Litir, merkilegt fyrirbrigði

 

Ég var að spá í litum, og aldrei þessu vant, ekki í sambandi við föt, heldur mat.

Ég sat hér með sjálfri mér og var að hugsa um hvað margt er fyrirsjáanlegt í lífinu, nærri því óubreytanlegt og í beinu sambandi af því fór ég að hugsa um að ég og fleiri væru þrælar vanans.

Ekki skrýtið þó maður pæli í litum á degi Valentínusar þegar allt er rautt, rautt og rautt.

Hvernig litist ykkur á að fá í sunnudagsmatinn eftirfarandi mat:

Himinbláan hrygg með rauðum doppum.

Eiturgrænar kartöflur

Bleikar baunir

og kolsvarta kornstöngla...

sósan væri dökkgrá eins og skipamálning.

Í alvöru, hefðuð þið lyst?

Eða ljósbleikt kók, gult súkkulaði og fjólubláan lakkrís.

Ég myndi hætta að borða.

Hvað segja bændur, hefur hefðbundinn litur á því sem við látum ofan í okkur eitthvað að segja?

Langar að vita.

Komasho

Gjarnan fleiri hugmyndir af ógeðsmat vel þegnar...

Úje

Athugasemdir

[Gísli Baldvinsson (IP-tala skráð) 14.2.2008 kl. 19:44]

Er litblint fólk lystarlaust? Mér er nokk sama um lit á mat eða fólki. Ef einhver sem mér þykir vænt um er doppóttur...alveg sama. Þú sem blábleikur Villi? Jú, jú... litur er ekki issjúið.

[Anna Ólafsdóttir (anno) (IP-tala skráð) 14.2.2008 kl. 19:47]

Ég get ekki enn drukkið þennan bláa powerade. Hvað þá að bláan hrygg!!!! Hjálp!

[Hrönn Sigurðardóttir, 14.2.2008 kl. 20:02]

Skondið! Af hverju vill maður ekki borða bláan mat? Grænt kók - aldrei!

[Hugarfluga, 14.2.2008 kl. 20:12]

Blár matur er scary. Líka blátt nammi og bláir drykkir. Myndi frekar grænan lambahrygg en bláan. Og ég hef ekki hugmynd afhverju.

[Svanhildur Karlsdóttir, 14.2.2008 kl. 20:22]

Þegar ég mátti borða súkkulaði, var mér sama hvernig liturinn var, alltaf sami fíkillinn...........ostur má sko vera grænn fyrir mér,

[Jenný Anna Baldursdóttir, 14.2.2008 kl. 20:27]

Dúa pasta er ekki matur.

Oj, grænn hryggur jafn mikíð ógeðis eitthvað.

Ostur: Grænn, skærgrænn, neverrrrrrrrr

Grænt kók, ég er farin að æla

Anna þetta er vaninn að drepa okkur, og litblindir sjá matinn eðlilegan með sínum augum döh

[Jónína Dúadóttir, 14.2.2008 kl. 21:03]

Hreint út sagt dásamlegur matseðill

[Tiger, 14.2.2008 kl. 21:12]

Ég hef ekki miklar áhyggjur af mat í litum því ég er ósköp duglegur að nota hugmyndaflugið við matargerð og dett stundum niður á hina skrítnustu rétti hvað lit varðar. Hef stundum pælt í orðtiltækinu "allt er vænt sem er grænt" - og skellt grænum matarlit út í hina ýmsu óhollustu til að skapa væna og græna rétti...  jamm, glætan.

Fyrir mig skiptir útlit, þ.m.t. litur, miklu máli. Ég myndi aldrei drekka svarta mjólk og sennilega seint setja uppí mig hvítar rúsínur. Samt er eitt og annað sem myndi kæta mann. Myndi t.d. fíla vel appelsínugul bláber með rauðan rjóma útá... einnig væri geggjað að prufa svartan ís með röndóttum banana ásamt þykkri himinblárri sósu útá.

En ég myndi samt helst ekki vilja sjá  grænar manneskjur þó ég sætti mig vel við svartar, gular og rauðar - sem og þessar litlausu hvítu(drapplituðu eða sólbrenndu)...

[Tiger, 14.2.2008 kl. 21:15]

Úps...  þegar ég sagði að ég myndi helst ekki vilja sjá  grænar manneskjur Jenný mín - þá meint ég alls ekki Vinstri grænar. Bara litarhaft/hörundslit ...

[Ragnhildur Sverrisdóttir, 14.2.2008 kl. 21:21]

Hvítt súkkulaði

Og er meira að segja til í alvörunni! Eins og fólk átti sig ekki á að súkkulaði getur aðeins verið BRÚNT

[Brjánn Guðjónsson, 14.2.2008 kl. 21:44]

heimspekilegar pælingar. ætli þú sjáin bláa litinn eins og ég? er þinn blái kannski eins og minn rauði?

en annars...þá elska ég bleikar baunir. bakaðar baunir.

