Skýrt val - takk

Ég fagna því að Sigmundur Davíð greini nú frá því að honum og Framsókn hugnist vinstri stjórn.

Fínt þegar pólitíkusar segja hvað þeir vilja svona til að auðvelda kjósendum þrautina, nóg er nú samt í þessum rústum hrunsins sem þarf endalaust að vera að spá í án sýnilegs árangurs.

Ég held nefnilega að öll þjóðin sé eitt gangandi spurningamerki frá morgni til kvölds í kreppunni.

Sigmundur Davíð er nokkuð harður á því að Framsókn vilji til vinstri.

Sko, ef félagshyggjuflokkarnir hafa áhuga, sem hann reiknar fastlega með.

Svo skáskítur hann augunum á blaðamanninn og bætir við eitthvað á þá leið; að ef ekki sé áhugi fyrir maddömunni á vinstri heimilinu, þá komi íhaldið til greina.

Sko það er þetta sem ég þoli ekki við íslenska pólitík.

Ekki loka dyrum, ekki útiloka möguleika, ekki gera hlutina auðveldari fyrir kjósendur.

Ekki hafa skýrt val og standa síðan og falla með því.

Valdið, eilíflega valdið sett í fyrsta til tíunda sæti.

Nú eiga flokkar og samtök að ganga bundnir til kosninga.

Ekki að hafa friggings flokka til þrautavara ef annað klikkar.

Vill vera í vinstri stjórn

Athugasemdir

[hilmar jónsson, 5.3.2009 kl. 16:55]

Framsókn er og verður pólitísk gleðikona. Ekkert sem bendir til þess að það sé að breytast.

[, 5.3.2009 kl. 16:58]

hægri vinstri tja tja tja

[Hilmar Gunnlaugsson, 5.3.2009 kl. 17:13]

Sigmundur Davíð er sá leiðtogi sem Framsóknarmenn hafa alltaf þurft. Ungur og uppfullur af nýjum hugmyndum sem snúast ekki allar um að höfða eingöngu til bæjarstéttarinnar. Með Sigmund Davíð sem leiðtoga hefur Framsóknarflokknum aftur tekist að stækka lítillega og vinna sér traust almennings. Sigmundur ætti þó að gera eins og Steingrímur J. lagði til á sínum tíma, að vinna að þjóðstjórn sameinaðra flokka hægri og vinstri manna sem munu hefja viðreisn íslands.

[Hilmar Gunnlaugsson, 5.3.2009 kl. 17:29]

bóndastéttarinnar átti það að vera.

[Ásthildur Cesil Þórðardóttir, 5.3.2009 kl. 17:32]

Framsókn verður alltaf sú sama opin í báða enda, hún var stofnuð af Jónasi frá Hriflu einmitt til þess að vera alltaf ofaná hver sem fengi meirihlutann, þá væri þessi litli flokkur punkturinn yfir iið, eina sem þarf til að stoppa hann er að hann hverfi af þingi.

[Sigrún Jónsdóttir, 5.3.2009 kl. 17:35]

Þá vitum við að maðurinn er Framsóknarmaður.....allt opið

[Anna , 5.3.2009 kl. 17:44]

Er hann með nýjar hugmyndir eða er hann bara að fylgja straumnum?

[Finnur Bárðarson, 5.3.2009 kl. 17:54]

ég batt vonir við Framsókn í byrjun. En tortryggnin vex með hverjum degi. Höskuldur ýtti þessum flokki út af borðinu í mínum huga a.m.k.

[Helga Magnúsdóttir, 5.3.2009 kl. 18:33]

Kannski að Framsókn vilji gera nýtt hræðslubandalag?

[Soffía Valdimarsdóttir, 5.3.2009 kl. 20:00]

Eitt sinn hóra ávallt hóra!

[Erna Kristín (IP-tala skráð) 5.3.2009 kl. 20:28]

Held samt að allt of margir í Framsókn muni hvað Sjálfstæðisflokkurinn hafði slæm áhrif á þá eftir síðasta samlífi.  Flokkurinn næstum hvarf og var látin taka alla skandala á sig.  Ég held í þá von að það að slíkt geti endurtekið sig komi í veg fyrir endurnýjun þeirra heita.

Er persónulega loksins farin að finna til vonar um breytingar með tilkomu Borgarahreyfingarinnar.