Að giftast fyrrverandi á bak við núverandi

 

Ég á varla orð yfir að þessi smá misskilningur með brúðkaupsmyndirnar hafi valdið því að fjölmiðlar á Norðurlöndum velta sér nú upp úr þessum skelfilega atburði.  Að brúðkaupsmyndir Geirs og Tönju Engely hafi lent hjá fyrrverandi kærustu Geira.

Maður miðar auðvitað út frá eigin reynslu.  Ég hef, eins og flestir vita, átt fjöldann allan af eiginmönnum () og er því sérfræðingur í eftirhjónabandssamskiptum.  Ég hef verið svo heppin með eiginmenn, að ekki einasta hefði ég bara skoðað myndirnar og dáðst að þáverandi með sinni nýju, ég hefði boðist til að vera svaramaður eða leiða hina nýju brúði upp að altarinu líka, hefði ég átt þess kost.  Reyndar hef ég aldrei verið beðin, hvernig ætli að standi á því?  Það getur varla verið svona mikil hamingja í gangi að vera laus við mig.  Nei, nei, getur ekki verið.

Ég hélt að á upplýstum tímum með hárri skilnaðartíðni (hm) þá þætti svona ruglingur ekki að vera eitthvað á Richter.  Ég hefði skilið fréttina ef núverandi hefði fengið myndir af eiginmanni að giftast fyrrverandi.  Það hefði þó verið bragð að því.

En því er ekki að heilsa. (Hugmynd einhver?)

Bætmí.

Úje.

 

Fyrrum kærasta fékk brúðkaupsmyndirnar

Athugasemdir

[Þröstur Unnar, 28.11.2007 kl. 15:39]

Er eitthvað inntökugjald í félag sérfræðinga eftirhjónabandssamskipta ohf.?   

[Ásthildur Cesil Þórðardóttir, 28.11.2007 kl. 15:42]

Fengu þau myndirnar til baka, er það fyrsta sem upp kemur í minn koll.

[Guðný Lára, 28.11.2007 kl. 16:14]

já nákvæmlega... ég vona að þau hafi fengið myndirnar sínar órifnar og svona.... :)

[Gísli Baldvinsson (IP-tala skráð) 28.11.2007 kl. 16:18]

Ég sæki hér með um félagsaðils að ekss (eftirhjónabandssamskipta)  enda líkt og óvirkur alki þá er reynslumikill félagi ekss heljarinnar ráðgjafi. Þetta með myndirnar.... hvar eru mínar?

[Sunna Dóra Möller, 28.11.2007 kl. 17:11]

...mér finnst þetta pínu oggó ponku lítið vera svona ekki frétt.........ekki vera rosa mikið mál svona almennt og yfirleitt...en hvað veit ég...!

[Jóna Á. Gísladóttir, 28.11.2007 kl. 17:25]

það er eitthvað afar dularfullt við að þetta hafi ratað inn í heimsfréttirnar. Enginn drepinn og sonna... Bara einhver nett pissed fyrrverandi. O jæja.