Við í dágóðum félagsskap - Grímulaus Bush

Hana þar höfum við  það svart á hvítu.  Búski í eigin safa.  Samkvæmt útskrft af fundi  sem Bush átti með Jose Maria Aznar, þáverandi forsætisráðherra Spánar árið 2003, þá vissi forsetinn af vilja Saddam Hussein til að fara í útlegð að uppfylltum skilyrðum.

„Egyptar eiga í viðræðum við Saddam Hussein. "Hann virðist hafa gefið í skyn að hann sé tilbúinn til að fara í útlegð fái hann að taka með sér milljarð dollara og allar þær upplýsingar um gereyðingarvopn sem hann kýs að taka með sér,” sagði Bush. „Það yrði líka besta lausnin fyrir okkur og myndi auk þess spara okkur fimmtíu milljarða dala.”

Við vitum hvernig fór.  Við vitum líka hversu mörgum mannslífum saklausra borgara hefur verið fórnað í Írak frá innrásinni.

Við megum ekki gleyma að þarna erum við þátttakendur.  Eða kannski ekki lengur?  Mér skilst að það sé búið að taka okkur út af lista viljugu þjóðanna og það án þess að við höfum beðið um það.

Það væri kannski lag að fara að tékka á því hvort við séum með eða ekki.  Íslensk stjórnvöld vita það ekki, kannski veit Búski það.

Later.

Bush vissi af vilja Saddams til að fara í útlegð

Athugasemdir

[Benedikt Halldórsson, 27.9.2007 kl. 18:53]

Ef þetta er rétt að Bush vissi um þessa uppgjöf og þessi skilyrði hefði verið ódýrara að borga lausnargjaldið fyrir böðulinn hann Saddam, fyrir nú utan öll mannslífin sem eru ekki metinn til fjár.

[krossgata, 27.9.2007 kl. 19:01]

Finnast ekki alltaf beinagrindur í skápum þessara valdamiklu manna þegar farið er að skoða nánar.  Þeir virðast allir vera að spila Matador og svindla sem mest þeir geta. 

[Jenný Anna Baldursdóttir, 27.9.2007 kl. 19:05]

Já Hussein ætlaði að taka með sér sína "eigin" peninga (ekki að hann hafi svo sem átt þá bölvaður spillingagosinn).  Þetta er ekki þokkalegur félagsskapur að vera í.

Beinagrindurnar Krossgata eru mis ljótar.  Hundruðir þúsunda manna hafa látist í þessi ruglaða stríði um olíu.  Því það er það sem það er, spurning um olíu.

Og það er merkilegt að Búski talar um að það spari 50 milljarða að fara ekki í stríð en hann talar ekki um mannslífin sem hefðu "sparast" við að láta það eiga sig.

[Jenný Anna Baldursdóttir, 27.9.2007 kl. 19:07]

1.068.035 mann skv. teljara hérna neðst á síðunni minni.

[Linda, 27.9.2007 kl. 20:02]

Þessi umræða tengist trúarbrögðum hvernig? Er þetta ekki betur geymt undir stjórnmál og samfélag? Að öðru leiti ágætis þráður hjá þér.