Hann meig þar sem hann stóð

 

Erill, ofdrykkjumaður og asnakjálki, meig tólf sinnum þar sem hann stóð, sl. nótt. Það held ég að minnsta kosti, því 12 "háttsemisbrot" voru framin á höfuðborgarsvæðinu.  Erill var þar á ferð og hafði drukkið ótæpilega, ásamt því að vera á þvagræsilyfjum.  Ég vona að háttsemisbrot, þessa dagana, feli ekki í sér að gefa löggunni fokkmerki, því þá munu þeir hafa ærið að gera nú þegar stefnir í jólagleði, hvern dag, næstu tvo mánuði.

Annars eru þessar fréttir af Erli karlinum orðnar þreytandi, þó ég sé óþreytandi við að fylgjast með þeim og splattera á bloggið mitt.

Mér er hlýtt til fíflsins, vegna þess að ég el með mér þá von í brjósti að karlinn sjái að sér og leiti sér meðferðar og hætti að vaða uppi með leiðindi og háttsemislömun.  Jafnframt óska ég honum þess að hann nái sér í einhvern sem þykir vænt um hann þrátt fyrir að hann sé plebbi og nörd.  Í þessi ástandi er Erill og hans sálufélagar, gjörsamlega sneyddir kynþokka.  Ég er að velta fyrir mér hvort þeir viti af því.

Það er zero sexý að míga utan í byggingar, æla í bjórglasið, lemja dyraverði, berja lögreglumenn og konur.  Það er þess vegna sem Erill fer alltaf einn heim, þ.e.a.s. þegar hann fer ekki í steininn til að lúlla.

Erill þú ert einmana, ég veit það.  Hysjaðu upp um þig karlinn og stelpurnar munu hrannast upp í kringum þig, þ.e. eftir að þú hefur leiðrétt tískuslysið sjálfan þig, farið í exstrem makeover og gert aðrar nauðsynlegar leiðréttingar á þessu genaslysi sem ert þú.

Með illyrmiskveðju frá Jenný frænku.

Úje.

 

Mikil ölvun og slagsmál á höfuðborgarsvæðinu í nótt

Athugasemdir

[Sigurbjörg Sigurðardóttir, 4.11.2007 kl. 11:52]

Já hann Erill á nú ansi bátt,og lærir aldrei neitt,hrúar í sig áfengi og öðru.Satt að seigja er ég líka orðinn dauðþreitt á honum.

[Anna Ólafsdóttir (anno) (IP-tala skráð) 4.11.2007 kl. 11:59]

Það er gott að búa á Akureyri,  í það minnsta á sunnudögum. Það eru færri á þvagræsilyfjum á laugardagsnótt 

[Jónína Dúadóttir, 4.11.2007 kl. 12:33]

Jamm og jæja og svo heitir þetta að fara út að "skemmta sér"

[Sunna Dóra Möller, 4.11.2007 kl. 12:35]

Ég á svo erfitt með að skilja þetta piss út um allt....ekki gerir maður þetta heima hjá sér, mígur bara þar sem manni verður mál þá og þá stundina. Þetta eru sóðar !

[Ásthildur Cesil Þórðardóttir, 4.11.2007 kl. 12:41]

Það versta við hann Eril frænda þinn er að ef hann fer í meðferð, þá bíða allir hinir Erlarnir eftir að fá tækifæri til að taka við af honum.   Frábær færsla hjá þér annars

[Ásdís Sigurðardóttir, 4.11.2007 kl. 13:21]

Góð færsla.  Hann Erill er víða, ósköp á hann bágt blessaður og þó, hann getur bara tekið sig á eins og þú segir, hefur sömu möguleika og við.

[Jóna Á. Gísladóttir, 4.11.2007 kl. 13:35]

skammastín kona. Þú ert búin að persónugera Eril og nú vorkenni ég honum

Snilldarfærsla kona góð

[Ragnheiður , 4.11.2007 kl. 16:24]

Erill (asni) hringdi næstum 1000 sinnum í mig í nótt, stundum góður en stundum með dónaskap og attitjúd. Erill með attitjúd er ekki skemmtilegur viðtals. Erill týndi líka hinu og þessu á ferðum sínum með leigubifreiðum, hann gubbaði í suma og þóttist vera mikill maður í öðrum.

Við vorum öll fegin þegar síðasti Erill fór heim ( þ.e.a.s. fyrir utan þá sem löggan geymdi hjá sér í nótt)

Nú hvílum við okkur í viku og verðum svo standby í næstu Erlasúpu um næstu helgi. Í þetta hef ég eytt 20 árum........

[Jenný Anna Baldursdóttir, 4.11.2007 kl. 16:40]

Elsku Ragga mín og þú enn með fulla fimm eftir Erla heimsins í tuttugu ár, vonum nú samt að þeir verði til friðs fram að næstu helgi.  Þeir verða að vinna þessar elskur til að eiga fyrir skemmtilegheitunum.

Takk kæru athugasemdarar

[Siggster (IP-tala skráð) 4.11.2007 kl. 16:42]

Erils brandarinn kannski orðinn þreyttur? Bara hugdetta

[Jenný Anna Baldursdóttir, 4.11.2007 kl. 19:48]

Siggster: Þegar Erill hættir að bögga okkur þá skal ég hlægja, þangað til er það bara hann sjálfur sem er þreytandi.

[Sunna Dóra Möller, 4.11.2007 kl. 20:10]

Mér finnst Erill ansi hress enda er hann uppi allar nætur og virðist aldrei fá nóg! Meira af Erli takk !

[Jenný Anna Baldursdóttir, 4.11.2007 kl. 23:40]

SD: Hinn íslenski "gleðimaður" lifandi kominn.