Í annað skiptið Arnaldur

 

Ég bloggaði um þá stórsnjöllu hugmynd mína um daginn að lesa sig út úr kreppunni.

Það gengur ágætlega hjá mér þakka ykkur kærlega fyrir.

Í gær gleypti ég Arnald Indriðason í einum ljúfum bita.

Ég er ekki ein af þeim sem upptendrast yfir krimmum, en ég skrifa upp á að þeir eru fín dægrastytting og þar kemur Arnaldur sterkur inn.

Ég hef gert mig seka um skammarlegan glæp (úje) en þetta er önnur bókin eftir Arnald sem ég les. (Skömm að þessu, þetta er eins og að hafa fyrst farið í bíó á miðjum aldri eða eitthvað).

Hin var Harðskafi - mér fannst hún fín, hvorki meira né minna.

Myrká hélt mér hins vegar fanginni.  Hún er svo skrambi trúverðug. 

Mér er sagt af fólki sem veit að Myrká sé besta bók Arnaldar til þessa og ég trúi þeim.

Þessi er fín í pakkann.  Spenna, glæpir og flott plott sem ganga upp klikka ekki á jólunum.

Í bók sko, svo er raunveruleikinn allt önnur Ella sem enginn skyldi sitja uppi með á jólunum.

Lesa svo - ein á dag við kreppu, óáran, vondum stjórnvöldum og öðrum óþverra.

Arnaldur þú ert búinn að skrifa þig inn á mig.

Takk fyrir það.

Sjá nánar.

Myrká er efst

Athugasemdir

[Ía Jóhannsdóttir, 3.12.2008 kl. 09:03]

Góðan daginn Jenný.  Er búin að panta bókina frá Jóla. Hlakka til að eyða einum degi með honum milli jóla og nýárs, ekkert svona,  ég meina Arnaldi en ekki Jóla.

[Ásdís Sigurðardóttir, 3.12.2008 kl. 10:47]

Ég skora á þig að leisa einhverjar af eldri bókunum hans og ég hugsa að þú myndir fíla twistið í Bettý, hún er spes.  Eigðu ljúfan dag elskan.

[Kristín Katla Árnadóttir, 3.12.2008 kl. 10:53]

Bækur hann eru allar góðar, en ég vona að fá þessa í jólagjöf.

Kær kveðja.

[Berglind Inga, 3.12.2008 kl. 12:04]

Sammála Ásdísi Sig., þú verður að lesa fleiri eftir Arnald. Bettý eins og hún nefnir er góð og svo eru Synir duftsins ein af mínum uppáhalds.

EN maður má ekki lesa auglýsingar frá forlögum án þess að sjá ummæli frá þér. Ég ætla að vona að þú fáir afslátt af bókum

[Jenný Anna Baldursdóttir, 3.12.2008 kl. 12:23]

Ég les mikið.  Ég blogga  BARA um bækur sem ég hef ánægju af en sleppi hinum.  Það er vegna þess að ég er almennur lesendi en ekki gagnrýnandi.

Ég fæ stundum ágætis afslátt.