Allsber sannleikurinn

Glatað fyrir þennan náfrænda vinar míns, Erils Vandræðasonar, að koma í blöðunum þó hann hafi skroppið allsber í búð.

Krúttið, vona að hann láti sveppagróður í friði það sem eftir er.

En ég pæli oft í rosa furðulegum hlutum, kannski af því ég er stórfurðuleg sjálf, ég veit það ekki.

Ég las þessa frétt um nakinn manninn og fór að hugsa hvað hlutir væru í raun rangsnúnir og ólógískir ef maður veltir fyrir sér lífsins fyrirkomulögum.

Við fæðumst alsber - og höfum ekkert vit á að vera með einhver leiðindi yfir því.

Svo er okkur hent í föt til að halda á okkur hita og svo er okkur kennd blygðunarsemi.

Ekki má sjást í píkur, typpi né rassa.  Almáttugur minn á fjallinu.

Þetta er nakinn sannleikurinn og þannig er það nú bara.

Ekki að ég hafi uppi nein áform um að hætta að ganga í fötum, ónei, en það er vegna þess að ég er með fatablæti, fer ekkert án þeirra klæða sem ég hef komið mér upp með ærinni fyrirhöfn.

Hefur ekkert með neina blygðun að gera.

En hvað um það þegar ég var gelgja fékk ég martraðir á martraðir ofan um að ég væri allsber úti á götu.

Alveg: Mig dreymdi að ég væri í góðum fíling í Austurstræti (já þetta er dæmi, draumadæmi), í sól og góðu veðri og ég var komin að því að fara í Eymundsson eða Gevafótó, jafnvel á Hressó eða inn í London dömudeild (nei, lýg því, þar voru kerlingarföt).

Ég sem sagt labbaði þarna alveg heljarinnar spræk í draumnum og virti fyrir mér mannlífið.  Var alveg glöð með mig og var máluð og svona og dinglaði augnhárunum framan í mögulega kærasta, sem var urmull af í strætinu.  Ég var  í stuttu máli dropp-dedd-fokking-gjorgíus eins og alltaf.

Verður mér þá ekki litið niður á tærnar á mér og sé að ég er skólaus!

Nei, perrarnir ykkar ég var í fötum, en ég var skólaus!

Þetta var á tímum pattformaskóbúnaðar og buxurnar voru 15 cm. lengri út af því.

Ég stóð þarna sem sagt í Austurstrætinu skólaus með gallabuxurnar á eftir mér sem lækkun skóleysis nam.

Gallabuxnadregillinn náði aftur að Lækjartorgi - ég sver það svona nánast.

Jiminn má ég þá heldur biðja um að dreyma mig alsbera á árshátíð drykkjumannafélagsins í Hálfvitahreppi.

Það væri beinlínis léttir get ég sagt ykkur og ég lýg því ekki.

Farin í eftirmiðdagsbænir.

Úje.

Nakinn og til vandræða

Fýlupúkahreyfingin

 

Hm...

Nú hafa puntstráin þrjú rifið sig upp með rótum og gefið skít í grasrótina.

Þau kalla sig hreyfingu og hafa þá væntanlega brúarsmíði og andstöðu við opna umræðu sem sitt aðal baráttumál.

Svo má ekki gleyma sjúkdómsgreiningarhæfileikanum sem finnst á meðal þremenninganna sem er ekki vont að hafa á tímum kreppu þegar það kostar hvítuna úr augum fólks að leita sér lækninga.

Fýlupúkahreyfingin hefur litið dagsins ljós.

Ég sé reyndar ekki hvernig þau hefðu átt að gera þetta öðruvísi, enda búin að mála sig út í horn með barnalegri hegðun og frekjuköstum eftir að hafa orðið undir í lýðræðislegri atkvæðagreiðslu á landsfundi Borgarahreyfingarinnar.

Baklandið (tveir varaþingmenn að mér skilst, leiðrétti það fúslega ef það eru fleiri) mynda með þeim hreyfinguna.

