Leiðréttist strax

Vildi einhver vera svo vinsamlegur að leiðrétta biðlaunaruglið strax og það helst fyrir hádegi.

Hvað er verið að borga fólki í fullri vinnu biðlaun í sex mánuði?

Fólki sem er að vinna á sama vinnustað, í sama herbergi á þokkalegum launum?

Það er eins og að þeir sem bjuggu til þetta launafyrirkomulag hafi verið á hugbreytandi efnum.

Vinsamlegast gerið eitthvað núna.

Við höfum ekki efni á þessum fíflaskap.

Verða á launum út febrúarmánuð

Athugasemdir

[Ásthildur Cesil Þórðardóttir, 3.2.2009 kl. 10:06]

Hef einmitt verið að leiða hugan að þessu undanfarið. 

[Brjánn Guðjónsson, 3.2.2009 kl. 10:14]

já, en sko. sjáðu.

áður boruðu þau í nefið í vinnutímanum.
nú bíða þau og bora í nefið.

[Björn Birgisson, 3.2.2009 kl. 10:28]

Lengi fram eftir aldri hafði ég aldrei heyrt orð eins og Biðlaun og Starfslokasamningur. Þau tilheyrðu ekki íslensu tungutaki fyrr en fyrir fáum áratugum. Komu upp á yfirborðið um svipað leyti og "íslenskur stjórnmála- og auðmannaaðall" hóf að skammta sér óhófið.

[Gísli Baldvinsson (IP-tala skráð) 3.2.2009 kl. 10:34]

Biðlaun bíða sjallana
bölva þeir í hljóði.
Farnir eru "fall la la"
féllu í eigin blóði.

[Ragnheiður , 3.2.2009 kl. 10:47]

Tek undir með Birni, þetta voru orð sem maður hafði aldrei heyrt !

Meira ruglið en ég legg til að við skrifum hjá okkur Jenný, hverjir afþakka biðlaun og aukasporslur og höldum því til haga inn í kosningavorið

[Jenný Anna Baldursdóttir, 3.2.2009 kl. 10:49]

Björn: Sammála.

Gísli: Flott vísa.

Ragga: Já gerum það.  Höldum öllu til haga.

Brjánn: Góður.

Ásthildur: Þetta er ótrúlegt og hefur ekkert með raunveruleika venjulegts fólks að gera.

[Gummi Kalli, 3.2.2009 kl. 11:08]

Það er líka alveg grátlegt hvað þetta eru stjarnfræðilegar upphæðir. Og með ólíkindum að þetta skuli viðgangast í opinberum störfum. Starfsloka samningar sem verið er að tala um að seðlabankastjórar eiga að fá gefa manni klökk í hálsinn. Þetta eru upphæðir sem geta veitt 10 manns starf í heilt ár!