Vei, vei, hér sé stuð út í eitt!

 

Útlegð minni úr eldhúsinu, með lappan er hér með lokið.  Óþægilegi eldhústólinn verður ekki notaður nema á matmálstímum og ég hef nóg pláss fyrir sígó, vatn og kaffi. Svo má ekki gleyma kókinu.  Ég er mjög þyrst týpa.  Líka eftir að það rann af mér. 

En hvað maður er fljótur að venjast nýjum hlutum.  Borðtölvan virkar svo hryllilega klossuð og stór, eins og hún er nú fagurlega hönnuð og af fínustu og bestu gerð, og ég á í mesta basli með lyklaborðið, en ég verð nú ekki lengi að kippa því í liðinn.

Nú er ég laus við að vera með hausinn upp í skjánum, af því stafirnir í þessari eru af eðlilegri stærð fyrir konu á mínum aldri og ég mun sennilega hætta að lenda í illdeildum við bloggvini mína af því ég misles þá stöðugt (smá ýkjur svona).

Ekki má gleyma öllu myndasafninu mínu, sem ég hef komið mér upp, mér þykir nefnilega smá gaman stundum að myndskreyta færslurnar mínar.

Ég lokaði á IP-tölu eins Moggabloggara í dag og það var góð tilfinning.  Sumir eiga ekki erindi inn á bloggsíður manns enda allt löðrandi í bloggum hér á Mogganum, að velja um.  Er nokkuð brostinn á rosa fjöldaflótti?

Ég fékk viðurstyggilega góðar fréttir í dag, en þær eru leyndó, enn sem komið er, svo þið fáið bara forvitnina til að orna ykkur við.  Nananabúbú.

Lífið er gott í borginni ef þú ert ekki sjálfstæðismaður í sorginni.

Úje - újeje

Later

Athugasemdir

[Kolgrima, 12.2.2008 kl. 17:17]

Til hamingju með að vera laus úr útlegðinni í eldhúsinu og fréttirnar viðurstyggilega góðu!

[Jenný Anna Baldursdóttir, 12.2.2008 kl. 17:21]

Ég segi þér það Kolgríma að þær voru óegeðsgóðar.  Hreinn hroðbjóður

[Hugarfluga, 12.2.2008 kl. 17:26]

Eru fréttirnarr svo góðar að maður myndi gubba ef maður vissi þær?

[Jenný Anna Baldursdóttir, 12.2.2008 kl. 17:28]

Nei fluva mín þær eru voða sætar og miklar dúllur, en ég vildi bara leggja ÁHERSLU á hversu viðbjóðslega góðar þær væru.  Hehe

[Garún, 12.2.2008 kl. 17:57]

Er bara ekki verið að bæta í hópinn?  Ekki er það utanlandsferð (flughrædd), það hlýtur að vera barn.....Börn eru alltaf góðar fréttir

[Edda Agnarsdóttir, 12.2.2008 kl. 18:03]

Aha gerir mann forvitin græn! Æðislegt að vera með stóra tölvu þó að lappi sé ágætur að þá eru stóru betri.

[Þröstur Unnar, 12.2.2008 kl. 19:09]

Engin mynd?

Þú verður að fara að breyta linknum á þetta glottandi tungl þarna. Það er hætt að vera búmmerang

[Birna Dis Vilbertsdóttir (IP-tala skráð) 12.2.2008 kl. 20:10]

Ertu að fara í framboð?

[Einar Örn Einarsson (IP-tala skráð) 12.2.2008 kl. 20:39]

Gott að það fer betur um þig. Maður verður forvitinn með góðu fréttirnar.

Spennan magnast.

[Anna Ólafsdóttir (anno) (IP-tala skráð) 12.2.2008 kl. 20:54]

Nú fer að verða tími á heimsókn að skoða aðstæður

[Jenný Anna Baldursdóttir, 12.2.2008 kl. 21:14]

Sko þarna er ykkur rétt lýst ormarnir ykkar, heil færsla full af djúpum og ljóðrænum sannindum og það eina sem þið hafið áhuga á er einhvert ógeðis gleðidæmi.  Á fjórum hjólum.  Atvinnutæki, sem ég kem ekki nálægt.

Og hana nú

[Jenný Anna Baldursdóttir, 12.2.2008 kl. 21:33]

Garún: Hætt að vera flughrædd, ekki ólétt fcol, ekki í framboð. Dúa má má fara að skipta út túnglinu.  Hún er töluvert þokkalegri í eigin persónu.

Að því sögðu

Toodelou

[Lára Hanna Einarsdóttir, 12.2.2008 kl. 22:58]

Gott að heyra að tölvan reddaðist og til hamingju með nýja bílinn... 

[Kolgrima, 12.2.2008 kl. 23:05]

Til hamingju með nýja bílinn Svo kem ég og fletti á tveggja tíma fresti...

[Tiger, 13.2.2008 kl. 01:01]

Ég kem svo seint inn til ykkar að ég segi bara pazz... er svo óhemju ræðinn í kvöld eitthvað. Er þó sammála þér með að sumir moggabloggarar eiga bara alls ekkert heima á netinu bara yfir höfuð.

[Guðrún B. (IP-tala skráð) 13.2.2008 kl. 02:08]

Til lukku með fréttirnar Jennsan mín, kem inn 4 sinnum á dag til að frétta þær héðan af, líklega næ ég að vinna miljón í leiðinni