MIKLAR VÆNTINGAR FRÁ ALMENNINIGI!

Nú er ég komin með sumarstarfsmanninn á stjörnuspá Moggans í gjörgæslu.  Í dag toppar viðkomandi starfsmaður sjálfan sig í fyrirheitunum.

"Steingeit: Þú ert fær með tölur og færð snilldarhugmynd til að bæta núllum aftan við launin þín. Væntingar almennings skipta miklu í framkvæmdum þínum."

Halló, halló ég hef aldrei verið fær með tölur, þvert á móti er ég með upphæðafóbíu og kann varla að reikna (eða þannig).  Hér mun ég fá snilldarhugmynd til að bæta núllum aftan við launin mín.  NÚLLUM ekki einu heldur mörgum.  Mér finnst þetta vera ábending til mín að ræna banka eða aðra peningastofnun.  Hafi ég ekki verið viss þá varð ég þess fullviss þegar ég las afganginn af stjörnuspánni um væntingar almennings sem skipta miklu í framkvæmdum mínum.  Það munar ekki um það.  Þetta er örgla rán sem ég á að fremja.  Svona stikkemup fyrirkomulag.  Almenningur á peninga í banka, það hlýtur að skipta hann miklu ef einhver rænir þær stofnanir.

En bíðið þið aðeins við.  Kannski er þetta Glitnistilboð.  Eins og Ellý og fl. fengu!  OMG ætli það bæti MÖRGUM núllum aftan við launin? Nú sé ég þetta kýrskýrt.  Ég fæ tilboð frá Glitni og auðvitað skiptir það almenning miklu máli ef þeir græða háar fjárhæðir þegar þeir auglýsa á síðunni minni.

Sorry sumarstarfsmaður.  Nú rek ég húsbandið úr símanum.  Ætla að vera tilbúin þegar þeir hringja.

Athugasemdir

[Hrönn Sigurðardóttir, 30.5.2007 kl. 10:04]

FL Group hafa beðið um að fá að auglýsa á minni síðu. Ég sagðist skyldu hugsa málið

[Kristín Katla Árnadóttir, 30.5.2007 kl. 10:07]

Þú ert nú alltaf jafn fyndin dúlla.

[Jóna Á. Gísladóttir, 30.5.2007 kl. 11:08]

Róa sig

[Jenný Anna Baldursdóttir, 30.5.2007 kl. 12:04]

Jóna mín þeir fara alveg að hringja, vertu róleg á öfundssýkinni addna

[Anna Einarsdóttir, 30.5.2007 kl. 17:15]

Þessi starfsmaður getur EKKI sagt að einhver sé fær með tölur.

Mín spá í gær hljóðaði einhvern veginn svona:  "Þú leggur saman tvo og tvo og færð ekki út fjóra".

Hún rættist ekki !