Mikið skelfing er ég orðin leið á þessum uppákomum.

Þetta fólk brosir aldrei.

Þeim er alltaf svo stórlega misboðið.

Nú fer brúnin á þeim væntanlega að léttast.

Og vonandi fær þjóðin nú frið fyrir stöðugum drama- og fýluköstum þingmannanna í fjölmiðlum.

Og Borgarahreyfingin getur farið að starfa eðlilega.

Þingmenn koma og fara.

Þörfin fyrir grasrótina er hins vegar alltaf fyrir hendi.

Guð forði okkur frá fleiri stjórnmálamönnum "fólksins" sem eru á stöðugri sjálfshátíð.

Til lukku BH.

Klofningur í Borgarahreyfingu

"Svo þakklát að þið eruð til" - eða þannig

Ég er ein af þeim sem hafði töluverðar væntingar til Borgarahreyfingarinnar.

Þarna var fullt af fólki sem ég þekkti, mis vel reyndar, fólk sem ég hafði trú á.

Og svo var kosið.

Borgarahreyfingin náði fjórum inn á þing, ég þarf ekki að tíunda þá sögu.

Um leið og talningu lauk, úrslitin ljós og fagnaðarlátunum linnti hófst tímabil stöðugra óláta í friðarhreyfingu fólksins sem vildi eigna sér búsáhaldabyltinguna.

Já ég er að tala um þingmennina, ekki hinn almenna félagsmann í Borgarahreyfingunni.

Ég sá þá koma í pontu þremenningana (undanskil auðvitað Þráinn Bertelsson sem er fyrst og fremst trúr sinni sannfæringu og tekur ekki þátt í klíkumyndunum og knúsorgíum, þar sem fólk þakkar hvert öðru fyrir að vera til út í eitt.  Enda hrapaði hann snarlega af vinsældarlista hinnar heilögu þrenningar) og þeir skáru sig frá hinum almenna þingheimi með því að hreykja sér hátt, þeir voru öðruvísi, betri og göfugri, þeir frussuðu af vandlætingu yfir hinum glötuðu fjórflokkum.  Munur en þau.

En auðvitað voru þau hvorki betri né verri en aðrir, bara jafn breysk og hinir.  En þeir höfðu tækifæri til að vinna öðruvísi - sem þeir reyndar gerðu með öfugum formerkjum.

Ég tek fram að þannig horfði þetta við mér, eflaust eru mér margir ósammála, en ég get bara túlkað mína persónulegu upplifun.

Til að gera langa sögu stutta þá hefur aðdáun mín breyst töluvert í hina áttina og ætla ég ekki að nota stærri lýsingarorð um málið, enda alþjóðlegi kurteisisdagurinn í dag, hjá mér sko.

Almenningur hefur síðan fylgst með prímadonnuherferð heilagrar þrenningar á síðum dagblaða og annarra miðla nánast í beinni fram til dagsins í dag.

Nú neita þingmennirnir að beygja sig fyrir lýðræðislegum vilja þeirrar hreyfingar sem kom þeim á þing.

Þó tók steininn úr fannst mér þegar ég frétti að þeir hafi gengið út af fundi en tilkynnt að fólk mætti tala við þau þar sem þau voru í hliðarsal.

Hirðin veitti áhugasömum áheyrn.

Halló, hver ráðleggur þessu fólki?  Einhver með ógeðslega sjúkan húmor. Ésús minn í PR-mennskunni.

Hér skrifa þeir svo í Moggann í og subba út lýðræðislega kjörna stjórn hreyfingarinnar.

Mér finnst þetta bara svo dapurt.

Þeim verður tíðrætt um bakland, Margréti, Þór og Birgittu.

Ég held að þessi þrjú séu ágætis manneskjur sem hafi svolítið misst sjónar á upphaflegum markmiðum.

Þá hefði verið ágætt að hafa GAGNRÝNIÐ bakland en ekki fólk sem hefur sett þau á stall og ástundar tilbeiðslukennda jámennsku í stað uppbyggilegrar gagnrýni.

