HAMFRARABLOGGARAR

 

"Bloggarar eru meðal þeirra sem farið hafa hamförum í neikvæðri umfjöllun um frammistöðu Stuðmanna þetta umrædda kvöld, en sveitin lék mörg af sínum þekktustu lögum í nýjum og heldur rafrænni útfærslum." Stendur í viðtengdri frétt.

Merkilegt hvað það er illa liðið ef bloggarar tjá sig um suma hluti.  Ég hef reyndar engan bloggara lesið sem farið hefur hamförum í "Stuðmannamálinu". Það er eins og þeir sem blogga séu óskilgreindur massi af hálfvitum sem hafa ekki getu til að tjá sig um mál og þar af leiðandi eru þeir afgreiddir sem hamfarabloggarar.

Ég minni á að hamfarabloggararnir voru áheyrendur á hljómleikunum og í fullum rétti til að tjá sig um þá.

Stuðmenn áskilja sér rétt til að koma á óvart, segir Jakob Frímann. 

Ætli áheyrendur og þar á meðal þeir sem blogga séu ekki í fullum rétti til að hafa um það skoðun, þegar reynt er að drepa þá úr leiðindum?

Ég hefði haldið það.

Fruuuuussss og úje!

 

Stuðmenn vilja stuða

Athugasemdir

[Marta B Helgadóttir, 21.8.2007 kl. 08:49]

mer fannst þeir bara nokkuð góðir, lifði alveg af að hlusta á þessa tilbreytingu þeirra

[Þröstur (IP-tala skráð) 21.8.2007 kl. 09:23]

Ég hef hlustað á Stuðmenn síðan ég var með bleyju en ég var hissa á þessari útfærslu hjá þeim á þessari afmælishátíð Kaupþings. Ætli þessu stuð ævintýri þeirra fari ekki senn að ljúka. Með öll þeirra góðu lög sem þeir eiga þá þurftu þeir að nota þetta tækifæri til að troða þessari nýbylgju á landsmenn. Fyrir mitt leiti þá fannst mér þetta verurlega leiðinlegt hjá þeim..

[Jenný Anna Baldursdóttir, 21.8.2007 kl. 09:40]

Þröstur: Ég hef alltaf haft gaman af Stuðmönnum, frá því þeir byrjuðu sinn feril reyndar. Undanfarin ár hefur mér þótt þeir hafa misst neistann, einhver sjálfsánægja komin í staðinn.  Og að bjóða upp á þessa útfærslu á svona tónleikum er ekkert nema vanvirðing við áheyrendur. 

[Þröstur Unnar, 21.8.2007 kl. 09:41]

Hef tjáð mig um þetta flopp þeirra. Ekki skrítið þó menn fari hamförum við að hlusta á svona eyrnamengun.

Frussssss til baka yfir flóann.

[Kristján Bergmann (IP-tala skráð) 21.8.2007 kl. 10:20]

Stuðmenn eiga bara að pakka saman og hætta þessu. 

[Rannveig Lena Gísladóttir, 21.8.2007 kl. 11:33]

Held að það sé nú í lagi þó að bloggarar sem og aðrir tjái sig um þessa hörmung sem að Stuðmenn voru á þessum tónleikum! 

[Anna (IP-tala skráð) 21.8.2007 kl. 12:06]

Mér finnst eitt gleymast hérna.  Kaupþing keypti ákveðna þjónustu, þar eru þeir að kaupa flutning Stuðmanna eins og allir þekkja hann en ekki einhverja tilraunastarfsemi þeirra.  Ef Stuðmenn halda sína eigin tónleika þá er þeim frjálst að gera tilraunir og stuða fólk.  Ef ég hefði ráðið Stuðmenn á árshátíð og þeir spilað svona, fólk hefði farið að tínast heim á fyrsta lagi - ég hefði neitað að borga þeim svei mér þá.

[Jenný Anna Baldursdóttir, 21.8.2007 kl. 12:38]

Sammála Anna, fólk hefur örugglega ekki mætt þarna til að hlusta á "æfingu" Stuðmanna.

[Andri Ólafsson (IP-tala skráð) 21.8.2007 kl. 12:39]

Ef fólk vill ekki taka nýrri túlkun tónlistarmanns á eigin verkum getur það bara spilað geisladisk með því sem það fílar.

 No comment á þessa tónleika.