Á SORAVAKTINNI ALLAN SÓLARHRINGINN

Og í ruslatunnuna fer Sigurður V. Steinþórsson, pizzasendill hjá Dominos, sem ætlar að framleiða íslenskt netklám og hefur auglýst eftir áhugasömum "leikurum" til að taka þátt.  Maðurinn segir að fullt af fólki sýnt djobbinu áhuga og þrátt fyrir sendlastörfin þá ætlar Sigurður að borga vel, en 150 þúsund krónur vill hann borga og þá sennilega fyrir "aðalhlutverk" (fylgist maðurinn ekki með launaþróuninni?).  Það er ekki að trufla strákinn þótt framleiðsla á klámi sé bönnuð með lögum.  Hann ætlar að láta reyna á þetta enda vitað mál að fólk um allan heim græðir stórar fjárhæðir á mansali og klámi. 

Mikið rosalega held ég að ruslatunnuvistin hjá mér henti þessum sendli.  Það kemur hann að smellpassa inn í innréttinguna í bland við kjötafganga, pappírsrusl, sósuafganga og annan úrgang.

Langar einhverjum í pizzu... frá Dominos???

Annars er ég andvaka, það er svo erfitt að sofa þegar sólin skín og btw. Gleðilegan 17. júní

Athugasemdir

[Birna Dis Vilbertsdóttir (IP-tala skráð) 17.6.2007 kl. 08:27]

Skella álpappír í gluggann eins og gert er stundum þegar börnin neita að sofa af því að það er dagur. Ljótt en það virkar Nei ekki langar mig í pizzu frá Dóminnós.Metnaður þessa unga "kvikmyndagerðarmanns" þykir mér sorglegur.

[Jóna Á. Gísladóttir, 17.6.2007 kl. 12:00]

Ég get alveg ímyndað mér að Dominos muni hafa eitthvað um það að segja að drengasninn auglýsi að hann vinni hjá dominos. Fólk man það. Kemur alltaf til með að vísa til hans sem slíks. Ekki gott fyrir Dominos (þó það sé engan veginn þeim að kenna).

[Jenný Anna Baldursdóttir, 17.6.2007 kl. 12:19]

Ég hefði sleppt þessum upplýsingum ef ég væri klámsendill.  Sem ég er ekki sem betur fer.  Ég mun ekki kaupa á Dominós (hef svo sem ekki gert það áður nema kannski 2var eða eitthvað).

BD það er svo forljótt að hafa álpappír fyrir gluggunum.