Í pólitík er það ekki svo "að sértu mér ekki sammála þá ertu á móti mér".

En það er bara mín skoðun.

Svo ætti það að vera Birgittu, Þór og Margréti ærið umhugsunarefni að nýleg skoðanakönnun sýnir að 93% þjóðarinnar treysta þingflokksformanni BH ekki nokkurn skapaðan hlut.

Nú, en af því það er hinn alþjóðlegi kurteisisdagur hjá mér þá sný ég þessu við og segi að 7% þjóðarinnar treystir Birgittu.

Áts.  Jafnvont.

Sorglegt og já ég er reið og sár yfir því hvernig komið er.

Aðallega vegna þess að þessi fíflagangur mun gera nýjum framboðum í framtíðinni erfitt um vik.

Hvernig á fólk að gleyma þessu rugli?

Óvíst um frekara samstarf

Varúð: Ekki fyrir viðkvæma og heilsutæpa!

Ég ætla ekki að blogga um Icesave í dag.  Ekki beint að minnsta kosti.

Icesave er heilsufarsvandamál hér og í nálægum löndum.  Áhyggjur og örvænting er pjúra lasleiki sem getur leitt til hjartaáfalla, þunglyndis og annarra vandamála.

En burt frá Icesave og að myndefninu sem fylgir með fréttum af þessu ógeðismáli.

Þessi mynd hér fyrir ofan er búin að birtast svona milljón sinnum (nei, ekki að ýkja) og ég sé í alvörunni rautt þegar hún dúkkar upp enn einu sinni og það ekki bara vegna hins rauða bakgrunns.

Þessi mynd er beisíklí stórhættuleg andlegri heilsu minnar og fjölskyldunnar allrar.

Talandi um að tóbaksreykingar séu hættulegar!  Kökubiti miðað við angistina og þunglyndið sem þetta óþolandi myndaofbeldi orsakar.

Þeir setja líka viðvaranir á tóbakið.

Ég vil þar af leiðandi með tilliti til hættulegs innihalds Icesave-frétta láta setja viðvörun á allar Icesavefréttir.

Varúð: Ekki fyrir viðkvæma og heilsutæpa.

Og þá er ég ekki bara að hafa áhyggjur af myndefninu þar sem þetta krúttlega hjarta gargar á mann í algjörum hortugheitum, heldur textann líka.

Icesave er bráðdrepandi andskoti.

Og svo mættu fréttastofurnar báðar sýna örlítið frjórri hugsun þegar kemur að myndefni þegar fréttir af Icesave, Kaupþingsklúðrum og fleiri kreppudæmum eru til umfjöllunar.

Þó ekki væri nema af hreinum mannúðarástæðum - ég segi ekki meira.

Icesaveskiltið í glugganum úti í London fær mig til að hugsa um hvort ekki megi rífa skiltið úr glugganum og demba því í hausinn á einhverjum útrásarníðingnum.

Hið eilífa skot af Kaupþingsfossaómyndinni í anddyri bankans gerir mig vitstola úr bræði.

Okei, ég ýki smá.

En þetta er samt svona um það bil nákvæmlega svona.

ARG.

 

Hugmyndir Breta og Hollendinga kynntar

Sikiley norðursins

Ég beið eftir einhverju þessu líku.

Þ.e. að maðurinn sem bjó til tengslanetið um fyrirtæki og einstaklinga yrði stoppaður af.

Það gerðist og svo var bara að bíða eftir útskýringunum.

Og nú koma þær.

Maðurinn er grunaður um upplýsingastuld.

Svo er eftirfarandi lætt með svona til þess að gera fyrirtæki mannsins dálítið ótrúverðugt líka:

„Þá hefur forráðamaður IT Ráðgjafar og hugbúnaðarþjónustunnar ehf. lýst nauðsyn á auknu gagnsæi með kortlagningu eigenda félaga og rekstrar þeirra. Í ljósi þess vekur það athygli að það félag hefur á hinn bóginn ekki virt skýr fyrirmæli laga um afhendingu ársreikninga undanfarin þrjú ár,“ segir í tilkynningu ríkisskattstjóra."

