Í DAG ÆTLA ÉG AÐ..

 

..að fréttablogga með mínu nefi ef eitthvað kemur í fréttunum sem mér finnst athygli vert.

..búhúblogga ef ég verð rosalega viðkvæm eða leið.

..fíflablogga ef fíflaandinn tekur sér bólstað í mér eins og hann gerir stundum.

..reiðiblogga ef það fýkur snögglega í mig.

..tuð- og hneykslisblogga ef fólk leyfir sér að blogga öðruvísi en mér er þóknanlegt (þennan má taka með fyrirvara, þar sem fíflaandinn réðst á mig rétt í þessu og tók stjórnina).

..gleðiblogga við öll tækifæri, sjálfri mér til sælu og ánægju.

..snúrublogga ef ég þarf að sinna bataferlinu.

..yfirhöfuðblogga ef mér dettur það í hug.. OG..

Ég ætla að láta mér í léttu rúmi liggja ef einhver ætlar að kafna úr ergelsi yfir bloggaðferðum mínum.

Samningur gerður við almættið í morgunsárið, af gefnu tilefni. 

Ég,

öll að koma til

Súmí.

Athugasemdir

[Ásthildur Cesil Þórðardóttir, 30.7.2007 kl. 07:46]

Góð.  Þetta er ágætis upptalning og dekkar svæðið svona í það heila sýnist mér.  Vantar ef til vill menningarblogg þarna. 

[Rebbý, 30.7.2007 kl. 08:44]

gott hjá þér Jenný - kemur engum öðrum við hvað þú gerir inni á þinni síðu

[Sædís Ósk Harðardóttir, 30.7.2007 kl. 09:23]

Gott hjá þér:)

Eigðu góðan dag og eins og segir í al-anon bókinni í dag: ,,í dag ætla ég að vera óttalaus, sérstaklega ætla ég að vera óhrædd við að njóta þess sem fagurt er og trúa því að veröldin gefi mér á sama hátt og ég henni"

kv. Sædís

[Jenný Anna Baldursdóttir, 30.7.2007 kl. 09:52]

Takk, takk elskurnar.

Dúa mín, kona á tröppur sem hún fer með um allt (þarf mikið að nota þær þar sem ég er minni en flestir, arg)  Smjúts auli

[Guðríður Haraldsdóttir, 30.7.2007 kl. 09:53]

Góðan dag, elsku krúttttttt!!!!!

[Garún, 30.7.2007 kl. 12:04]

Þetta líst mér á....en heyrðu ég er komin með nýtt hobbý, það er að vafra um bloggsíðurnar og telja hversu margir "eðalbloggarar" hóta að hætta á moggablogginu afþví það er svo vitlaust fólk þar!  Sumir hóta að hætta oftar en aðrir, en þetta er mjög áhugavert.   

[Jenný Anna Baldursdóttir, 30.7.2007 kl. 12:12]

Hæ krúttin mín.  Já eðalbloggurunum er svo stórlega misboðið að við "the people" skulum voga okkur að vera að bregðast við umhverfi okkar.

Sumir eru alltaf á leiðinni að hætta.  Sumir hætta reglulega en koma svo aftur og svo eru þeir sem eru alveg við það að hætta en sjá sig um hönd, oft á dag.  Það er svo erfitt að þurfa að deila "speisi" með almúgarnum.  Hahahaha