Alkajól

 

Jól og alkahólismi eru eitruð blanda.

Sem betur fer var ég ekki orðin fyllibytta þegar stelpurnar mínar voru litlar.

Ég hef sloppið fyrir horn í jólahaldinu undanfarin ár, þ.e. áður en ég fór í meðferð, en bara rétt svo.

Í hitteðfyrra, þ.e. síðustu jólin sem ég var virk, var ég svo heppin að fá lungna- og barkabólgu.  Ég lá hálfdauð í rúminu yfir jólin, sem kom sér ákaflega vel, því ég var orðin langt leidd af drykkju og hefði átt verulega erfitt með að standa mig í því hlutverki sem ég hef ásamkað mér á jólum.

Læknirinn var svo elskulegur að segja mér að ég gæti smitað og þar með var komin pottþétt afsökun fyrir lok, lok og læs.  Ískápurinn var auðvitað úttroðin af dýrindis hráefnum til matargerðar en hva, það var sett á bið.

Bið sem í raun varði þar til ég fór í meðferð á nýju ári, seint á nýju ári.

Það er ekki eins og maður hafi verið eitthvað jólaskraut, ónei.

Ekki par jólaleg hún Jenný Anna þarna í restina.

En í fyrra og núna gegnir öðru máli.

Þetta er snúra, já jólasnúra.

Falalalalalalala!

Athugasemdir

[Ragnheiður , 27.11.2007 kl. 14:55]

Hehe ég fékk mér jólatré og hreindýr áðan, alveg að komast í jólagírinn...er nebblega hrædd um að detta úr honum þegar nær dregur og Himmaleysið fer að bíta fastar...

Knús á þig elskuleg

[Jenný Anna Baldursdóttir, 27.11.2007 kl. 15:01]

Ragga hreindýrakjöt? GMG verð svöngég er algjört rándýr.

[Þröstur Unnar, 27.11.2007 kl. 15:10]

Ertu kvíðin Jenný?

[Jenný Anna Baldursdóttir, 27.11.2007 kl. 15:14]

Þröstur: Takk fyrir að spyrja, en nei ég er ekki kvíðin.  Ef ég væri það þá myndi ég blogga um það, ég held nefnilega að ég sé löngu komin yfir tjáningarhræðslu á blogginu.

[Ragnheiður , 27.11.2007 kl. 15:21]

hehe eins og þú ert búin að sjá þá er mitt hreindýr seigt undir tönn....það er ljósahreindýr

[Þröstur Unnar, 27.11.2007 kl. 15:30]

Frábært hjá þér.

[Sunna Dóra Möller, 27.11.2007 kl. 16:00]

Borðaði hreindýrainnanlæri í gær...það var of gott !

Njóttu aðventunnar Jenný, þú átt það svo skilið !

[Hrönn Sigurðardóttir, 27.11.2007 kl. 16:24]

Þú ert yndi

[Aðalheiður Haraldsdóttir, 27.11.2007 kl. 16:53]

Megir þú bara eiga virkilega gleðileg edrújól!

[Jóna Á. Gísladóttir, 27.11.2007 kl. 17:33]

Jólasnúra með fullt fullt af ljósum í öllum regnbogans litum. lovjú svítí.

[Marta B Helgadóttir, 27.11.2007 kl. 22:07]

[Hildigunnur Rúnarsdóttir, 28.11.2007 kl. 09:07]

Svei mér þá ef ég gef þér ekki bara smá jólagjöf. Er ekki búin að setja þetta á mitt eigið blogg, gef hér moblourum sneak peek hér. Litla skotta mín á sellóið og þetta er svooo flott hjá þeim...

[Jenný Anna Baldursdóttir, 28.11.2007 kl. 09:18]

Nú fór ég að gráta, yndisleg gjöf Hildigunnur og takk fyrir mig. Þau eru svo ábúðarfull og einbeitt þessi krútt.  Arg. Krúttkast.

[Hildigunnur Rúnarsdóttir, 28.11.2007 kl. 09:28]

:)

[Hildigunnur Rúnarsdóttir, 28.11.2007 kl. 10:31]

en hei, þú skrifar komment konstant hjá mér við næstu færslu fyrir neðan þá sem lógískt er að skrifa við :D Kommentalínan hjá mér er næstum því jafnhá heiti færslu...