bloggvinir Jennýar séu henni sammála eða ekki? Veistu, það er virkilega dásamlegt að eiga stóran hóp af góðum bloggvinum því margir þeirra eru sannarlega sammála manni í mörgu - en líka mjög margir sem eru manni ekki sammála! Það er þó engin ástæða til að sleppa knúsi og keleríi þó maður sé ekki alltaf sammála öllu sem bloggvinir manns skrifa..

Jenný er sko ekki í neinu skjóli, hún er ýtin og ákveðin - kaldhæðin og þrusu fyndin stúlka sem gaman er að lesa og frábært er að vera sammála, en það er líka nokkuð skondið ef maður er ekki sammála henni - hún knúsar mann samt!

Ægir, prufaðu að knúsa bloggvini þína öðru hvoru - ég er viss um að þú átt eftir að njóta þess virkilega vel og taktu bara eftir því hve mikið af knúsi þú færð til baka þegar þú byrjar. Gott knús á dag kemur skapinu í lag. Hugsaðu þér, ég er viss um að margir þínir bloggvinir bíða eftir þínu knúsi strákpjakkur! Knús á þig Ægir.

Jenný mín - stórt og fallegt knús á þig ljúfust og þakka fyrir hnyttið og töff blogg! *knúserí*.

[Kristín Katla Árnadóttir, 6.4.2008 kl. 22:10]

Ég er að springa af hlátri elsku Jenný mín mér fannst þetta svo fyndið mikið ertu orðheppinn .

Svo ertu svo mikið krútt

[Huld S. Ringsted, 6.4.2008 kl. 22:14]

Sumir virðast alla vega eiga eitthvað extra erfitt í dag, ég vissi ekki að svört föt og göngutúr væri pólitík en ég er alltaf að læra eitthvað nýtt.

[Jóna Á. Gísladóttir, 6.4.2008 kl. 22:14]

hahahahaha þú ert öll í þeim óæðri... eða æðri eins og Anna Karen vill meina. Og svo ætlar þetta að verða knúsukommentapakki hér. Knúsírúsímúsí músss gússí gúss snúllurassagatarófan mín

[Ásdís Sigurðardóttir, 6.4.2008 kl. 22:19]

copy paste frá Jónu færslu, við erum hvort eð er alltaf sammála 

[Birna Dis Vilbertsdóttir (IP-tala skráð) 6.4.2008 kl. 22:47]

Andleg hægðatregða hahahahahahahahaha.

[Jenný Anna Baldursdóttir, 6.4.2008 kl. 23:02]

Ægir: Ég veit ekki hversu oft þú hefur rekist hérna inn, en hér eru ansi fjörlegar umræður reglulega.  Um pólitík auðvitað.  Og stundum bloggar maður um ekki neitt.  Eins og gengur.  Hér er enginn boðflenna nema þeir sem kunna sig ekki.

Jóna: Ég er öll í óæðri helmingnum í dag og svo er það frá.

Huld: Það er pólitískt statement að vera í svörtu.  Muhahahaha

Takk öll fyrir komment.

[Steingrímur Helgason, 6.4.2008 kl. 23:11]

Jenný, að vanda er ég náttúrlega ósammála, en veit ekkert um hvað eða af hverju.

Skeina Steina, takk..

[Sigrún Jónsdóttir, 6.4.2008 kl. 23:33]

Þú kant að koma fyrir þig orði, það er á hreinu. 

[Jens Guð, 7.4.2008 kl. 00:12]

  Einhversstaðar þurfa pirraðir að blása.  Skemmtilegt hvernig þú afgreiðir þá.

[Guðríður Haraldsdóttir, 7.4.2008 kl. 00:29]

Hmmm ... mér finnst dásamlegt þegar besservisserar koma inn á síðuna mína lesa lauslega frábæru, æðislegu, ódauðlegu færslurnar mínar, vita ekkert hvað er í gangi og skammast svo yfir sjónvarpsglápi mínu kannski akkúrat þegar ég er að nöldra yfir því að ekkert sé í sjónvarpinu. Eða þannig. Megi ódannaðir leiðindapúkar halda sig á sínum eigin síðum ef þeir hafa ekkert gáfulegt fram að færa. Hver segir að allir þurfi alltaf að vera sammála? Takk fyrir að benda á Spaugstofuna í gær, ég horfði á Netinu og var SAMMÁLA, flottur þáttur.

[Emma Vilhjálmsdóttir, 7.4.2008 kl. 01:26]

Vel orðuð grein hjá þér Jenný. 

[Óskar Arnórsson, 7.4.2008 kl. 02:32]

Góð fyrirsögn! Er of reiður til að kommentera eitthvað sem passar..sorry..en takk fyrir góðan pistil..

