ÁHYGGJUM AFLÉTT

Ég var að lesa Moggann eins og venjulega og datt niður á meðfylgjandi frétt.  Húsbandið á stórafmæli eftir nokkur ár og ef hann lafir hérna megin grafar á þeim tímapunkti, sem er alls ekki víst þar sem hann er enn í nikótíninu, þá ætla ég að slá upp veislu.  Ég hef að sjálfsögðu verið að plana viðkomandi teiti undanfarin ár, enda þarf ég góðan tíma í svona fyrirkomulag eins og afmæli í fjölskyldunni.  Ég er að hugsa um að halda  veisluna á Kínamúrnum (er í samkomulagsviðræðum við þarlend stjórnvöld um að loka múrfjandanum í þessa fáu daga sem veislan stendur yfir), vera með dýr í útrýmingarhættu á matseðlinum, ekki eitthvað almúgasnakk sem hægt er að kaupa úti í búð, og þjón á mann enda gestirnir ekki margir (eitthvað um 10.000), bara nánustu vinir og kunningjar.  Veislan hefur verið að taka á sig heildarmynd undanfarið, en ég hef alveg verið lens með hvað ég ætti að bjóða upp á í formi skemmtiatriða.  Nú er það vandamál úr sögunni.  Stóns eru í miklu uppáhaldi hér við hirðina en ég hélt að þeir væru dýrir.  Sko villidýrir.  En það er ekki græðginni fyrir að fara hjá hetjunum mínum.  Þeir taka ekki nema 331 milljón fyrir einkagigg.  Ég er búin að leggja skilaboð fyrir Mick Jagger og hið glæsilegasta mannflak, sjálfan Keith og býð nú spennt eftir svari.  Ég vona að þeir séu lausir, part úr kvöldi, dagana 26. 27. 28. 29. apríl 2010.  331 milljón x4, tertubiti í heimilisbókhaldinu.

Nei ekki að ræða það, ykkur er ekki boðið.  Bara nánustu vinum og vandamönnum.

Úje.

Fengu 331 milljón fyrir að spila í einkaveislu

Athugasemdir

[Hrönn Sigurðardóttir, 17.7.2007 kl. 12:32]

Huh! Mér er sko alveg sama!! Ætla sjálf að halda miklu dýrari veislu árið 2010/11 og 12

[Jenný Anna Baldursdóttir, 17.7.2007 kl. 12:33]

[Jenný Anna Baldursdóttir, 17.7.2007 kl. 12:43]

Hahahaha ég vil endilega passa, þú vest það Beta, þú mátt þá koma í fokkings veisluna, haha, plís

[Jenný Anna Baldursdóttir, 17.7.2007 kl. 12:48]

[Guðríður Haraldsdóttir, 17.7.2007 kl. 13:38]

Ég mæti! Alltaf gaman að fara í flottar veislur þótt mér sé ekki boðið. Það hangir uppi viðvörunummynd af mér hjá dyravörðunum á Bessastöðum ... en ég kem alltaf í nýjum og nýjum dulbúningum. Gabbaði þá flott þegar ég kom sem kóngurinn í Kína. Um þetta má allt lesa í Sérstæðum sakamálum. 

[Huld S. Ringsted, 17.7.2007 kl. 14:12]

Jenný ég hélt að ég væri að verða vitlaus(ari) þegar ég fékk mail um að jenfo óskaði eftir að gerast bloggvinur, hélt svona rétt sem snöggvast að þið væruð orðnar tvær (ekki hægt) málið skýrðist þegar ég las kommentið frá þér. Pjúff ég er ekki vitlaus(ari)

[Jenný Anna Baldursdóttir, 17.7.2007 kl. 14:40]

Híhí, Huld ekki í fyrsta skipti sem ég hendi fólki óvart út.  Er alltaf fiktandi.

Gurrí þú ert boðin.  Fékkstu ekki boðskortið? Smjúts