Ætla að gerast áskrifandi að Séð og Heyrt

Ég hef aldrei haft nokkurn áhuga á slúðurfréttum.

Kaupi ekki slúðurblöð, þau gera nákvæmlega ekkert fyrir mig.

Enda hef ég rekið mig á það að í íslensku samfélagi hefur fólk verið búið að gifta sig og skilja nokkrum sinnum án þess að ég hafi frétt af því og hlaða niður börnum líka á meðan ég svíf um í mínu áhugalausa ástandi gagnvart fræga fólkinu.

Mér hefur alltaf verið slétt sama hvort það hafi náðst nærmynd af píkunni á Britneyju Spears.

Eða hvort Lindsey Lohan er lessa, bíari eða einfrumungur.

Sem ég gæti alveg trúað sko, að hún væri einfrumungur, hún hagar sér að minnsta kosti eins og heilann vanti í sköpunarverkið.

Það hreyfir heldur ekki við mér hvort læknir Jacksons hafi sofið á meðan hann dó.  Maðurinn er dáinn og fólk deyr jöfnum höndum um allan heim og sumir hafa engan hjá sér, hvað þá sofandi, læknismenntaðan mann.

Mér kemur slúður ekki skapaðan, hræranlegan lifandi hlut við.

En nú ber svo við að ég lúsles slúðurfréttir netmiðlanna.

Ég meira að segja þakka Guði fyrir menn eins og Rayan O´Neal.

Hann er ógeðismaður sem reyndi við dóttur sína í jarðaför fyrrverandi eiginkonu.

Svo virðist hann hafa gefið ellefu ára syni sínum kókaín.

Kommon, hann er svona siðblindingi maðurinn sem ég elska að velta mér upp úr þessa dagana.

Af hverju?

Jú ég þekki hann ekki neitt, hann hefur ekki komið Íslandi og mér þar með á kaldan klaka.

Hann er algjörlega blásaklaus af útrásinni.

Ég fyllist ekki brjálæðslegri reiði sem gæti reynst mér hættuleg hefði ég aðra (suma) siðblindingja í kallfæri.

Þess vegna elska ég hann og allt hitt klikkaða fólkið.

Farin í símann.  Ætla að gerast áskrifandi að Séð og Heyrt.

Úje.

Raðmóðirin í USA hún Steinunn Ólína er komin með frábært blogg.  Kíkið hér.

O'Neal gaf 11 ára syni sínum kókaín

Athugasemdir

[Ibba Sig., 5.8.2009 kl. 13:26]

Híhí, miðað við þessa færslu hefurðu lesið allar helstu slúðurfréttirnar.

[Ásthildur Cesil Þórðardóttir, 5.8.2009 kl. 13:31]

 Góð.

[hilmar jónsson, 5.8.2009 kl. 13:45]

Klukk..

[Jenný Anna Baldursdóttir, 5.8.2009 kl. 13:46]

Ibba: Ég vann öfluga heimildarvinnu offkors.

[Guðrún Emilía Guðnadóttir, 5.8.2009 kl. 16:23]

Sama hér kaupi aldrei þessi blöð, engan áhuga, en Gísli minn ef hann kemst í þetta drasl, eig viðræðuhæfur.
Satt best að lesa um draslið, því maður getur þá hlegið að því.

[Steinunn Ólína Þorsteinsdóttir, 5.8.2009 kl. 16:53]

Sæl vinkona...ætla að fá þig í smá plögg jobb launalaust að sjálfsögðu...ertu ekki til að prómótera nýja bloggið mitt þar sem ég virðist í kjölfar þess að mér var sagt upp störfum hjá MBL vera persona non grata á moggablogginu...

www.thefuriousmindofaserialmom.wordpress.com

[Jenný Anna Baldursdóttir, 5.8.2009 kl. 17:23]

Ég setti link í þessa færslu og svo er hann til frambúðar á tenglalistanum mínum Steinunn Ólína.

Sögðu þeir þér upp?  Bölvaðir melirnir.

[, 5.8.2009 kl. 17:25]

Já hugsaðu þér ef ekki væru þessar kexrugluðu stórstjörnur. Þá væri ekkert frí frá ruglinu í okkar fólki. Yndislegt að geta velt sér uppúr athöfnum fólks sem skiptir mann engu máli.

[S. Lúther Gestsson, 5.8.2009 kl. 18:20]

Mér finnst það ætti bara að vera takmark hjá þér að komast í þetta blað.

[Steinunn Ólína Þorsteinsdóttir, 5.8.2009 kl. 22:45]

takk elsku Jenný!