Ef ég dey - nú þá dey ég - lifið með því

Ég hef fengið svo mörg brjálæðisköst um ævina vegna köngulóa að ég held að ég sleppi því núna.

Skrýtið hvað "úlfur, úlfur" heilkennið hittir mann stundum fyrir.

Ég er búin að fabúlera um það margoft á blogginu hvað ég myndi gera ladídadída ef ég gengi fram á eitraða óskapnaði í köngulóarformi og lýsa því fjálglega.

Núna, hins vegar, þegar innrás ógeðanna er hafin þá nenni ég ekki að garga, nenni ekki að hoppa hæð mína og nenni ekki að gúggla viðbjóðinn til að kanna með einkenni af biti frá viðkomandi langlöpp og hvernig á að bregðast við þeim.

Það er af sem áður var, mér er virkilega að förlast.

Einu sinni rétt áður en ég flutti til Íslands frá Gautaborg fór ég að hitta vin minn á kaffihúsi í hádeginu.  Ég keypti mér GP til að lesa á meðan ég beið.  Á forsíðunni var mynd af Tarantúllu sem hafði sloppið úr búri hjá löggunni, að mig minnir.  Ég hoppaði nánast upp á borðið þarna inni í kaffihúsinu og um mig fór þvílík skelfingarbylgja og mér leið eins og hún hefði farið rakleiðis að leita að mér haldin einbeittri þráhyggju á minni persónu.

Og ég gat varla horft á Charlotte´s web með henni Jenný Unu út af þessum köngulóartryllingi.

Ótrúlegar svona fóbíur.

Þegar ég las þessa frétt þá hugsaði ég - fóbíu minni trú - nú hafa ættingjar þessarar þarna í Reykjanesbæ verið sloppnar á undan henni í bæinn.

Og það fór um mig hrollur og mig klæjaði út um allt.

En svo nennti ég ekki að vera með læti.

Ég er orðin svo leið á sjálfri mér veinandi og gargandi með líkurnar 1/trilljón eða nánast.

En ef þær koma - þá dey ég. Dílvitðit!

Það er ekki öðruvísi.

En þá verða ansi margir hryggir.  Ég er svo unaðslegur persónuleiki.

Liggaliggalá.

Risakönguló í Reykjanesbæ

Athugasemdir

[Ía Jóhannsdóttir, 5.9.2008 kl. 22:47]

Heheheheh....  Kogguló kogguló koddu með mér í berjamó  kemur ekki til með að bögga mig í nótt.  Hvurslags er þetta kona !

Frábær færsla ,er farin að halla mér.  Stórt knús inn í nóttina.

[Jónína Dúadóttir, 5.9.2008 kl. 23:02]

Góða nótt þú unaðslegi persónuleiki...

[Edda Agnarsdóttir, 5.9.2008 kl. 23:03]

Ertu vitlaus kona? Farðu nú að hugsa um vesalings köngulærnar sem eru svo góðar og halda öllu helv... flugnastandinu niðri sem eru að gera mig stundum vitlausa hérna inni!

Svo áttu að hugsa um börnin, þeim finnst þetta æði, en ef við erum eins og vitleysingar fá þau vonda mynd af náttúrinni þótt sumt eigi að varast!

Góða nótt og sofðu rótt!

[Anna Ragna Alexandersdóttir, 5.9.2008 kl. 23:09]

[Sigrún Jónsdóttir, 5.9.2008 kl. 23:40]

Ég er nú ok með þessar íslensku, en þessar ókunnugu eru frekar krípý, oj, svo ég skil þig að hluta

[lelli (IP-tala skráð) 6.9.2008 kl. 00:01]

Elsku litla skinnið var á leið á ljósanótt. Góða skemmtun litla könguló

[María (IP-tala skráð) 6.9.2008 kl. 01:04]

Ætla bara að kvitta og þakka fyrir frábær blogg!! Þú ert uppspretta margra hlátursroka og snilldarpenni. Kveðja!

[María Guðmundsdóttir, 6.9.2008 kl. 06:06]

æ já thessi helv.kvekindi eru bara threytandi. Segi eins og einhver,tholi nú alveg thessar íslensku en halló thad sem ég fæ stundum á dyrakarminn hjá mér thá eru hlaupaskórnir settir undir vagninn og af stad....

[Tína, 6.9.2008 kl. 07:02]

Þetta minnir mig á þegar ég fríkaði út eitt sinn af því það var kónguló í baðkerinu. Ég æpti og heimtaði að Gunnar dræpi þennan fjanda. Elskan hann Gunnar horfði á mig stór hneykslaður en síðan með hálfgerðri vorkunn í augunum þegar hann greip sturtuhausinn, skolaði kvikindið niður og labbaði svo út á þess að segja eitt aukatekið orð. Shit hvað mér leið eins og fífl. En fegin var ég að hafa þetta ekki lengur fyrir augunum.

Góða helgi unaðslega kona.

[Ásthildur Cesil Þórðardóttir, 6.9.2008 kl. 09:53]

Kóngúlær eru hin mestu nytjadýr, þær eta flugur, lýs og önnur íþarfa kvikindi. En ég skil þig Jennþy mín, þetta er eitthvaðsem maður ræður ekki við, eins og til dæmis flughræðslan mín.  Ég vildi að ég gæti komið henni niður fyrir núllið.  

[Edda Agnarsdóttir, 6.9.2008 kl. 11:15]

Góðan daginn mín fagra! Ertu ekki vöknuð og komin á ról og búin flutningsjafna allt saman?

Vonandi að það hafi ekki safnast köngulær meðan þú varst að heiman?

Annars gott meðan engin er í húsinu, þá éta þær flugurnar.

Hvort viltu hafa könguló eða rottu?

Þú sérð að ég er komin í ham.

[Laufey B Waage, 6.9.2008 kl. 17:31]

Þetta er ekki eitt af því sem við eigum sameiginlegt. Ég hef aldrei skilið fólk sem er hrætt við - eða illa - köngulær. Mér finnst þær flottar.

[Jenný Anna Baldursdóttir, 6.9.2008 kl. 18:15]

Laufey: Það hlaut að koma að því að við værum ekki sammála.  Hehe og ekki steytum við á stóru skeri.

Edda: HÆTTU SKÖMMIN ÞÍN

Ásthildur: Ég vissi að þú héldir með þeim.  Híhí.

Takk öll, þið eruð ágæt.