Hressir ellilífeyrisþegar

Í síðustu færslu réðst ég á Vestmannaeyinga fyrir bölvað montið í þeim.

Gaman að þessu.

Elska að fara í taugarnar á fólki þegar þannig liggur á mér.

Einhver benti mér á að dissa Akureyri næst en ég bíð aðeins með það og ræðst nú á Húsdýragarðinn í staðinn.

Úje.

Reyndar er þetta í nösunum á mér en það er eitt sem ég hef verið að velta fyrir mér varðandi Húsdýragarðinn og Stuðmenn, hvort það sé ekki kominn tími á að uppfæra skemmtiatriðin þarna?

Þarna koma barnafjölskyldur og börnin þekkja hvorki haus né sporð á þessum jafnöldrum mínum í bandinu, sem eru reyndar alveg skemmtilegir og svona, en ég ímynda mér að þetta væri álíka gleði fyrir mig tíu ára að hlusta á Karl Julleby harmonikkuleikara og fyrir æsku Íslands að mæta í garðinn í gær.

Ég hefði gengið heim frá þeirri skemmtun.

Í gær voru börn spurð í fréttum hvort þau vissu hvað hljómsveitin héti og þau gerðu það auðvitað ekki enda svo ung að þau eru ekki farin að lesa Íslendingasögurnar. 

Reyndar sá ég þarna fólk undir fertugu í söngvarðasveitinni, flottur Stefán Karl og Eyþór, þannig að þetta var nú kannski ekki alslæmt.

Trúið mér þegar ég segi ykkur að ég er að hörmungajafna hérna svo Vestmanneyjafólkið fyrirgefi mér.

Á svo mikið af ættingjum og vinum í Eyjum, verð að sleikja þau upp sko.

En Stuðmenn eru ágætir.  Mér þykir vænt um þá.

Þeir eru ferlega hressir verðandi ellilífeyrisþegar og ekki orð um það meir.

Næst er það Akureyri.

Úje.

Stuðmenn héldu uppi stuðinu

Athugasemdir

[Hrönn Sigurðardóttir, 3.8.2009 kl. 10:41]

Ég flissaði illkvittnislega þegar stelpan hristi hausinn spurð hvort henni þætti gaman.........

....en ég hef heldur engan smekk fyrir Stuðmönnum!

[Birna Dis Vilbertsdóttir (IP-tala skráð) 3.8.2009 kl. 11:17]

hahahaha, ekki ég heldur.

[Jenný Anna Baldursdóttir, 3.8.2009 kl. 14:48]

Hehe, kunni ekki við að segja það en sumir eru orðnir svolítið þreyttir og síðustu aldar eitthvað.

[Ásthildur Cesil Þórðardóttir, 3.8.2009 kl. 15:24]

Það voru líka einhverjir ljótir hálvitar þarna líka skilst mér