Allt í lagi vinan

Ég hringdi út á vídeóleigu í gær og lét vita að ég myndi ekki taka mynd sem beið mín þar.

Þekki hvorki haus né sporð á einum einasta kjafti þar á bæ.

Ég lét sum sé vita að ég afþakkaði mynd.

Svarið sem ég fékk, frá konu á óræðum aldri var:

Allt í lagi vinan

ARG

Flestir vilja manni vel,

líka ókunnugt fólk, en plís, gerið mér greiða, allir sem ég á eftir að hitta við möguleg og ómöguleg tækifæri, (og hér er ég að tala um ókunnugt fólk, eða fólk sem ég þekki lítið sem ekkert), ekki segja við mig:

Elskan,

Vinan,

Góða,

Gæskan eða

Vinkona

Arg, það er svo hroðalega pirrandi, ég tætist í öreindir.

Að öðru..

Hilma litla systir mín er að fara að gifta sig í desember.

Það verður veisla aldarinnar (Jón Ásgeir snæddu hjarta, þér er ekki boðið)

þá ætla ég að Haffa Kaman.

Úje.

Athugasemdir

[Matthildur Ágústa Helgadóttir Jónudóttir, 15.11.2007 kl. 09:35]

Allt í lagi vinan, ég skal hætta því

[Lára Hanna Einarsdóttir, 15.11.2007 kl. 09:39]

Þegar ég var síðast kölluð "vinan" af ókunnugri konu var ég um fertugt en við þetta ávarp leið mér eins og ég væri ekki deginum eldri en þrettán! Það var ekki mjög gott.

[Sunna Dóra Möller, 15.11.2007 kl. 09:39]

jájá góða..........!

[Jónína Dúadóttir, 15.11.2007 kl. 09:41]

Elsku góða gæsku vinan, ég skal hafa þetta í huga

[Jenný Anna Baldursdóttir, 15.11.2007 kl. 09:42]

Þið drepið mig ósvífnisboltarnir ykkar og gæskurnar mínar.  Aular

[Ingi Geir Hreinsson, 15.11.2007 kl. 09:53]

Ég vil benda á yfirgengilega stillingu mína gagnvart þessu bloggi þínu, þegar allar mínar gressilegustu hvatir ólmast innra með mér. Ég segi ekki e-orðið, minnist ekki á g-orðið, hugleiði ekki v-orðið og læt ekki hvarfla að mér hitt g-orðið. For once I'm taking the high road  (og þetta tákn held ég að ég hafi aldrei notað áður).

[Jenný Anna Baldursdóttir, 15.11.2007 kl. 09:54]

Ingi Geir: Þú ert ótrúlega brilljant svona árla morguns.

[Þröstur Unnar, 15.11.2007 kl. 09:57]

Hefurðu aldrei komið á Skagann? Þar eru allir ávarpaðir vinir, hver einn og einasti, ungir sem aldnir.

Spurru bara Gurrí, allir vinir á Skaganum.

[Hrafnhildur Ýr Vilbertsdóttir, 15.11.2007 kl. 10:39]

Jeminn hvað ég skil þig, fæ gæsahúð og aumingjahroll þegar einhver ávarpar mig sem VINAN,

[Hallgerður Pétursdóttir (IP-tala skráð) 15.11.2007 kl. 10:42]

Ég gerði þetta,hætti því snögglega þegar kona ein troppaðist í síma við mig þar sem ég endaði á að segja :Ég geri það sem ég get "vinan"verð samt að viðurkenna að ég skil þetta ekki til fulls,það er fjarri minni hugsun að tala niður til,er bara alin upp við þetta.Hef reynt að rökræða þetta í kreðsum og lítið komið út úr því,annað en það (sem er nóg )að fólk upplifir þetta mjög neikvætt.En af hverju ?hvað með "gæskan"sem ég ólst líka upp við ?

[Huld S. Ringsted, 15.11.2007 kl. 10:43]

OK gæskan ég skal muna það

[krossgata, 15.11.2007 kl. 11:31]

Já góða mín og hvað ég skil þig vel gæskan.    Annars er það sem gerir þetta mest pirrandi er þegar þessi orð eru notuð af bláókunnugu fólki eins og þú komst inn á í pistlinum.  Þá snýst maður öndverður, en mér gæti ekki verið meira sama þegar amma segir þetta. 

[Ásthildur Cesil Þórðardóttir, 15.11.2007 kl. 11:43]

Segi ekki orð

[Margrét Össurardóttir (IP-tala skráð) 15.11.2007 kl. 11:51]

ok love,,,,,,

[Ingibjörg Gunnarsdóttir, 15.11.2007 kl. 12:05]

Viðkomandi gæti hafa verið að norðan.  Ég lenti í einum - sem var fæddur óumræddum árum á eftir mér og fannst viðeigandi að segja við mig:  Það er þarna niðri - væna!

Ég var viss um að maðurinn væri á lyfjum - kom svo í ljós að hann var Akureyringur.........

[Marta B Helgadóttir, 15.11.2007 kl. 12:37]

Leitt að þú gast ekki komið í gær. Langaði virkilega að hitta þig skemmtilega kona.

[Jenný Anna Baldursdóttir, 15.11.2007 kl. 13:13]

Marta mín, kem næst.

Stelpur: Ég held að þetta fari svona í taugarnar á okkur konum vegna þess að það er oft verið að setja mann "på plads" með þessum elskufrösum.  Oftar en ekki er þetta vel meint, sagt í hugsunarleysi og í besta falli er þetta venja sem margir temja sér.  Ég segi elskan endalaust við dætur mínar, systur og vinkonur, en ég myndi aldrei segja þetta við ókunnugt fólk.

[Hildigunnur Rúnarsdóttir, 15.11.2007 kl. 15:52]

Bókað ekki illa meint, en manni finnst þetta alltaf pínu "nedladende" einhvern veginn samt.

[Frumburðurinn (IP-tala skráð) 15.11.2007 kl. 16:33]

Skall í gólf.

Haffa kamann og liffa, móðir góð ... ekki gleyma að lifffa !

[Sigrún Magnúsdóttir (IP-tala skráð) 15.11.2007 kl. 16:36]

Þú átt eftir að vera pirrað(ri sem) gamalmenni því á elliheimilum er ótrúlegasta fólk sem tekur upp á því að kalla heimilisfólkið elskan og vina... og meira að segja breyta sumir röddinni svona eins og þeir séu að tala við kettling. Það er eins og með annað, sumum finnst þetta hlýlegt og yndislegt en öðrum ömurlegt.