Ég hreinilega elska ekki Valentínusardaga

Haldið þið ekki að minn ástkæri hafi komið stormandi með Rimlar Hugans sem ég bloggaði um í gær, að mig langaði svo í.  Hann er svo afspyrnu næmur á hvað ég er að hugsa (ekki orð um að hann hafi lesið það á blogginu, engin rómantík í því).

Varðandi bókina, þá er mér nánast lífsins ómögulegt að leggja hana frá mér, svo mögnuð er hún.

Hún fjallar um alkahólisma frá mörgum hliðum.  Þessa dagana veitir mér ekki af að lesa mér ítarlega til.

Meira um það seinna.

Þessi er "must read" fyrir þá sem hafa gaman af lestri.

Ójá, lífið er svo skrýtið stundum, að það gæti verið skáldsaga og ég skáldsagnapersóna.

En

Ég er á lífi upp á gott og vont.

Lovejúgæs.

Athugasemdir

[Ásdís Sigurðardóttir, 15.2.2008 kl. 22:54]

Lífið já, er það ekki stundum ótrúlegra en nokkur skáldsaga??  hafðu það gott elsku Jenný mín og ég vona að þú eigir góða helgi.

[Katrín Snæhólm Baldursdóttir, 15.2.2008 kl. 22:57]

Lífið er ALLTAF skrítið sama hvernig á það er litið....þú líka Og ég og allir hinir. Algerlega stórskrítilega skemmtileg og fjölbreytt við öll.

Næ mér í bók á morgun á bókasafninu..vissiru að maður má taka 30 í einu???

[Steingrímur Helgason, 15.2.2008 kl. 23:13]

Skynsamur,..

[Tiger, 16.2.2008 kl. 00:22]

Skrítið er gott - stundum. Satt hjá þér að þú gætir vel verið skáldsagnapersóna - en líklegra þykir mér að þú sért hinn skemmtilegasti skáldsagnarithöfundur sem þó leyfir sér ekki að fara lengra inná ritvöllin en inná Moggablogg. Segi þér - ef þú tækir saman blogg og fleira - gæfir það út - myndi ég kaupa það til að hafa á náttborðinu mínu...

  

[Lára Hanna Einarsdóttir, 16.2.2008 kl. 00:24]

Ég elska þá ekki heldur, umber þá bara. 

[Anna Ólafsdóttir (anno) (IP-tala skráð) 16.2.2008 kl. 02:16]

ég er með fimm bækur á náttborðinu núna. hef lesið þær allar áður en er að rifja upp. Þetta eru bækurnar sem eiga sérstakan stað í mínu sálartetri.

farðu vel með þitt - mín kæra Jenný

[Kolgrima, 16.2.2008 kl. 03:01]

[Einar Örn Einarsson (IP-tala skráð) 16.2.2008 kl. 04:27]

Skemmtileg pæling. Kannski er bara einhver önnur Jenný að lesa skáldsögu um þig, og tengir á fullu við þig..................

Góður hann nafni minn að gefa þér þessa bók. Aldrei les maður of mikið um þennan lífsförunaut okkar, alkoholismann.

Rimlar hugans. Maður getur verið utan rimlanna og séð bara rimlana sjálfa. Jafnvel verið haldinn svo mikilli þráhyggju að stara sífellt inn í svartholið. Svo er líka möguleiki að vera innan þeirra bókstaflega innilokaður, likt og sá merkilegi Mandela, og sjá út á milli þeirra. Rimlarnir náðu aldrei að fanga anda hans. Enda kom hann út sem sigurvegari, en ekki fórnarlamb.

Eins og við notum í siglingarfræðinni. Hin relatíva hreyfing hjálpar manni að átta sig á hinu raunverulega. En ef maður festist í hinu relatíva , þá er maður í frekar slæmum málum. Í svartaþoku verður maður að gera skýran greinarmun á þessu tvennu, annars fer illa.

En hvers vegna þurfum við að apa upp  þessa Amerísku siði, eins og valentínusardaginn? Höfum við ekki bóndadag og konudag byggða á gömlum arfi? Ég bara spyr. Allavega langar mig ekki að vera einhverslags ljósrit af "white american trailer trash"

Kveðja af djúpunum bláu.

[Garún, 16.2.2008 kl. 04:37]

En óvænt gjöf.hehehehe Ég sagði Guðbjörgu að mig langaði í Playstation í þrítugsgjöf, tveim dögum fyrir afmælið fór ég bara sjálf og keypti það handa mér frá henni.......

[Jónína Dúadóttir, 16.2.2008 kl. 07:51]

Gaman

[Svanhildur Karlsdóttir, 16.2.2008 kl. 12:15]

Las þessa bók um daginn, hún er mjög góð, fékk mig til að hugsa