Einhver verður að bera þann kross..

..að vera vinsælasti fjölmiðlamaður landsins og nú dæmist það á Loga Bergmann, hann er ábyggilega ágætlega að krossinum kominn og auðvitað óskar þessi fjölmiðill honum til hamingju.

Annars vorkenni ég Loga út af öllu þessu kyn-tali.  Hlýtur að vera vandræðalegt að láta tala um persónu sína út frá einhverjum kyntöfrum sem sumum finnst fólk hafa til að bera.  Svona svipuð tilfinning og konur upplifa þegar þær eru dæmdar á svona hæpnum forsendum.  Þarna hlýtur Logi að komast í tengsl við konuna í sér.

Mér finnst þátturinn hans hafa stórbatnað, játa það hér með að mér dauðleiddist hann í byrjun, en núna er hann fínt afþreyingarefni mínus Gilzenegger.  Mér finnst alltaf að þar sem Gilzenegger er, eigi að fylgja spegill og hárgel, án þess vanti eitthvað upp á hann.  Kannski vantar bara yfirleitt upp á hann.

Svo vil ég sjá þennan vinsældarlista.  Hverjir eru að meika það í fjölmiðlum skv. þjóðarsálinni.  Egill Helga er víst í fjórða sæti og karlmenn hans helstu aðdáendur.  Ég hissa? vá, hann sem er svo inni hjá okkur femmunum.

Annars ristir þetta ekki djúpt með Egil, hann er svolítið gamall í viðhorfum, en það er engin dauðasynd.  Góðir þættir hjá honum stundum.

 Nú vinsældarlistarnir hrannast upp, hver er klárastur, flottastur sætastur, bestur á blogginu og sonna.

Gamanaðesstu.

Újess

Athugasemdir

[Ragnheiður , 1.2.2008 kl. 23:36]

Eins og ég sagði frá í dag þá reyndi ég að horfa á þennan þátt með Loga einusinni og ég sofnaði ....Hef líka gert ítrekaðar tilraunir til að horfa á Egil en fæ svo mikinn kjánahroll yfir honum og enn meiri yfir viðmælendum hans sem láta allt yfir sig ganga. Það virðist ekki vera inn að neita að mæta í þáttinn hans.

Sá einungis innslagið með þessum súpergáfaða kalli þarna um daginn og það dugði mér. Þoli ekki þegar verið er að snobba fyrir einhverju interlektúelt liði -sérstaklega útlensku því það er svo fínt. Álíka aulalegt og úlpan hans Tarantino....djös......

Komin í nöldurgírinn, sorry...farin að lúlla bara

[Kjartan Pálmarsson, 1.2.2008 kl. 23:39]

Nú fer allt að Loga hjá þér í ath-semdar dálkinum. En ef ég og Egill þyrftum að elda eitthvað saman! Þá yrði það einungis ,,grátt'' silfur

[Ásdís Sigurðardóttir, 1.2.2008 kl. 23:45]

LOGI ER KRÚTT

[Ásdís Sigurðardóttir, 1.2.2008 kl. 23:47]

VAR bara alls ekki búin, þoli ekki þegar tölvan stelur völdunum.  Ég er ekki mikið fyrir svona fjölmiðla sexy og sexy hitt IT´S  all in the eye of the beholder.

[Jenný Anna Baldursdóttir, 1.2.2008 kl. 23:47]

Ragga mín það var Egill sem var með súpergáfaða nördinn sem hann heldur fram að sé með frjósamasta heila í heimi.  Hann veit ekki að það er meður í Finnlandi með mun frjórri heila en þessi kapitalisti sem Egill var að tala við.  ´Trúið mér, ég deildi ekki hrifningu Egils á viðkomandi manni og fannst ég illa svikin af bókmenntaþættinum sem ég hélt að Kiljan ætti að vera.

Þátturinn hans Loga er orðinn alveg ágætur.  Amk. það sem ég hef séð.  Guð hvað mér fannst hann ekki ágætur í byrjun.

Kjartan: Þá eldar þú amk. eitthvað með honum.  Ég mun ekki verða í þeirri aðstoðu.  Búhú.

[Kjartan Pálmarsson, 1.2.2008 kl. 23:53]

Já NEI! Nú fer ég að LOGA

[Tiger, 1.2.2008 kl. 23:55]

Ég get bara ekki að því gert en ég næ bara ekki að hugsa um annað en hve ég finn - eða fann alltaf - til með fyrrverandi hans Loga þegar þau hættu sínu stússi. Fyrir hana að sjá hann sooooo happy með sinni nýju spússu í hvert sinn sem hún kveikti á tv - sooo not good for the soul.

