Af flugfreyju, trylltum barnahóp og samtölum án krepputals

Ég fór í barnaafmæli þar sem ég hitti fullt af skemmtilegu fólki á öllum aldri.

Við töluðum ekki um kreppuna aldrei þessu vant enda allt fullt af börnum sem stukku um stofur í mögnuðum leikjum og það heyrðist í þeim.

Þess vegna brostum við eiginlega bara til hvors annars enda ekki hægt að heyra mannsins mál fyrir alls kyns spennandi leikhljóðum.

Á leið heim frá Stokkhólmi í gær horfði Jenný Una lengi á flugfreyjuna, alvarleg og hugsandi á svip.

Svo sagði hún:

Flugfreyja, þú ert mjög falleg kona.

Takk, sagði flugfreyjan og brosti fallega.

Jenný Una: Og svo ertu líka svo mjög fín.

Flugfreyjan: Takk elskan, þú ert líka fín.

Jenný Una (alveg; hvað er að konunni er hún blind?): Nei, érekki fín ér í gallabuxum.

En á morgun verð ég fín heima há mér.

Og það gekk eftir.  Afmælisbarnið sem hélt sína síðbúnu afmælisveislu með litlabróður (23. des. og 30. des), var í prinsessukjól og prinsessuskóm og á bakinu skartaði hún álfavængjum.

Amman bakaði hvíta prinsessuköku með silfurkúlum og kerti.

Hamingja barnsins var fullkomin.

Og þar með ömmunar líka.

Litli bróðir sem er alltaf glaður og ánægður breytti ekki út af vananum og skemmti sér konunglega enda orðinn eins árs.

Honum fannst skemmtilegast að leika sér með pappírinn utan af gjöfunum sem þau systkini fengu, innihaldið fékk að bíða betri tíma.

Athugasemdir

[Helga Magnúsdóttir, 4.1.2009 kl. 19:04]

Vá, er hann Hrafn Óli orðinn eins árs? Ekki hélt að hann væri orðinn svona stór og ég búin að blogga svona lengi. Til hamingju með barnabörnin sem eru alveg til háborinnar fyrirmyndar.

[Hrafnhildur Ýr Vilbertsdóttir, 4.1.2009 kl. 19:20]

já börnin eru til háborinnar fyrirmyndar.. jeminn hvað Jenný hefur verið flott með vængina, var þetta nokkuð kaka með gamla góða frosting kreminu? er að drepast úr forvitni því þetta hljómar eitthvað svo flott.

[Jenný Anna Baldursdóttir, 4.1.2009 kl. 19:58]

Jabb, frosting old time

TYaskk stelpur

[Ásdís Sigurðardóttir, 4.1.2009 kl. 20:15]

Innilega til hamingju með barnabörnin þín 

[Sunna Dóra Möller, 4.1.2009 kl. 21:00]

Ég dáist að fólki sem getur farið í gegnum heilt boð án umræðna um kreppur....sé það fyrir mér í fjarlægum draumi að geta farið að blaðra aftur áhyggjulaus um einskis nýta hluti sem samt eru svo mikilvægir !

Til hamingju með barnabörnin þín Jenný !

[Laufey B Waage, 4.1.2009 kl. 21:02]

[Solveig (IP-tala skráð) 4.1.2009 kl. 21:26]

Sálarbætandi að umgangast, hlusta á og lesa um (ömmu)börn, mín sem annarra. Viss um að einlægt hrósið hefur létt flugfreyjunni lífið þennan vinnudaginn.

[Brjánn Guðjónsson, 4.1.2009 kl. 21:29]

mér finnst þú líka svaka fín. ég líka. þó er ég í gallabuxum.

[Birna Guðmundsdóttir, 5.1.2009 kl. 14:43]

það er svona blogg sem fær mann til ad brosa og finnast veröldin yndisleg!!  Yndisleg ömmubörnin þín og þú sjálf ert alveg ágæt