Fyrirgefið, en ég skal hengja mig uppá að það hefur verið tekin um það ákvörðun í hæstu hæðum að þessar upplýsingar sem forrit mannsins getur gefið megi ekki komast í umferð.

Súmí - en þannig held ég að það sé.

Andskotans Sikiley norðursins.

Grunaður um upplýsingastuld

Drami, drami, drami

Hvaða drami er þetta í Mogganum?

Ég gat ekki heyrt að það væri mikil vanlíðun í gangi ef marka má þá nágranna sem talað er við.

Reyndar held ég að enginn myndi svara því aðspurður að honum þætti frábært og spennandi að fólk væri að skvetta málningu á húsin í götunni í skjóli nætur.

Full mikil úr þessu gert finnst mér þó.

Ég er ekki að mæla eignaskemmdum bót svo fjarri því, en ég sit ekki hér með stjórnlausan ekka, tæti af mér neglur og augnhár með glóandi járntöngum veinandi af harmi út af málinu.

Dálítið langt frá því sko.

Hmprmf

Nágrönnum auðmanna líður illa

Flenging eina ráðið?

Ég stóð algjörlega með litla og stóra Bónus í Baugsmálinu skelfilega.

Goðsögnin um góðu kapítalistana hellaði mig algjörlega og rændi mig skynseminni og ég nánast grét yfir helvítinu honum Davíð sem lagði þessa góðu menn í einelti og notaði til þess íslenska dómstóla.

Ferlegt að þurfa að viðurkenna hvers lags auli maður getur verið þegar maður lætur öðrum um að segja sér hvað er rétt og hvað er rangt.

Davíð ER reyndar fullur hefndarþorsta og Jón og Jón Ásgeir GERÐU íslenskum heimilum stóran greiða á sínum tíma með opnun Bónusverslananna.

Afgreitt mál.  Þakkarræðu lokið.

Það skelfir mig að verða vitni að hrokanum í þessum græðgisfurstum öllum.

Ef þeir standa ekki í málarekstri við fjölmiðla fyrir að segja frá því sem gerðist á mannamáli,  þá eru þeir að svara með bullandi hroka og yfirlæti þessir dekurdrengir.

Jón Ásgeir er ok. á meðan hann á fyrir Diet Coke.

(Nú veit ég hvaðan hrokasafinn kemur, Þór Saari skiptu yfir í appelsín eða eitthvað).

Bjarni Ármanns telur fullkomlega óábyrgt að borga skuldir sínar.

Getur einhver tekið að sér að flengja þessa dekurdrengi?

Ég trúi ekki á ofbeldi en kannski er það eina sem dugir til að fá þá til að hætta að senda skuldpíndum almenningi fingurinn.

Myndræn flenging af einhverjum toga myndi lækka í þeim rostann.

Hvað þarf að gerast til að þessir menn átti sig á víddinni af afleiðingum græðgi sinnar og heimsku?

Urrrrrrrrrrrrrrr

Jón Ásgeir: Stenst enga skoðun

Jóhanna "okkar"

Ég taldi mig geta séð það fyrir og það ekki vegna meðfæddrar nú eða áunnar spádómsgáfu, að sá sem tæki við keflinu af Geir Haarde sem forsætisráðherra myndi ekki geta gert neitt rétt.

Það þarf ekki stjarneðlisfræðing til að reikna þetta einfalda reikningsdæmi upp á tíu plús.

Jóhanna er í glataðri stöðu verandi æðsta vald þjóðarinnar á slæmum tímum.

Nú veltir fólk sér upp úr því að það sé erfitt að fá viðtal við hana, einkum ef sá sem vill ná af henni tali er útlendur blaðamaður.