En kannsk var hún líka svona happy, kannski var þeirra tímabil bara búið á báða bóga - vonandi.

Egill Helgason er eins og ehmm .. feit Pamela Anderson, með gullna lokka og veifandi höndum eins og lítil dramadrottning. En já, góðir stundum þættirnir hans. Hinn aftur á móti, sneggerinn með gelið og spegilinn - hans tími er löngu liðinn - hans tími var eigilega aldrei nema á meðal fermingdrengja sem þráðu ekkert annað en að missa sveindóminn - þó ekki með honum en með hans útlit i guess.

Ég myndi líklega kjósa Hólmfríði Karlsdóttur - okkar fyrrum alheimsfegurðardrottningu - sem kynþokkafyllstu konu landsins - fyrr og síðar. Hef aldrei séð eins saklausa og lýtalausa fegurð sem lýsir bæði að innan sem utan. Herra kroppur landans myndi sennilega verða hmmm ... Eiríkur Fjalar??? Æi, á ekki létt með að viðurkenna að ég geti séð fallega karlmenn ( get það sannarlega samt sko)

Bloggarar fyrr og síðar ...

Undarlegasti bloggarinn: Sá sem ekki leyfir að gerðar séu athugasemdir við bloggið sitt.. BB.

Skemmtilegasti bloggarinn: JAB...

Heitasti bloggarinn: Hvar er kalli í kvöld?

Sætasti bloggarinn: http://gudrunb.blog.is/blog/gudrunb/ ferlega sæt display myndin hennar. Miss Piggy.

Uppátækjasamasti bloggarinn: Hvar er kalli í kvöld?

En þetta er ótæmandi listi og er náttúrulega bara svona í gríni skellt upp, þekki ekki marga hérna þó ég eigi mér mína uppáhalds Jenný - en ég hef nokkra favorit merkta þó.

[Anna Ólafsdóttir (anno) (IP-tala skráð) 2.2.2008 kl. 00:04]

Það var snjall leikur hjá Loga að fá Bubba og Gilzenegger í þáttinn. Með svoleiðist eintök var engin hætta á að umræðan myndi snúast um Loga - enda gekk það eftir - og svo hélt égummigfrámértilmín áfram í næsta þætti á eftir

[Ragnheiður , 2.2.2008 kl. 00:05]

Já ég veit að Egill var með þennan stórgáfaða hjá sér....

[Jenný Anna Baldursdóttir, 2.2.2008 kl. 00:22]

Ekki fara inn á prívatlíf fólks sem hér er til umfjöllunar.  Það er ekki fallegt og á ekki við.  Annars eruð þið stjórskemmtileg.

[Kjartan Pálmarsson, 2.2.2008 kl. 00:38]

Já sammála! Ekkert privat vesen!

Annars tilnefni ég sjálfan mig sem : vitlausasta, skelfilegasta,leiðinlegasta,neikvæðasta, tuðaðasta og lang lang lang mesta hef-ekkert-að-segja-bloggara Íslands!

Vona að engin verði mér sammála :(

[Steingrímur Helgason, 2.2.2008 kl. 00:42]

Logi Bergmann er íslensk útgáfa af fréttamanni í ágæri amerískri bíómynd, 'Network'.  RÚV var búin að prófa hann sem íþróttafréttamann, fréttamann, án virkandi svörunnar til hæfileika & sat uppi með kútinn.

Stöð II keyptu hann ekki, þau fengu meðlag með barnsbyrjunni...

Enda er hann ekkert í fréttum þar, bara skemmtiefni ...

[Tiger, 2.2.2008 kl. 00:54]

Æi já..  þarna er mér rétt lýst og ég tek það sannarlega til mín sem ég á. Ég er bara stundum alltof fljótfær á mér og segi/skrifa það sem ég hugsa jafnóðum og það kemur upp í hugann, kem til dyranna eins og ... you know. Ég biðst forláts á þessari fljótfærni og afsaka það með því að ég er ekki búinn að vera að blogga nema í stuttan tíma og er enn að læra hvað má og hvað má ekki (hvað er siðferðislega gott eða ekki við hæfi á svona vettvangi).

En, mistökin eru til að læra af þeim og ég bið þá sem einhvern tíman eiga eftir að lesa mig um að sussa á mig og benda mér á ef ég hoppa yfir strikið.

Afsakaðu Jenný að þetta skyldi detta hérna inn..

