Dagur núllsins

Jæja þá er það komið á hreint.

Þess vinnuþjakaða ríkisstjórn hefur sagt sitt síðasta orð fyrir sumarfrí.

Afrakstur dagsins er  eitt stórr EKKERT.

Engin breyting á eftirlaunafrumvarpi, verður unnið að málinu í sumar.  Hva? Nægur tími.

Engar bætur til Breiðavíkurmanna, kannski í haust.  Auðvitað geta þeir beðið, þetta er búið að vera svoddan dans á rósum hjá mönnunum, ekkert liggur á.

Enginn andskotans afsökunarbeiðni dómsmálaráðuneytis fyrir persónunjósnirnar á íslenskum borgurum.  Svo má geta þess að fólk er að tjá sig hér um víðan völl yfir að Björn Bjarnason þurfi auðvitað ekki að biðjast afsökunar fyrir hönd föður síns.  Halló, Björn er ekki ríkið og pabbi hans ekki heldur, þeir eru handhafar valds og Birni væri réttast að hysja upp um sig í staðinn fyrir að brúka munn og viðhafa kaldastríðsáróður úr ræðupúlti Alþingis.  Þetta hefur ekkert með persónur þessara manna að gera.  En ég segi það satt, það kann ekki góðri lukku að stríða þegar embætti ganga í erfðir.

Sem sagt dagur núllsins.  Frestun og almennur dónaskapur er afrakstur dagsins í dag.

Ég er svo hamingjusöm með íslensk stjórnvöld. 

Því ég veit að þetta kemur allt saman, bara einhvern tímann seinna.

Djö sem ég er komin í öfluga stjórnarandstöðu.

Péess: Hvar er útlenda kjötið sem ég ætlaði að vera svo dugleg við að kaupa?  Hélt ég í alvörunni að innflutningur á kjöti yrði leyfður?  Nebb, I´ve been around too long.

Farið yfir eftirlaunalög í sumar

Athugasemdir

[Jóna Á. Gísladóttir, 28.5.2008 kl. 20:35]

þú rokkar addna kelling. Hvernig væri nú að þú færir að virkja sjálfa þig í stjórnmálunum? Það vantar manneskju eins og þig með sterkar og sjálfstæðar skoðanir (ég er ekki að segja að ég sé alltaf sammála þér) og sem þorir að opna túllann.

Jenny for president (ekki samt president því þeir eru svo áhrifalitlir)

[Linda Linnet Hilmarsdóttir, 28.5.2008 kl. 20:39]

Tek undir með Jónuþú yrðir and.....góð(fyrirgefðu orðalagið elsku Jenný mín)eins og hún segir þú rokkar Jenný.

Knús knús á þig elsku Jenný mín

[Þröstur Unnar, 28.5.2008 kl. 20:39]

Vil ekki Kínverskan hund......elska ísl. lambið, medium reare.

[Jóhanna Magnúsar- og Völudóttir , 28.5.2008 kl. 20:46]

Já - held að ríkisstjórnin sé föst í hlutlausum gír!

[Ásgerður Jóna Flosadóttir, 28.5.2008 kl. 20:51]

Sæl Jenný, ætíð góðir pistlar frá þér sem ég les daglega.  En á sunndaginn næsta i.e. sjómannadaginn ætlum við konur að mótmæla kvótakerfinu og mæta kl. 13.30 fyrir utan Stjórnarráðið og labba síðan niður á hafnarbakkann þar sem Sjómannadagsráð verður með dagskrá.  Mikið væri gaman að sjá þig.

kkv.

[Jenný Anna Baldursdóttir, 28.5.2008 kl. 21:12]

Jóna mín: Ég á ekkert erindi í pólitík, ég er naut í flagi.  Það hentar mér betur

Takk krakkar.  Ásgerður mín, ég hef minna en ekkert vit á kvótamálum, þannig að ég fer vísast ekki að mótmæla einhverju sem ég kann engin skil á en takk samt.

[Sunna Dóra Möller, 28.5.2008 kl. 21:28]

Voðalega lýsir "dagur núllsins" þessu öllu vel....ég hef einhvern veginn núll væntingar til þeirra sem ráða.....einhvern vegin eru loforð og allt þetta hætt að snerta mig og ég kippi mér lítið upp við þetta loforðahjal ráðamanna!

Mér líst vel á stjórnarandstöðubloggið þitt !

[Birna M, 29.5.2008 kl. 00:10]

Á kannski ekki við hér en þó. Nú er hér hópur fólks með tekjur í meðallagi. Það er rétt fyrir ofan húsaleigubótamörkin, það borgar leikskólann uppí topp og allt það, og mikinn skatt, allt er að hækka lán og afborganir og leiga. Fólk sem er með allt sitt heiðarlega skráð og er orðið með minna í ráðstöfunarfé en þeir sem lægstar hafa tekjurnar. Hvernig er þetta varið. Hvernig viðgengst það að þessu fólki er refsað svona hrottalega. Það á sér engan málsvara, því er bara sagt að skilja á pappírunum til að meika það. Bara smá innleg í umræðuna svona í lok þings. Hjá þessum hópi er ekkert núll, bara mínus.

[Eva Benjamínsdóttir, 29.5.2008 kl. 00:40]

Sæl Jenný mín, alltaf hreyfir þú við kauninni í mér með skrifum þínum.

Hjálpin er ekki næst fyrir þá sem þurfa á henni að halda, hvort sem það eru sjúklingar eða óeigingjarna fólkið sem er í ummönnun af hugsjón. Nei ummönnun má bíða, setja hana á frest eða frost. Þetta O er það ómannúðlegasta í þessari ríkisstjórn, finnst mér. Núllin eru alltof mörg.

Jóhanna Sigurðar stendur alltaf uppúr og lætur verkin tala. En hún er ekki fjármálaráðherra. Hún er ekki ein í yfir sextíu manna sundurleitum flokki á Alþingi. En hún gefst ekki upp á að berjast fyrir fólkið. ...Annars, allt gott hjá mér mikið að gerast, kv.eva

[Jenný Anna Baldursdóttir, 29.5.2008 kl. 01:09]

Takk Eva mín, gaman að heyra frá þér.

[Jóna Kolbrún Garðarsdóttir, 29.5.2008 kl. 02:17]

Hvað munar "Breiðavíkurkarlana" um það að bíða eitt sumar, þeir hafa haldið kjafti í rúm 40 ár   Þessi ríkisstjórn er andlaus og duglaus líka.  Það er skömm að þessu kjaftæði, öllu fögru er lofað og síðan er allt svikið