Mykjudreifarar

Algjörlega stórundarlegur dagur,  þessi í dag sko.

Í fyrsta lagi rigndi, í öðru lagi breytti ég um útlit á síðunni minn og svo var ég hálf rúmliggjandi líka og það telst vera í þriðja lagi.  Einhver að telja?

Og ég talaði við gamla vinkonu í síma sem spjallaði um heima og geima. 

Í miðju spjalli sagði hún:

V: Ég er svo fegin að haustið er að koma og vetrarstarfið að hefjast!

Ég: Ha, vetrarstarfið?  Ertu í Framsókn?

Hún: Noj ertu ekki í lagi, hjónaklúbburinn og leirnámskeiðið er að byrja?

Ég: Ha, ertu svona mikill lúði kona, ég dey.

Og við hlógum.

En aftur að Framsóknarflokknum sem ætla mætti að ég væri komin með á heilann, en það er ekki þannig.  Ónei.

Þegar ég var stelpa heyrði ég á haustin auglýst fyrir kvöldfréttirnar í útvarpinu: Framsóknarmenn, Framsóknarmenn, vetrarstarfið er að hefjast, vinsamlegast skráið ykkur í félagsvistina sem fyrst. 

Og ég spurði ömmu hverjir væru í Framsóknarflokknum (það fólk spilaði stöðugt alltaf fjör hjá þeim) og amma sagði mér í ekki svo fáum orðum að þeir væru beisikklí bændur.

Síðan þá hefur "vetrarstarf" og þannig fyrirkomulag  verið tengt bændum í Framsókn órjúfanlegum böndum í hausnum á mér.

Og svo glumdi í útvarpinu fyrir hádegisfréttir; Bændur og búalið, bændur og búalið.  Vorum að taka upp mykjudreifara. 

Síðan hefur alltaf verið í mér einhver andskotans óhugur gagnvart Framsóknarflokknum.

I wonder why?

Hm...

Athugasemdir

[Ía Jóhannsdóttir, 21.8.2008 kl. 19:07]

Man eftir Framsóknarvistinni, amma sótti þessi spilakvöld stíft en var þó það mesta íhald sem ég hef kynnst.  Henni fannst bara svo gaman að spila við þessa pótintáta eins og hún kallaði þá stundum.

[Hulla Dan, 21.8.2008 kl. 19:37]

"Ha, ertu svona mikill lúði kona, ég dey"

[Edda Agnarsdóttir, 21.8.2008 kl. 20:26]

Heheheehhe - ég græt, bernskuminningar á fullu eða sollis, þetta er nebbilega ekki svo ýkja langt síðan!

[Jónína Dúadóttir, 21.8.2008 kl. 21:10]

[Valgerður Sigurðardóttir, 21.8.2008 kl. 21:20]

[Elísabet Sigurðardóttir, 21.8.2008 kl. 21:31]

Góð samlíking

[Brjánn Guðjónsson, 21.8.2008 kl. 21:37]

maður heyrir bara Jón Múla og Pétur. Bændur og búalið, eða Hellubúar og nærsveitamenn. nostalgían allsráðandi. annars var éhg að skella inn hjá mér smá klippu af Guðna landbúnaðarnátttrölli og bullinu í honum. ætli hann sé nærsveitamaður, eða bara búalið?

[halkatla, 21.8.2008 kl. 23:36]

undirmeðvitundin geymir allskyns svona gullmola, réttari en margt sem fólk þorir að horfast í augu við

[Linda litla, 21.8.2008 kl. 23:39]

sjúddírarírei......

[alva (IP-tala skráð) 22.8.2008 kl. 00:10]

ég var alltaf að pæla í þessu búa-liði...

[Eva Benjamínsdóttir, 22.8.2008 kl. 00:41]

Alveg ertu dásamleg Jenný Anna.

[Guðbjörg Erlingsdóttir (IP-tala skráð) 22.8.2008 kl. 00:44]

Elska nýja lúkkið þitt ! Lavender er liturinn

Ofurskutlukveðja

[Jenný Anna Baldursdóttir, 22.8.2008 kl. 00:57]

Takk fyrir skemmtileg komment.

Ég elska ykkur öll addna.

[Sigurður Þórðarson, 22.8.2008 kl. 02:25]

Þetta var skemmtilegt.

[Katrín Snæhólm Baldursdóttir, 22.8.2008 kl. 10:04]

.....ertu ekki til í að hringja og segja eitthvað fyndið í símann minn??....kannski betra að ég finni símann fyrst!!!!