Ykkar kona í hringiðunni

Halló, hvað er í gangi í forkeppninni í Júró í kvöld?

Svo margir keppendur falskir að það nístir í gegnum merg og bein.

Annað hvort hafa hljóðmennirnir dottið í það og sett Búlgarana á vaktina nú eða þá að raddir keppenda fara ekki vel í míkrafón.

Og hvað er þetta með vindvélina? 

Rólegir á henni.

Á að drepa keppendur, láta þá verði úti á sviðinu?

Það eru minnst 15 vindstig á sviðinu, hár stendur beint aftur, það fjúka pils upp í klobba og ég bíð eftir að einhver hendist fram í sal.

Nóg í bili, er upptekin í að fylgjast með.

Ykkar kona í hringiðunni.

Ég sverða.

Athugasemdir

[María Guðmundsdóttir, 14.5.2009 kl. 21:07]

 segdu!! og thá thessir kynnar  bara verd ad taka pissupásu i hvert sinn sem thau koma á skjáinn,annan eins hroda hef ég ekki séd lengi...og oft hefur thad nú verid skrautlegt

[Sigrún Jónsdóttir, 14.5.2009 kl. 21:16]

15 vindstig!

Við getum þá haldið keppnina utandyra á næsta ári;)

[Ía Jóhannsdóttir, 14.5.2009 kl. 21:18]

Ertu að horfa á Eurovision?!!!!!!!  Man ekki betur en þú hafir sagt hér og skrifað að þú hataðir þessa sýningu!!!!!  Heheheh svo situr þú bara negld ofan í kolrugluðu liði sem ekki einu sinni heldur lagi! 

Ertu ekki bara að grínast í okkur? 

[Jenný Anna Baldursdóttir, 14.5.2009 kl. 22:07]

Ég elska að hata Eurovision.  En ég mjútaði nánast öll lögin í kvöld

Þetta var svo skelfilega falskt.

Hahahaha.

[Hrönn Sigurðardóttir, 14.5.2009 kl. 22:10]

Þetta var meira svona keppni í heppni....

[Lilja Guðrún Þorvaldsdóttir, 14.5.2009 kl. 22:41]

Ég trúi því ekki að þú hafir nennt að sitja yfir Eurovision, ja dugleg ertu ég meina það. - Ég fór á frumsýningu hjá útskriftarhópi dansaradeildar Listaháskólans.  Algjörlega mögnuð sýning, og þvílíkur hópur af úrvalsdönsurum. Þau voru svo flott, og svo góð. Þetta er fyrstu dansararnir sem útskrifast með BA gráðu í dansi frá Listaháskóla Íslands. Hugsaðu þér Jenný Anna 3 nemendur af 6 manna hópi voru á starfsamningi hjá erlendum leikhúsum s.l. vetur, mikið megum við vera montin af gæðum skólans. 

[Eygló, 14.5.2009 kl. 22:45]

Fann sárlega til með sumum þarna; þeir voru ekki svona falskir á kynningarmyndböndunum.

Kynnarnir eru fáránlegir en þeir syngja þó ekki svo mér er sama.

Flestir reka upp aðra eða báðar lúkurnar í kóreógrafíunni, meira og minna út allt lagið. Svo kemur vindvélin með 42 m/sek í hviðum. Er þetta ekki bara til að þurrka stresssvitann undan höndunum á þeim?

Æi, það er gaman að þessu.

[Sigurður Þór Guðjónsson, 14.5.2009 kl. 23:25]

Í kvöld hafði ég sjónvarpið á lægsta styrk og horfði bara smávegis þegar verulega sætar stelpur sáust á sviðinu en var annars að lesa um niðurstöður ískjarnaboranna á Grænlandi. Menn eiga að lifa lífi sínu gagnlega og göfuglega.

[Jens Guð, 14.5.2009 kl. 23:53]

  Ég var svo heppinn að vera í hópi þeirra 20% Íslendinga sem létu evróvisjón fram hjá sér fara.  Eitt sinn var ég staddur í Þyskalandi þegar úrslitakvöld evróvisjón fór fram.  Ferðafélagar mínir vildu fylgjast með þessum viðbjóði.  Mér til gleði settu Þjóðverjar upp spurningamerki þegar ferðafélagarnir spurðu út í evróvisjón.  Að lokum sagði einn Þjóðverji að hægt væri að fylgjast með fyrirbærinu á hommaklúbbum.  Það þótti mér fyndið því ferðafélagarnir voru ekki á þeirri línu.

[Jón Bragi (IP-tala skráð) 15.5.2009 kl. 05:19]

Snakka om att hamna i blåsväder :)

[Jón Bragi (IP-tala skráð) 15.5.2009 kl. 05:22]

Og hún Carola mín blessunin er líka alltaf alveg dæmalaust óheppin með veður þegar hún er á sviði.

[Ásthildur Cesil Þórðardóttir, 15.5.2009 kl. 08:50]

Stundum geturðu alveg drepið mann Jenný, ég hló svo ég valt niður af stólnum............................. næstum því  ég hló inn í mér. 

En svona í alvöru ég hef gaman af að fylgjast með þessari skemmtun, lít á þetta meira sem skemmtiatriði, hér í gamla daga á öllum skemmtunum var alltaf svona skrautsýning sem kölluð var, þar var stillt upp einhverjum fallegum konum og körlum í fallegum búningum með teiknuðum trjám og blómum.   Þetta er svona skrautsýning nema bara hún er með tali og tónum.

Ég er samt sammála því að hér etur hver upp eftir öðrum með handauppréttingum og vindhviðum.  Karlkynnirinn var allur yfir og ofan í kvenkynninum.  Ég var einmitt að hugsa, skyldi hún þola þetta káf og kossa endalaust. 

En okkar kona stóð sig frábærlega vel að mínu mati.

Takk fyrir Jenný mín hláturinn lengir lífið.

[Guðrún Emilía Guðnadóttir, 15.5.2009 kl. 09:01]

Erta að meina það, á vaktinni, verð víst bara að sætta mig við
sko það eru allir allt í einu alveg snar, við vinnumeins og maður hafi nú ekki heyrt þetta áður.

[Jenný Anna Baldursdóttir, 15.5.2009 kl. 10:35]

Æi þið eruð svo skemmtileg.

Lilja Guðrún: Við getum svo sannarlega verið stolt af ungu listamönnunum okkar og skólanum.

Takk öll

[Sólveig Sigurðardóttir (IP-tala skráð) 15.5.2009 kl. 18:21]

Mér finnst frábært að þú elskir að hata Eurovision og fylgist þar af leiðandi betur með keppninni en þeir sem hafa enga skoðun í keppninni. Ég er einn af aðdáendum keppninnar, finnst ótrúlega gaman að fylgjast með gef stig fyrir söng, lag, búninga og framkomu.

Þetta er náttúrulega bara algjört show, þvílík hallærislegheit hjá hinum ýmsu keppendum (sbr. Úkraína sem er með atriði sem ætti að vera bannað börnum) og kynnarnir algjörlega að drepa mig, barbídúkka og einhver hallærsgaur sem virtist ætla að éta dúkkuna (þau eru samföst á mitti svei mér þá). Þar að auki þá tala þau ensku með svo sterkum hreim að ég var stundum ekki viss hvort þau væru að tala rússnesku eða ensku (hefði nú haldið að í Rússlandi væri hægt að finna fólk sem talar sæmilega lýtalausa ensku og þykir samt sem áður nógu fallegt til að geta verið kynnar).

Lengi lifi Eurovision :)