Gleði mín og sorgir

 

Í dag hef ég verið sullandi glöð.

Það er vegna þess að ég er að lesa bókina um hana Möggu Pálu vinkonu mína. 

Það gleður mig.

Ég hitti skemmtilegt fólk í dag.

Það gladdi mig.

Svo kom minn heittelskaði heim úr matvörubúðinni og upp úr pokanum tók ég líter af mjólk og hann var jólaskreyttur. 

Ég nánast fríkaði ég út af gleði.

Svo einföld sál hún Jenný, gleðst yfir litlu.

Svo kom ein helvítis klósetthreinsiauglýsingin enn á milli frétta og Kastljóss..

og það rændi gleði minni og sorgin tók yfir.

Eða klígjan ef ég á að vera hreinskilin - en sorg er flottara orð á prenti.

En ég var snögg að jafna mig því eins og ég sagði áður þá er ég einföld sál.

Núna hjala ég við sjálfa mig svona líka urrandi glöð.

Þið ráðið hvort þið trúið mér.

En ég hef fullan hug á að stefna hreinlætisvöruframleiðendum sem sýna ógeðsleg klósett í nærmynd.

Djöfuls pervertar.

Ojabjakk en annars góð bara.

Athugasemdir

[Greta Björg Úlfsdóttir, 14.11.2008 kl. 21:45]

Síðustu fréttir herma, ef ég hef skilið rétt, að brátt muni auglýsingafargan heyra fortíðinni til í ríkisfjölmiðlum.

Fínt hvað sjónvarpið varðar, hins vegar hefur mér alltaf fundist viss sjarmi yfir að fá auglýsingar á gömlu gufunni, lesnar með þægilegum röddum þulanna.

Hver sem er kominn til vits og ára man ekki eftir umframþunganum og hláturskasti Ragnheiðar Ástu?

[Heiða B. Heiðars, 14.11.2008 kl. 21:55]

Ég hlýt að vera svona ung...man ekki eftir því :)

[Greta Björg Úlfsdóttir, 14.11.2008 kl. 22:02]

He, he, nei Heiða,...það eru bara við forngripirnir sem munum eftir þessu

[Hrönn Sigurðardóttir, 14.11.2008 kl. 22:08]

Man ekki eftir því heldur........ ;)

En svakalega er ég glöð að þú ert svona einföld sál Nenna mín! Kaupirðu fötin þín líka hjá Sævari Karli?

[Greta Björg Úlfsdóttir, 14.11.2008 kl. 22:16]

Best ég upplýsi:

Ragnheiður Ásta Pétursdóttir var ólétt, það vissi víst öll þjóðin, og fékk þvílíkt hláturskast þegar hún las auglýsingu frá heilsuræktarstöð sem bauð konum að koma og losna við "umframþungann" að hún varð að fá annan til að taka við lestrinum, eftir vonlausar tilraunir til að halda lestrinum áfram.

Verum glöð...eins og Jenný

Jólin koma samt...og vorið...og allt soleis...þrátt fyrir kreppu...ennþá að minnsta kosti...það er ekki kominn heimsendir...strax. ...já, já.

[Heiða B. Heiðars, 14.11.2008 kl. 22:19]

Ég er voða glöð...enda með fullann munninn af franskri súkkulaðitertu!!

[Linda Linnet Hilmarsdóttir, 14.11.2008 kl. 22:32]

Knús kveðjur og góða helgi elsku Jenný mín

[Hrönn Sigurðardóttir, 14.11.2008 kl. 22:49]

Heiða! Vertu ekki að tala með fullan munninn....

[Ásdís Sigurðardóttir, 14.11.2008 kl. 23:38]

Ertu ekki að meina Möggu Pálu Hjalla?? hún er snillingur og ekkert annað, landið væri ríkt að eiga fleiri konur eins og hana.

[Birna Dis Vilbertsdóttir (IP-tala skráð) 14.11.2008 kl. 23:51]

Ég man eftir umframþunganum hennar Ragnheiðar Ástu .Ég var vinnumaður í sveit 15 ára og var að gera hreint þegar auglýsingin með umframþungan var lesin eða átti að lesa hana.Konan hló svo mikið að hún gat ekki lesið eða talað.

[Ester Júlía, 15.11.2008 kl. 00:06]

Þú ert yndisleg!  Einlæg í skrifum og orðin lifandi.  Eigðu frábæra helgi

[Solveig (IP-tala skráð) 15.11.2008 kl. 00:47]

Hvað SEGIR klósettið þitt um þig? Ef eitthvað er "turn-off" í auglýsingu! Ef klósettið mitt færi að röfla eitthvað um mig og mitt fólk yrði því snarlega hent lengst út í hafsauga! Oh! hvað ég skil þig, þoli ekki myndina sem gefin er af konum, með nefið ofan í skálinni, mælandi út skítarandir. Fyrirgefið, við erum að hugsa um annað og merkilegra. Þetta (skíturinn)er tekið með annarri hendinni, án þess að hugsa og "brandið" skiptir ekki máli. (Afsakið langa færslu, var mál ;)

[Jón Steinar Ragnarsson, 15.11.2008 kl. 04:30]

Ég myndi styðja allsherjarbann við auglýsingum, permanently, þó ekki væri nema bara til að losna við Elsu Lund og Skúla Rafvirkja að auglýsa eilífa hlélausa útsölu hjá ZikZak.  Það er gersamlega að færa mann úr límingunum.

[Jónína Dúadóttir, 15.11.2008 kl. 06:11]

Það er gott þú ert glöð

[Hildur Helga Sigurðardóttir, 15.11.2008 kl. 08:43]

Muna ekki allir eftir dömubindaauglýsingunum með bláa blóðinu ?

Greinilega bara úr Bretadrottningu...

Nú er kominn tími á að selbitast, Jenný mín 

[María Guðmundsdóttir, 15.11.2008 kl. 08:57]

gott ad vera gladur, enn betra ef madur getur gladst yfir litlu  en mikid er ég sammála med thessar klósettauglýsingar...úff...

hafdu góda helgi Jenný

[Jenný Anna Baldursdóttir, 15.11.2008 kl. 11:48]

Hehe þið eruð frábær.

Hildur Helga: Já okkur sárvantar eitthvað um selbita.