HVAÐ ER Í GANGI?

Hér vaknar kona blásaklaus (eða eins saklaus og hún getur verið) að morgni og það er allt á kafi í snjó!  Á mínu almanaki er vorið alveg að koma.  Rosalega er ég þreytt á þessu vetrardæmi.  Annars held ég því fram að vera að ergja sig á veðrinu sé eitthvað það tilgangslausasta sem hægt er að dunda sér við.  Breytir engu um veðurfarið.  Við íslendingar erum alltaf svo hissa þegar veðrið er eins og það er.  Á sumrin erum við með alvörukröfur um hita.  Eins og það sé eðlilegt að ætlast til að fá suðrænt loftslag hér úti í ballarhafi. 

Ég ætla að hætta að velta mér uppúr þessu og reyna að einblína á það sem ég get gert eitthvað í. (Guð gefi mér æðruleysi....)

Síjú

Athugasemdir

[Hrönn Sigurðardóttir, 16.3.2007 kl. 11:40]

heheheh var einmitt að lesa Dúu dásamlegu þar sem hún dásamar snjóinn í hástert og vill meira.

Svona er nú smekkur manna misjafn.

Af mér er hinsvegar allt gott af frétta

[Jenný Anna Baldursdóttir, 16.3.2007 kl. 12:03]

Hehe við segjum það ljúfan. Var gaman í kaupstaðarferðinni Hrönnsl?

[Hrönn Sigurðardóttir, 16.3.2007 kl. 12:57]

úje, alltaf gaman í kauphöllum  Á leiðinni heim, lenti ég hins vegar í ævintýralegri hrímþoku, vissi eiginlega aldrei í hvaða ævintýri ég var stödd - fyrr en ég sá Hveragerði - þá vissi ég hvaða persónu ég lék í leikritinu

hehe