VG Á DÚNDRANDI SIGLINGU Í NV

Rosalega er gaman að vera vinstri græn þessa dagana.  Allt bendir til, í skoðanakönnunum, að VG stefni í stórsigur í vor. 

Í kvöld var birt ný skoðanakönnun í Íslandi í dag fyrir norðvestur kjördæmi.  Skv. henni bæta VG við sig 12% fylgi frá síðustu kosningum.  Fylgið hrynur af Framsókn og Sjálfstðismenn halda sínu rétt naumlega.  Skv. sömu könnun myndi Frjálslyndi flokkurinn missa mann.

Skoðanakannanir eru að sjálfsögðu ekki kosningaúrslit en hvað VG varðar þá leiðir hver könnunin á eftir annari í ljós að við erum á dúndur blasti.  VG er eini yfirlýsti kvenfrelsisflokkurinn og í sömu könnun kemur í ljós að konur sem ætla að kjósa VG og SF eru 10% fleiri en karlar sem kjósa sömu flokka.  

Velgengni vinstri grænna hefur kallað á töluverð sárindi frá sumum flokkum, aðallega Framsókn og er allt týnt til.  Það væri sniðugt að þetta fólk sem stöðugt tuðar um hvað andstæðingarnir séu slæmir, myndi snúa sér að málefnavinnu í eigin ranni og reyna að koma henni út til kjósenda. Las á bloggi Dúu Dásamlegu að hún kallar eftir þessu sama, þe upplýsingum um málefni sem flokkar ætla að leggja áherslu á nú fyrir kosningar.

 

Adjö

 

Athugasemdir

[Sigþór (IP-tala skráð) 28.3.2007 kl. 21:06]

En tapa 6 % frá því á föstudag í kjördæminu ef marka má könnun Capacent. Þið fáið 14%:-) kv SAS

[Jenný Anna Baldursdóttir, 28.3.2007 kl. 21:18]

Fannstu eina já!  Það er lengi von á einum.  Takk fyrir upplýsingarnar

[Jenný Anna Baldursdóttir, 28.3.2007 kl. 21:25]

Nei bloggarinn er sprækur eins og lækur.

[Anna Ólafsdóttir Björnsson, 28.3.2007 kl. 22:27]

Heyrði að Framsókn væri farin að kveinka sér og kalla það því nafni að VG legði sig í einelti. Einu sinni voru það barmmerkin: Aldrei kaus ég Framsókn en núna eitthvað með ríkisstjórn með zero Framsókn, sem mér finnst bara frábært. Kominn tími til. 

[Sædís Ósk Harðardóttir, 28.3.2007 kl. 23:28]

já þeir í framsókn eru eitthvað fúlir út í þessar Zero auglýsingar, en mér finnst þær fínar.  flott könnun og ef við fáum tvo menn inn í þessu kjördæmi er flott

[Ásdís Sigurðardóttir, 28.3.2007 kl. 23:44]

Vááá veistu kæra vinkona ég samgleðst þér svo sannarlega, mér hefur alltaf fundist Steingrímur algjört æði að hlusta á. Hann er eitthvað svo djö..... klár.

Gott gengi í komandi kosningum og vonandi gengur mér og mínum vel líka.

[Jenný Anna Baldursdóttir, 29.3.2007 kl. 09:41]

Jeje stelpur gaman að lifa.

Ásdís: Það er æðislegt þegar fólk getur látið andstæðinga njóta smmælis. Flottur eiginleiki.