Krúttfærsla

Jenný Una gisti hjá okkur í nótt.

Það var gefandi og skemmtilegt eins og alltaf.

Félagsskapur barna toppar allt, svona oftast nær að minnsta kosti.

Ég held að Jenný Una sé svolítið að læra um fjölskyldutengsl.  Eins og hennar er von og vísa þá er afi í Keflavík pabbi hennar mömmu.  Farmor og farfar í Svíþjóð eru núna aðeins nefnd á nafn sem pabbi hans pabba og mamma hans pabba.

Svo sló hún mig algjörlega út af laginu í morgun og ég brjálaðist úr krúttkrampa þegar hún sagði hneyksluð á svip og í fasi (með hendur á mjöðmum):

Amma, veistu hvað?  Hún dóttir þín keypti allt of mikið nammi handa mér í gær og líka handa Söru Kamban!

Ég (algjörlega útúrhneyksluð líka): Ertu að meina þetta?  Gerði dóttir mín þetta virkilega?

Jenný Una: Já og hún fór líka með mig á bibbótekið (bibiliotekið) en það þýðir bókasafn á sænsku amma.

Ji hvað ég á stundum erfitt með mig nálægt börnum.  Langar að knúúúsa.

Stuttu seinna var Jenný Una búin að teikna margar myndir og bað mig um að hringja í DÓTTUR MÍNA og biðja hana að ná sig  "því ég nenni ekkert að vera meira há þér af því afi minn sefur allan daginn og vinnur í nóttinni."

Það er nefnilega það og auðvitað hringdi ég í dóttur mína og bað hana að koma og ná í dóttur sína og fara með hana heim til sonar síns litla og pabba hans og blóðföður þeirra beggja.

Ésús minn.

Ef þetta bjargar ekki lífi manns í kreppunni þá veit ég ekki hvað.

 

Athugasemdir

[Jóna Kolbrún Garðarsdóttir, 12.1.2009 kl. 00:33]

 

[Karl Tómasson, 12.1.2009 kl. 00:36]

Og mikið er stúlkan falleg með bleiku tertuna alsæl.

Bestu kveðjur úr Mosó kæra Jenný Anna frá Kalla Tomm.

[, 12.1.2009 kl. 01:32]

Já þau geta alveg drepið mann úr krúttugangi þessi blessuð börn

[Einar Örn Einarsson, 12.1.2009 kl. 02:11]

[Jónína Dúadóttir, 12.1.2009 kl. 06:54]

[Huld S. Ringsted, 12.1.2009 kl. 07:42]

[alva (IP-tala skráð) 12.1.2009 kl. 08:15]

Láttu það bara eftir þér að knúúúsa :) Já hún er sko voðalega mikið krútt þessi stelpa :)

[Soffía Valdimarsdóttir, 12.1.2009 kl. 09:12]

Þetta er lifið

[Hildigunnur Rúnarsdóttir, 12.1.2009 kl. 12:20]

sonur minn á það til að kalla á okkur foreldrana með skírnarnöfnum í stað þess að segja mamma eða pabbi. Mér finnst það alltaf jafn fyndið.

[Edda Agnarsdóttir, 12.1.2009 kl. 17:49]

Sykursætt

[Jenný Anna Baldursdóttir, 12.1.2009 kl. 17:56]

Börn eru algjörlega óborganleg.

Hildigunnur: Mínar eldri gerðu þetta stundum. Mér fannst það líka alltaf jafn fyndið.