Klár í bátana!

 

 Stundum getur maður þakkað almættinu fyrir flensur og aðra óáran.  Ég hef nefnilega verið "gránduð" heima alla helgina með hita og ekki getað hamast um allt eins og ég hafði ætlað mér.  Þess vegna hef ég getað lent og áttað mig. 

Á 500 km. hraða hafa hlutirnir gerst á nýju ári og að vandlega athuguðu máli hafa þeir allir verið til góðs.

Læknirinn minn á Vogi sagði mér að ég væri töffari sem væri sjálfri mér harður húsbóndi og vissulega er það rétt eins og allt annað, sem þeir sem vita í alvörunni betur, hafa gaukað að mér í gegnum tíðina.  Mér hefði verið vísast að hlusta betur, en það er aldrei of seint að byrja.

Nú hef ég verkefni að vinna.  Það fyrsta er að þvo þvott og dúlla í kringum mig.

Svo tekur við skemmtilega erfið vika í göngudeildarmeðferðinni minni.  Þar sem ég þarf að nýta alla mína orku.

Þess vegna þakka ég mínum sæla fyrir kyrrsetninguna.

Ég er enn með hita og hósta.  Kva!  Íslensk kona, tek það með vinstri.

Nú er ég nefnilega klár í bátana.

Ójá og njótið sunnudagsins elskurnar mínar.

Það ætla ég að gera.

Athugasemdir

[Bjarndís Helena Mitchell, 2.3.2008 kl. 11:54]

Góðan bata og gangi þér vel í deildinni í vikunni.

[Ásthildur Cesil Þórðardóttir, 2.3.2008 kl. 12:09]

Gangi þér allt í haginn Jenný mín.  Þú ert sannarlega hetja, og hefur synt okkur hinum það svo það gleymist aldrei held ég.  Og verður leiðarvísir til framtíðar fyrir mig allavega.  Gott kjaftshögg sem þú gafst okkur elskuleg.  En stundum er það gott og bætir mann að fá svoleiðis. 

[Ásgerður Jóna Flosadóttir, 2.3.2008 kl. 12:11]

Sæl, þú ert frábær karakter, stendur þig sem hetja.  Ég dáist að hreinskilni þinni og dugnaði  gegn Bakkusi.  Það er stór hópur kvenna sem þykjast ekki drekka úr hófi fram.  Margar fara létt með að stúta tveimur rauðvínsflöskum eða hvítvíni  yfir helgi og vita svo ekkert í sinn haus daginn eftir. Láttu þér batna sem fyrst og gangi þér vel í meðferðinni. Bloggin þín eru nauðsynleg á hverjum degi.

kkv.

Ásgerður Jóna Flosadóttir

[Birna Dis Vilbertsdóttir (IP-tala skráð) 2.3.2008 kl. 12:22]

 gangi tér vel og góðan bata  

[Kolgrima, 2.3.2008 kl. 12:46]

[Hrönn Sigurðardóttir, 2.3.2008 kl. 12:47]

Gott að þú veiktist

[Guðrún Emilía Guðnadóttir, 2.3.2008 kl. 13:30]

Hafðu það gott í dag töffari allt hitt er bara spurning um
skipulag              Knúsý kveðjur Milla.

[Tiger, 2.3.2008 kl. 16:12]

  Já, við ættum stundum að hlusta þegar á okkur er yrt. Megum alls ekki láta töffarann í okkur verða skynseminni yfirsterkari þegar heilsan er annars vegar. Teljum okkur oft ráða við allan heiminn og vöðum áfram í þrjósku þess sem hefur unnið hörðum höndum allt lífið og ekki látið smá verk eða flensu leggja okkur í straff. Góður er þinn húsbóndi sem setti þig í útivistabann heima, hlustaðu vel á hann því hann er greinilega með þig, þig og aftur þig í huga og hjarta og vill þér greinilega allt hið besta.

  Hef þig í bænum mínum í vikunni, sem og oftar kæra bloggvinkona. Smá bæn hefur aldrei sakað neinn svo hér er mín til þín - Guð gæti þín kæra og gefi þér styrk á þeirri frábæru braut sem þú hefur lagt á.

[Guðríður Haraldsdóttir, 2.3.2008 kl. 18:43]

Sunnudagsknús.

[Jónína Dúadóttir, 3.3.2008 kl. 06:09]

Farðu vel með þig, það er enginn annar til þess

[Heiður Þórunn Sverrisdóttir, 3.3.2008 kl. 08:15]

Farður vel með þig Jenný og gangi þér vel ....

[Þröstur Unnar, 3.3.2008 kl. 08:39]

Mánudagsknús.

[Hrönn Sigurðardóttir, 3.3.2008 kl. 09:59]

Stattu þig stelpa! Þú veist mér þykir vænt um þig