Það hefur auðvitað lítið að gera með málakunnáttu hennar ef nokkuð, hefur fólk ekki séð valdamenn heimsins (aðra en enskumælandi) nota túlka og það án þess að skömm þyki að?

Ég er viss um að ástæðan fyrir þögninni er ekki tungumálaörðugleikar.

Kannski bíður hún eftir því að hafa eitthvað að segja sem er að mínu mati ágætis tilbreyting frá símalandi jakkafötum sem blaðra um allt og ekkert, til hægri og vinstri, óábyrgari en blindfullur kókanínbarón á sterum.

Rannsóknir hafa sýnt að konur í pólitík eru varkárari en karlar og ég segi takk fyrir það.

Kannski að fólki vilji að Jóhanna taki "maby I should have" á útlendingana?  Ha?

Ég kaus ekki Jóhönnu en ég ber virðingu fyrir henni og sú virðing hefur ekki minnkað.

Fólk kvartar yfir að hún sé ekki allra, hún sé þungbúin, þurr og lítið skemmtileg í samskiptum.

Fyrirgefið, er fólk að biðja um skemmtikraft í ráðuneyti forsætis?

Á að hafa forsætisráðherra sem er ábyrgur á daginn og grillar á árshátíðum landans á kvöldin og fer með gamanmál?

Nei, ég veit ekki um neinn stjórnmálamann sem ég vildi heldur hafa en Jóhönnu og það stendur alveg þar til einhver betri kemur fram á sjónarsviðið.

Og hættið svo þessu væli.

Gó Jóhanna. 

 

Erfitt að fá viðtal við Jóhönnu

Farin í felur

Vá hvað ég vildi ekki vera í sporum Gunnars í Krossinum núna ().

Jesús verður örugglega brjálaður þegar hann les þetta.

Farin í felur.

Ætla að vera í öruggu vari þegar fagnaðarlætin bresta á.

Forstöðuhjón Krossins að skilja

Að kaupa sér fylgihluti

Um fræga og ríka fólkið gilda aðrar reglur en um hinn andlitslausa massa.

Það er staðreynd.

Svo getur manni fundist það gott eða slæmt allt eftir smekk og skoðunum.

Sko, Madonna, Jolie-Pitt-samsteypan, Elton, Bítlarnir og fólk af þessum kalíber býr í eigin heimi og það lýtur sínum eigin reglum.

Þetta er fólkið sem lætur loka Harrods í London ef það ætlar að kaupa sér inniskó.

Fólkið sem aldrei hittir neinn nema þá sem það ákveður að hitta, rekst sem sagt aldrei á fólk á kaffihúsi eða í bíó.  Aumingja fólkið, laun frægðarinnar (ég garga).

Þetta er fólk sem kaupir sér allt sem hugurinn girnist.

Líka börn.

Í gær langaði Elton John ekki í barn en í morgun hafði það breyst.

Sannið þið til, Elton fær sitt barn, á alveg sama einfalda mátann og hann lætur loka stórverslunum þegar hann kaupir sér gulrætur og tannkrem.

Flest af þessu fólki er eflaust ágætis fólk og verður gott við tökubörnin sín, ég efast ekki um það.

En það er engin trygging fyrir því og oftast fer þetta fólk framhjá venjulegu ættleiðingaferli, um það gildar aðrar reglur.

Ergó, allt getur farið á versta veg.

Alltaf þegar ég heyri af svona stingur það mig í hjartað. 

Það minnir mig á hversu skelfilega börn eru undirseld duttlungum fullorðinna og ég tala nú ekki um þau börn sem fáa eða enga talsmenn eiga.

Stundum þegar ég les um ættleiðingar "fína" fólksins þá hef ég á tilfinningunni að viðkomandi hafi fengið sér nýjan fylgihlut þegar barnið á í hlut.

Alveg: Hvort á ég að nota Channelveskið við dragtina eða krakkann?

Tek þó fram að ég veit ekkert um Elton John, þ.e. hvort hann verður gott eða slæmt foreldri.

Það er bara ekki málið.

Elton John vill ættleiða dreng