LAUGARDASANNÁLL..

 

..eða framhald frá því rétt fyrir kvöldmat.  Hér er búið að vera mikið stúss og mikil gleði.  Jenny Una Errriksdóttirrr er búin að borða franskar kartöflur (bara svona smá trít), ís og pínulítið nammi (samt aðeins meira en móðirin sagði til um, ussss), hún er búin að fara í bað og leika sér helling og að lokum lásum við eina Emmubók og eina Alfons Åberrrrgbók (Einar Áskel).  Það var mikið rætt um hvort hamarrrinn sem Alfons dúndraði á puttana á sér hefðu framkallaðar miklar blæðingar úr fingri pilts.  Eins og allir vita þá er Jenny Una sérstök áhugamanneskja um blóð, sko það blóð sem sleppur óforvarandis leiðar sinnar þegar göt koma á líkamann, eins og þegar Emma dettur og Alfons Åberrrg ber á fingur sér.  Eftir lesturinn var rabbað heilmikið um plástra.  Kisuplástra, bangsaplástra og andrésarplástra.  Litir og lögun sömu plástra bar líka á góma.

Nú sefur Jennslubarnið með hönd undir kinn, með slatta af tuskudýrum í kringum sig og hún er bara fallegust.

Ójá.

 

 

 

Athugasemdir

[Þröstur Unnar, 28.7.2007 kl. 23:28]

Ef ég mundi klippa stólinn og kjúkklingabeinin í burtu, þá ætti ég nákvæmlega svona stelpu einhverstaðar í tölvunni minni, ótrúlega líkar, hmmm.

[Jenný Anna Baldursdóttir, 28.7.2007 kl. 23:33]

Eru reyndar franskar Þröstur minn, reyndar sá ég mynd af litlunni þinni um daginn og fannst þessar skottur frekar áþekkar.

[Jóna Á. Gísladóttir, 29.7.2007 kl. 10:29]

ji minn hvað maður hefur það gott í stólnum með franskar. Litlu náttbuxurnar með hjörtunum toppa svo málið.

[Ásthildur Cesil Þórðardóttir, 29.7.2007 kl. 10:57]

[Maja Solla (IP-tala skráð) 29.7.2007 kl. 10:59]

Við eigum alla Alfons Åberg þættina á disk, notum þá "óspart" til að undirbúa þann eldri fyrir tungumálið.
Skemmtilegar bleiku peysurnar og svunturnar sem einstæði pabbinn gengur í, að ég tali ekki um dúkkurnar sem Alfons leikur sér með. Smá barátta í gangi á þessum árum.