[Jenný Anna Baldursdóttir, 2.2.2008 kl. 00:59]

Allt í lagi Tigercopper, þetta eru engar reglur svona almennt, en mér finnst bara að fólk eigi að hafa sitt privatlíf í friði, það er svo marg sem getur verið sárt og meiðandi fyrir fólk svo ég tali nú ekki um börnin.  Svo kemur okkur ekkert við einkalíf fólks þó svo það sé opinberar persónur.

Þú ert krútt og við erum vinir.

[Tiger, 2.2.2008 kl. 01:36]

Þakka þér Jenný. Maður er jú alltaf að læra, t.d. er ég nú, eftir miðnætti, vitrari en ég var í gær, fyrir miðnætti .. 

Ég virði þínar skoðanir og mun stíga á tungu mína hér eftir til að ekki fljóti frjálsar hugsanir mínar framfyrir skynsemina sem á að vera þarna einhversstaðar líka, þó ekki á tungunni i guess - held ég.

P.s. var allt í einu að fatta þegar þú segir "og auðvitað óskar þessi fjölmiðill honum til hamingju." - það er auðvitað ungfrúin sjálf sem er "þessi fjölmiðill" samanber einhverja fæslu sem ég held að ég hafi bara verið að dreyma fyrir miðnætti somehow - allavega finn ég hana ekki í augnabliksgeðshræringu yfir lokaorðunum þínum.

[Brjánn Guðjónsson, 2.2.2008 kl. 02:21]

ansi hreint kynlegt, allt saman

[Guðrún B. (IP-tala skráð) 2.2.2008 kl. 02:25]

þetta eru skrítnar skrúfur.

[Jens Guð, 2.2.2008 kl. 04:28]

  Ég kem af fjöllum.  Veit ekkert um hvað þið eruð að tala um.  En giska á að Logi hafi verið kosinn kynþokkafyllsti karlmaður landsins eða eitthvað álíka.  Bubbi og Gilzenegger eru líka nefndir til sögunnar.  Ég ítreka fáfræði um umræðuefnið en ætla þó að þessi Gilz hafi frekar verið kosinn stelpulegasti strákurinn.

[Ásthildur Cesil Þórðardóttir, 2.2.2008 kl. 08:20]

Ég er ein af þeim sem horfi aldrei á þáttinn hans Loga, vissi ekki einu sinni að hann væri með þátt  Hann er heldur ekki þessi týpa af karlmanni sem ég aðhyllist, eða aðhylltist hér i den.  Ósköp geðugur maður, en það er allt og sumt.  Óska honum bara til hamingju með titilinn.  Veit heldur ekki hver þessi GIlzenegger er, var hann ekki einn af þeim sem kom fram í laugardagslögunum ? Bubba nenni ég ekki að horfa á, þó gaman sé að hlusta á lögin hans, Egill, stundum er ég rosalega pirruð út í hann, og stundum finnst mér hann ágætur. 

En Hófí var flottust, það er sko alveg satt. 

[Linda Linnet Hilmarsdóttir, 2.2.2008 kl. 08:57]

Mér finnst ekki gaman af Loga,mér leiðist hann afskaplega,hvort sem hann er í beinni,fréttaþulur eða hvað annað og myndarlegur,nei hef séð þá fallegritakk takk og kveðjur.

[Jenný Anna Baldursdóttir, 2.2.2008 kl. 10:14]

Anna sá ekki innleggið þitt.  Ég horfði ekki á égummigfrámertilmín eftir Logaþáttinn.  Hefurðu heyrt talað um overdós. Jafnvel þó það sé B-O-B-A BOMBA sem í hlut á?  En hann Hjálmar í þættinum í fyrri viku tók égummigfrámértilmín frábærlega eins og reyndar flesta sem hann hermdi eftir.  Loveu og knús norður til ykkar allra.  Á ekkert að fara að slá á til sumra?  Er ekki með gemsann þinn, það er kominn tími á skvaldur vúman.

[Jenný Anna Baldursdóttir, 2.2.2008 kl. 10:31]

Og það þýðir hvað Hallgerður mín.  Hvað er hann að meina þessi herti handavinnupokakall þarna hjá þér

[Anna Ólafsdóttir (anno) (IP-tala skráð) 2.2.2008 kl. 10:53]

Skvaldur me likes. En ég verð voða lítið í gemsasambandi í dag. Músíkin herjar á mig. En bolludagssvarið er komið. Og konan bugtar sig og beygir og biðst afsökunar á seinagangi. Nú er það bara að drífa sig í búðina Jenný! Muna svo eftir að kaupa rjómann.  komaso!