[Edda Agnarsdóttir, 14.2.2008 kl. 21:49]

Blau eplin á myndinni vöktu lukku hjá sonum mínum!

[Brynja skordal, 14.2.2008 kl. 22:17]

Mér finnst Bláu Eplin girnileg Elska Bláan lit en er ekki viss með Bláan hrygg hljómar ekki vel var einmitt að ræða Bláa litinn við son minn áðan því hann vill hafa hann alls ráðandi í sinni Fermingu spurning með matinn sko tékka hvað hann seigir við því En það verður blátt í Fermingartertunni En allt er vænt sem er grænt er það ekki!

[Sunna Dóra Möller, 14.2.2008 kl. 22:20]

Ég þekki mann sem að veit ekkert betra en soðin ýsa með jarðaberjasultu.....!

[Ía Jóhannsdóttir, 14.2.2008 kl. 23:01]

Grilla stundum bláan kjúkling blái liturinn kemur úr bláberjum sem hann er mareneraður í.  Mjög góður en fólki bregður stundum þegar ég ber þetta fram, dálítið spes á disk.

Get ekki borðað hvítt súkkulaði, finnst það ekki vera ekta

[Ólöf Guðrún Ásbjörnsdóttir, 14.2.2008 kl. 23:27]

Ég veit um einn sem gekk í gegn um ,,blátt" skeið þegar hann var ca fjögurra ára. Það eina sem hann vildi var blá mjólk, blátt brauð, blár ostur, blá föt osfrv.

Að sjálfsögðu var þetta allt látið eftir drengstaulanum. Þar til einn daginn að hann fór á vídeóleigu með mömmu sinni og sagði: ,,Mamma ég vil fá bláa mynd"!

Það er skemmst frá því að segja að þessi móðir flutti vídeóviðskipti sín annað

[Garún, 14.2.2008 kl. 23:32]

Mér finnst alltaf ógeðslegast vísan eða hvað sem það er sem amma kenndi mér...

í matinn í kvöld er:

Að éta það sem úti frýs, það eru bæði maðkar og mýs

mannaskítur og færilýs.

Síðan kemur séstvalla súpa og kalt borð og stólar

burtflogin hænsi og niðurgrafin kartöflu stappa.

ég hló alltaf þegar mér var sagt þetta þegar ég spurði hvað væri í matinn

[Hrafnhildur Ýr Vilbertsdóttir, 14.2.2008 kl. 23:35]

Litur hefur áhrif á matarlist okkar, engin spurning. Fagurlega skreyttur diskur í fallegum litasamsetningum vekur meiri list og  manni finnst maturinn  oft bragðast  betur. Hagkaup hafði lengi vel appelsínugulan lit í matarbúðunum því hann ku vera listaukandi.

[Berglind Inga, 14.2.2008 kl. 23:55]

Þegar ég var í Hússtjórnarskólanum hér um árið elduðu nokkrar stelpur bláan grjónagraut. Það bragðaðist auðvitað eins og sá hvíti en það var ansi sérstakt að borða baggabands-bláan graut!   En ég segi eins og fleiri hér að ofan:  hvítt súkkulaði

[Ásdís Sigurðardóttir, 15.2.2008 kl. 00:02]

Flottur matseðill og það er víst að ef við þekktum ekkert annað en þessa liti sem þú telur upp, þætti okkur það æði. En að fara að skipta um lit í dag nó vei.

[Eyrún Gísladóttir (IP-tala skráð) 15.2.2008 kl. 00:16]

hvernig væri lillablát spælegg og grænblátt beikon

[Signý, 15.2.2008 kl. 07:46]

Má bjóða þér bláa tómatsósu? eða jafnvel græna? Þeir í Ameríkunni tóku upp á því að framleiða bláa og græna tómatsósu, Heinz stóð fyrir þessu hryðjuverki gegn tómatsósunni. Það var verulega spes að smakka þetta, bragðast alveg eins bara öðruvísi á litinn. Get ekki sagt að mér hafi fundist tómatsósan, sem annars hefur bjargað lífi mínu þegar eitthvað vont hefur verið í matinn, neitt sérstaklega étanleg

[Jenný Anna Baldursdóttir, 15.2.2008 kl. 08:40]

Hallgerður: Öll ljós kveikt og enginn heima Vorum við að vinna saman?

[Hildigunnur Rúnarsdóttir, 15.2.2008 kl. 09:20]

hva, viljið þið ekki bláan mat? Engan bláan mat? Hvað með bláber og bláberjasultu? :p

Jenný, ég hef reyndar séð svartan maís, ekki alveg kolbikasvartan, en svartur maís er til, reyndar líka rauður. Allt í fína með það.