[María Guðmundsdóttir, 7.4.2008 kl. 06:48]

Gódur punktur og má tileinka øllum i bloggheimum, madur bara fer EKKI á toilettid á annarra manna bloggsídum bara møkkfyndin Jenní og bara jákvætt ad vera sammála thér "KNÚS KNÚS KNÚS"

[Helga skjol, 7.4.2008 kl. 07:00]

FFFRRRRÁÁÁÁBBBBÆÆÆÆRRRRTTTTTT eins og alltaf

[Ía Jóhannsdóttir, 7.4.2008 kl. 07:56]

Nú er fjör!   Fullt af knúsí, púsí, fúsí á þig Jenný mín.  Stórt knús á Ægir líka bara svona í forbyfarten. 

Bros og bjartar kveðjur í byrjun farsælar viku. 

[þórdís (IP-tala skráð) 7.4.2008 kl. 08:40]

Jenný, mér finnst þú alveg mergjaður penni, kemur mér í gott skap og bjargar deginum. Alveg er ég hjartanlega sammála að fólk á að sleppa því að kommenta leiðinlega og nota kamarinn í staðinnÞú ert flottust.

[Þröstur Unnar, 7.4.2008 kl. 08:47]

Hef nú ansi oft verið ósammála hér á þessu toiletti, og verð að vera ósammála Zteingrími um að vera ósammála Jenný og eða jafnvel sammála Ægi um að vera ósammála honum.

[Heiður Þórunn Sverrisdóttir, 7.4.2008 kl. 10:10]

Hér er fjör gaman að lesa alltaf hægt að hlægja hehehe

Flottur WC pistill Jenný...

[Jenný Anna Baldursdóttir, 7.4.2008 kl. 10:18]

Takk fyrir skemmtileg innlegg í umræðuna.  Auðvitað er óþolandi að fólk sé að hella úr sínum persónulega hlandkoppi yfir mann.

Njótið dagsins.

[Gísli Baldvinsson (IP-tala skráð) 7.4.2008 kl. 10:20]

Bloggsóðar koma sér sjálfum út í horn. Það er alveg hægt að láta smella í svipunni þannig að aurinn komi ekki með. En stundum eru menn á grensunni. Hefðurðu bútað á Ólaf Ragnar ef hann hefði skrifað um "skítlegt eðli" DO ?

[Lilja G. Bolladóttir, 7.4.2008 kl. 10:28]

Hahaha, frábærlega orðað hjá þér og skemmtilegt að lesa!

Það er sko í fínu lagi að vera ósammála og segja það á málefnalegan hátt, en ef fólk er að kommentera bara til að vera með skítkast..... já, er þá ekki bara eitthvað að hjá því??

[Kristín Gunnarsdóttir, 7.4.2008 kl. 10:32]

Frábær lesning,gefðu þeim tvöfaldan skammt

Knús á þig góði penni

[Ólína Kjerúlf Þorvarðardóttir, 7.4.2008 kl. 14:44]

Bloggsóðar eru óþolandi. Það á bara að loka á þá miskunnarlaust.

Skoðanaskipti geta verið skemmtileg, þó fólk sé ekki sammála. En sumir skilja það bara ekki að eitt er að vera ósammála - annað að sóða og subba allt út með andstyggilegheitum. Þeir sem það gera eiga bara ekki að komast inn á bloggsíður.

Hafðu það gott Jenný mín.

[Halla Rut , 7.4.2008 kl. 22:32]

Þetta er svona eins og fólk sem kvartar yfir leiðinlegum þáttum í sjónvarpi en horfir svo alltaf á þá.

[Marta B Helgadóttir, 8.4.2008 kl. 13:21]

.....mamma ég er búin !!!!!!!!!!!!!!!!!

[Marta B Helgadóttir, 8.4.2008 kl. 13:22]

besta klósettið í bænum

knús til þín skemmtilegust

[Brjánn Guðjónsson, 8.4.2008 kl. 17:20]

andleg hægðatregða segirðu. oft finnst mér það líkara andlegum niðurgangi

[Svala Erlendsdóttir, 8.4.2008 kl. 18:25]

knúsi knúsi brúsi prús

knúsi lúsi músi

kelirófu knúsi lús

knúsi pútti húsi

[Anna Ólafsdóttir (anno) (IP-tala skráð) 9.4.2008 kl. 23:47]

Hvernig gat ég misst af þessari færslu í gær - Jú, ég var eitthvað voðalega bissý - as usual - þessa dagana - mikið verð ég fegin þegar ég get farið að taka elmennilega bloggrúnta. Jenný - þú ert algjörlega óborganlega fyndin - eiginlega alltaf. Kem bráður til byggða. En þú þarft ekki að þrífa þúveisthvað - ég er ekki soleisis. Knús