Yfirlýsing til að róa íslenska þjóð

 

Ég undirrituð lýsi því hér með yfir, til að slá á öflugar vangaveltur þess efnis að ég og minn heittelskaði munum flytja á Stór-Hafnarfjarðarsvæðið næstu 18 mánuðina, að planið hefur verið blásið af.

Þannig er mál með vexti að við vorum svona að gæla við hugmyndina um að flytja búferlum og nefndum það í bríari við einhvern að Hafnarfjörður gæti komið sterklega til greina sem búsetusvæði vegna nálægðar sinnar við berjamóinn í hrauninu.

Nú mun fólk vera í mikilli spennu og frústrasjón yfir þessum mögulegu breytingum á högum okkar.

En við erum sem sagt hætt við.

Ég ætla að safna hári og hugleiða í sumar og verð alveg bissí í því og húsband mun vinna fyrir okkur á meðan.

Þetta finnst mér mikilvægt að Íslenska þjóðin fái að viti.

Nánari skýringar á málinu fást hér.

Athugasemdir

[Ásdís Sigurðardóttir, 6.5.2008 kl. 23:43]

ÉG ætla að fara út að borða annað kvöld og vona að það létti einhverjum eitthvað. Hvað er í gangi hjá sumu fólki, ég mundi ekki einu sinni eftir manninum.

[Ásthildur Cesil Þórðardóttir, 6.5.2008 kl. 23:44]

Komiði bara vestur, hér er mikill músik bær og allir furðufuglar velkomnir hehehehe...

[Lára Hanna Einarsdóttir, 6.5.2008 kl. 23:50]

Hmmm... spurning í hvaða farveg ég á að beina minni yfirgripsmiklu reynslu í ýmsu.

Hugleiði það næstu árin. 

[Birna Dis Vilbertsdóttir (IP-tala skráð) 7.5.2008 kl. 00:04]

Tilkynni hér með að ég fer allra minna ferða á reiðhjóli.Þ.e.a.s. til og frá vinnu.innan Grafarvogs,hætti mér ekki suður fyrir læk á nýja flotta konu-hjólinu mínu sem er með þessari fínu körfu undir það sem verslað er.

[Hrafnhildur Ýr Vilbertsdóttir, 7.5.2008 kl. 00:14]

Good to know.....

[Jenný Anna Baldursdóttir, 7.5.2008 kl. 00:16]

Stelpur, er það bara Ásdís sem ýtir á linkinn?  Ef svo er þá hljótið þið að halda að ég sé með mikilmennskubrjálæði. Ég er í kasti.

[Lára Hanna Einarsdóttir, 7.5.2008 kl. 00:26]

Neinei, ég smellti á linkinn og las, skrifaði kommentið í beinu framhaldi af niðurlagi "fréttarinnar". Mér fannst þetta alveg stórmerkileg yfirlýsing og íslenska þjóðin hlýtur að anda léttar.

Þú átt þakkir skildar fyrir að vekja athygli á þessum stórviðburði í Íslandssögunni. Annars hefði þetta örugglega farið fram hjá mörgum.

En ég er samt ósköp fegin að þú hafir hætt við að flytja út á land. Það væri sjónarsviptir af þér í höfuðborginni.

[Guðríður Haraldsdóttir, 7.5.2008 kl. 00:30]

Ég skildi ekkert í þessari yfirlýsingu, hélt að hún væri persónuleg, síminn bilaður og svona ... en ýtti á hlekkinn svo, djisús kona, þú drepur mann!!!

[Jenný Anna Baldursdóttir, 7.5.2008 kl. 00:37]

[Linda litla, 7.5.2008 kl. 00:38]

Við hjónin erum búin að vera að hugsa okkur að flytja til Englands, en þar sem manninum mínum hefur boðist staða við skógarhöggv á Kárahnúkum höfum við ákveðið að fresta flutningum okkar erlendis um óákveðinn tíma.

Þannig að ég kem til með að blogga áfram frá Unufellinu í Reykjavík á Íslandi. Takk fyrir okkur.

[Hrönn Sigurðardóttir, 7.5.2008 kl. 00:42]

Greini ég  þarna vott af örlítilli hæðni Jenný Anna?

[Ragnhildur Sverrisdóttir, 7.5.2008 kl. 00:43]

Ég ætla að hjóla í vinnuna á morgun.

[Jóna Á. Gísladóttir, 7.5.2008 kl. 00:52]

Ekki undir neinum kringumstæðum mun ég flytja úr Árbænum og veit ég að sú yfirlýsing mun svekkja margan sveitavarginn sem hefur vonast eftir að fá mig og mína fjölskyldu í sína sveit. Því miður. It's not gonna happen

[Kolgrima, 7.5.2008 kl. 06:20]

Ha, ha, þú ert dásamleg! Mín fyrsta hugsun var reyndar: býr Guðjón í Hafnarfirði?

[María Guðmundsdóttir, 7.5.2008 kl. 07:02]

 thetta er BARA fyndid..ég var nebblega búin ad tapa svo hrodalega miklum svefni yfir thvi ad thau hjónin væru ad flytja af landi brott múahhhhh..... 

[Jónína Dúadóttir, 7.5.2008 kl. 07:21]

Mér létti stórlega að fá að vita að hjón, sem ég veit ekkert hver eru, skuli bara alls ekkert vera að flytja til útlanda Hef aftur á móti enga skoðun á því, hvar mig langar til að Jenni og slekti eigi heima, bara að hún hætti ekki að blogga

[Birna Dis Vilbertsdóttir (IP-tala skráð) 7.5.2008 kl. 08:13]

Auðvitað smellti ég á linkinn.hahahaha.Fannst bara miklu meira áríðandi tilkynningin um mig á hjólinu en að jóga-Gulli væri hættur við að flytja.

[Hrafnhildur Ýr Vilbertsdóttir, 7.5.2008 kl. 08:13]

Jú mikil ósköp fór á linkinn og er dauðfeginn að það mál upplýsist..hver þarf ekki að vita hvar Guðjón og frú ætla búa.....ha.

En þín tilkynning sló á mikla spennu...get bara ekki lifað í svona mikilli óvissu með það hvar þú og þitt slekti ætlið að setjast að  í náinni framtíð 

[Hildigunnur Rúnarsdóttir, 7.5.2008 kl. 08:25]

En Jenný, þú BÝRÐ á Stór-Hafnarfjarðarsvæðinu, það þekur Hafnarfjörð, Garðabæ, Kópavog, Reykjavík, Seltjarnarnes, Voga... :þ

[Svala Erlendsdóttir, 7.5.2008 kl. 08:45]

hehe.... Gott að vita hvar landinn heldur sig hverju sinni. Svona rétt til að vita hvar hægt sé að ná í fólk ef mikið liggur við. Blessuðgóða endilega skelltu þér í berjamó í Firðinum, berin öll full af góðu flúori frá álverinu :-)

[Sunna Dóra Möller, 7.5.2008 kl. 09:11]

 

[Hugarfluga, 7.5.2008 kl. 09:33]

Ahahahahahahahaha!!!!!!! Ó mæ god, ertu ekki að grínast í mér? Vonandi lætur hann okkur líka vita með yfirlýsingu í fjölmiðlum ef þau svo ákveða að fara út eftir allt saman.  Ég á ekki eftir að sofa.